6 Anni chu vêng mai ki ta, hi rama hin hong hruai kîr nôkhai ki ti. Anni chu siam indinghai ki ta, kaiinthekhai ta no ninga; anni chu phun ki ta, phâihai ta no ning.
Rengpa’n ama iamzoi loihai chu changpui hrangin rammual pumpuia a mit a inlêngtir ngai a ni. Atûn ata chu doi hrang nei mai ta ni ti, inzakpuiom takin thil ni itho a ni hi,” a tia.
Rengpa’n Jakoba-hai chu inrenhai a ta, Israelhai inthanghaiin an rama inomtirhai a ti; khan ram dang mihaiin hong thophai an ta, Jakoba in mihai chu thophai an ti.
A vuan hin namhai le rêng ram chunga hin ircham ni inei tâk a ni, phâi hrang le insimpai hrangin, insiatchit le indok hrangin, sin inding hrang le phun nôk hrangin,” a tia.
Kha nêkin chu keima Pathian hring Israel mihai hmâr tiang rama le anni irthekindarh ram dang tamtak ata hong hruai suaktu, keima irhming sâmin chonginkungna nei ta an ti. Anni chu an ram ngêta an irchibulhai ki ipêkna rama zuang hruaihai nôk ki ti, keima Rengpa hin ki iti a ni,” a tia.
Hi khopui hi hôi loi hrangin lungrîla ki lei iti sai a ni, insiat chit ki lei itum a ni. Babulon rêng kuanga pêk nih a ta, ama’n mei leh a ihâlpai hrang a ni, keima Rengpa hin ki iti tâk a ni,” tiin.
A la om sunhai ki inthekindartirna ram ata bûmhai nôk ki ta, an ram ngêta hong hruaihai nôk ki ti. Nâi le tê tamtak hong nei an ta, an ipung hrang a ni.
Annihai inpotsuaka insiathai hrang, irtettira inhekhai hrang le inkamangtirhai hrangin ki lei tuma; khannisian, indingtir le indettirhai hrangin ki lei ihrung a nih ti hi Rengpa thu suak a ni.
Ki ningmur hrai sika ki inthekindartirna rama irthokin mihai chu ki ibûmhai nôk hrang a nia, anni chu hong hruaihai nôk ki ta, hi hmuna hin zôkriamin inlêngtirhai ki ti.
Jerusalem chu keima hrangin raifânna, chôiirsângna le songinruk ni a ta; Jerusalem mihai ta hrangin thil sa ki ithohai le khopui chunga vângsakna ki insum thu an lei inhriat tena chu, rammuala nam tinin chipumin an inthing hrang a ni,” a tia.
‘Hi rama om mai nin nuamin chu, khaangin nangni siam loiin nangni san inding ki ta; nangni phôi loiin phunindet ki ti. Nin chunga siat ripna kin tungtir sikin, ki milung a ina a ni.
Khan, ki mi Israelhai kha sal ata hruai kîr nôk ki ta; khan, kho ram tâkhai kha siam nôk an ta, lua an ta. Khan, grep irhuanhai siam an ta, a uain kha in an ta: irhuanhai khom siam an ta, a ra kha fa an ti.