JEREMIA 24:7 - PATHIAN LEKHABU IRTHIANG C.L. Bible (BSI)

⁷ Keima hi Rengpa ki nih ti inhriat theina hrangin, anni chu irzukna pehai ki ta; an lungrîl murdi le ki kuang an hong ikîr hrang a ni sikin.

JEREMIA 24:7 ပူးပေါင်းရင်းမြစ်များ

2 THURCHI SUINA 6:38

Kha rama an om zoiin an sual an irleta, irsîra an irchihai kuanga ni ipêkna ramhai, nangma hranga ni khopui irtan hai, ni ta hranga ki isin tempil tianga an chongchaiin chu,

INPÂKNA HLAHAI 119:2

A thupêk zômhai chu an vân a sa, Lungrîl murdia ama zongtuhai chu.

ISAIA 51:16

Irvân khi ki kaiphara, irnêng irnghatna ki phûma, Zion mihai kuang, “Ki mihai nin ni, nin hmûra ki thu ki sia ta, ki kut zapha laia ki sia insa ta,” ki iti kha.

JEREMIA 11:4

Hi thuthung hi an irchibulhai Aigupta rama thîr hâl inzôitu kuang ata ki hruaisuak nia ki isiamhai an ni. Ki thu zôm hrang le sin hranga thu ki ipêk murdi tho hrangin kin hrila. An zôma ni’n chu ki mihai ni an ta, keima an Pathian ni ki tih ti ki ihril a ni.

JEREMIA 29:10

“Khan Rengpa’n, ‘Babulon rama kum sômsari a hekin chu, nangni ngaisaka, in tianga nangni hruai kîr nôk hranga ki chonginkung thangsua ki ti.

JEREMIA 3:10

Hihai zoia hin Israel zuarpuinu, iamom loi Juda chu tumna diktakin ki kuang hong kîr tum loiin tumna milak thoa hong kîr tumin,” keima Rengpa’n ki iti a ni ta.

JEREMIA 30:22

Ki mihai ni nin ta, nin Pathian ni ki ti, kei Rengpa hin ki iti a ni,” a tia.

JEREMIA 7:23

Khan, an Pathian ki nia, ki mihai an ni theina hrangin le ki thu zôm thei hrangin chu, thu ki ipêk an ni. Khante an ta hranga thil a fe insa mai theina hrangin ki thupêk ang taka, innun hrangin ki ihrilhai an ni.

EZEKIELA 11:17

Khasikin Rengpa’n hiang hin a tia, “Nam danghai ata chu nangni hruaikhôm nôk ki ta, inthekindara nin omna ramhai ata nangni koikhôm nôk ki ti, Israel ram chu nangni pêk ki ti.

EZEKIELA 14:11

Israel insûngkuahai chu keima rengata an pêt ta loina hranga, an insiatnahai murdia an porinche ta loina hrangin, ki mihai an ni theia an Pathian ki ni theina hrangin Rengpa pathianin a ti,” a tia.

EZEKIELA 16:62

Ni kuanga ki thuthung kin dettir tâka, Rengpa ki nih ti inhriat ta an ti.

EZEKIELA 37:23

Anni chu millim leh ite porinche ta no nihaia, sualhai tho’n mani le mâni porinchein om ta no nihai. An lei sualna lampui murdihai ata le an lei ihnôlnahai ata kha insuahai ki ta, anni chu ki mihai ni an ta, kei chu an Pathian ni ki ti.

EZEKIELA 37:27

Khataka khan kei chu anni leh omsuam ki ta, kei chu an Pathian ni ki ta, anni chu ki mihai ni an ti.

EZEKIELA 39:22

Khanchu kha rengata kha Israelhaiin kei chu Rengpa an Pathian ki nih ti inhre suak ta an ti.

HOSEA 2:22

Khan, irnêng khan bu mani, uain mani, hriak mani chongpui an ta; khan, anni khan Jezreel chongpui an ti.

ZAKARIA 13:9

Khanchu a hmun thuma chu meia infetir ki ta, sumtak chu irthiangtira a iom angin irthiangtir ki ta, rângachak chu fia a ini angin fia ki ti, khanchu ki kuang chongchai an ta, keiin anni chu sâmhai ki ti. Anni chu ki mihai an nih ti hrilhai ki ta, khan anni khomin, ‘Rengpa chu kin Pathian a ni,’ ni ti ta an ti,” a tia.

ZAKARIA 8:8

Jerusalema om hrangin nisua tiang le nitâk tiang ata la hong hruaihai ki ti. Anni chu ki mihai ni an ta, kei chu an Pathian iamom tak le diktaka an chunga roirêltu ni ki ti.

ROM KHUAA MIHAI KUANGA TÎRTÔN PAULA LEKHATHON 6:17

Sual suak ni ni tâka, khannisian, nangni an inhlan nôk Thurchi Sa irchutirna thu nin idong kha milung taka nin zôm sikin,

HEBRAI toc2 HEBRAI 11:16

Kha nêkin, ram sa ual irvâna om kha kêng an irngai. Khasikin Pathianin an Pathian irti kha inzak maka, an ta hrangin khopui ten khom a lei siam pe tâk sikin.

HEBRAI toc2 HEBRAI 8:10

Nikhua hong tung hranga Israelhai kuang thu ki ithung hrang chu hi hi a ni. An milung sûnga ki dânhai sia ki ta, An lungrîla irziak sa ki ti. Keima an Pathian ni ki ta, Annihai kha ki mihai ni an ti.

1 SAMUELA 7:3

Khante Samuela khan Israel mihai kuang khan, “Nin lungrîl taka Rengpa tiang nin irnghat tak takin chu, ram dang pathianhai le Asterothi pathiannuhai millim kha nin lai ata pai ving roi. Nin lungrîl kha Rengpa ta hrangin sinsiam unglân, ama sin vai tho roi; khanchu Filistia-hai kut ata hi nangni a isansuak hrang a ni,” a tia.