JEREMIA 24:10 - PATHIAN LEKHABU IRTHIANG C.L. Bible (BSI)

¹⁰ Anni le an irchibulhai ki pêkna rama an hek ving mâka chu, an chunga irdoina, châmna, le hri le hrâi ki inlêngtir hrang a ni,” a tia.

JEREMIA 24:10 ပူးပေါင်းရင်းမြစ်များ

1 RÊNGHAI 14:15

Rengpa’n Israelhai chu soisakhai a ta, tuipui kôla phâiruang kung angin inhnîng sup sup an ti. Israel mihaiin pathiannu Aseri irlimhai an siama, Rengpa ning an inmurtir pe sikin, an puhai ata ram satak a ipêkhai ata chu inhnotsuakhai a ta, Eufrates tui râla semindarh ving an ti.

ISAIA 51:19

Siatna thua voihni ni tuang ta, tu mo nang a châ ta hrang? Ni ramhai chu insiat a nia, a chuai zoi ta; ni mihaiin châm an tonga, khandai an ituang a ni ta, Itin mo irtharngam nang ki la isak thei ta hrang?

JEREMIA 14:12

Bu ngheihai khomsian changpui hranga an khêkna kha irngai pehai no ning, an hâlirvôm le an chîmu irbôlna inhlan sika khan, an chunga lôm ual no ning. Irdoina hai, châmna le hri le hraihaiin anni chu ki ithathai hrang a ni,” a tia.

JEREMIA 15:2

Kho tiang mo an ipan hrang tia nang an irdonin chu, ki iti kha hril roh: Senkhat chu hripuia thi hrang an nia, khatak khan an ipan hrang chu a ni. Senkhat chu irdoinaa thi hrang an nia, kha kha an panna hrang chu a ni. Senkhat chu châma thi hrang an nia, kha kha an panna hrang chu a ni. Senkhat chu sala hruai hrang an ni.

JEREMIA 16:4

Insîna ichiom tak sikin thi an ta, mi tukhomin châhai no nihai, tukhomin a phûm hrang om no nihai. An ruakhai chu sahrok angin irnênga om rak a ti. Irdoina hmuna a ni no le châmna sikin thi an ta, an ruakhai chu vâhai le ramsahai bu ni a ti.

JEREMIA 19:7

Hi hmuna hin Judai ram le Jerusalema mihai thiltum chu chanlamboi inchang pehai ki ta, an râlhai chu zoina pêkin irdoina hmuna ithat ni an ti.

JEREMIA 21:9

Mi tukhom khopuia om mai chu irdoina mo, châmna’n mo, hri le hrâiin thi an ti. Khan tukhom fe suaka atûna khopui doi maia om Babulon mihai kuanga irpêkhai chu that ni no nihaia, hringna chu inzôk ni a ti.

JEREMIA 27:8

Babulon rêng Nebukadnezara thuhnuaia om nuam loihai chu a tu rêng ram le a tu panamhai khom khandaiin, châmin, hri le hrâiin dûk thohai ki ti. Nebukadnezara’n insiat chita an om mâka chu.

JEREMIA 29:17

Rengpa Itinrêng thotheiin a ti, ‘Khandaiin, châmin, hri le hrâi an chunga ki insum hrang a ni, theipui ra fa hranga a thûr angin siam ki ta,

JEREMIA 29:18

anni chu khandai, châm le hri le hrâihai leh irzûlhai ki ta, rammual nam tin chu an thil hmu chu an ichi sabak hrang a ni. Anni kin thekindarna hmun tina, an chunga thil tung sika khan, mihriamhai inlâiin chi sabak an ti. Mihaiin anni chu hnung songsanhai an ta, an irhming kha khomâksâmna’n hmang an ti.

JEREMIA 32:24

“Babulon khopui la hrangin a vêla khan irnêng an vur irsânga, an irûn a ni ta. Khandai, châm le hri le hrâiin khopui chu an kuta a iom hrang a ni ta. Ni lei iti murdihai a idik a nih ti hmu thei ta an ti.

JEREMIA 32:25

Khan khoma Rengpa Pathian khopui chu Babulon-hai kuta chelin om ta khom sian, an hriatpuituhai mithmua ram ircho hranga thu ni pêktu kha nangma hi ni nia,” tiin.

JEREMIA 34:17

Khasikin atûn hin ki thu zôm mak chêi, keima Rengpa’n ki iti a ni; nin irchi Israelhai zalênna nin ipêk loi a ni. A sa hiang hin zalênna nangni pe ki ti. Khandai, hri le hrâi, châma thi hrang zalênna chu, nin chunga ki sinthôna khan rammuala nam tinhai ichiin om ki ti.

JEREMIA 42:17

Aigupta rama fe hrang tum ngit mihai chu an rêngin khandaiin mo, châmin mo, aninole hri le hrâihaiin an ithi hrang a ni. An laia inkhat lua dam suak no nihaia, vânduaina irkhêl an chunga ki zuang intungtir hrang chu an laia inkhat lua intân suak thei no nihai,’ tiin.

JEREMIA 42:22

Khasikin hi hi inhre roi: nin ife nuamna le nin iom nuamna rama khan irdoina’n mani, châmin mani, hriin mani thi nin ti,” tiin.

JEREMIA 5:12

Rengpa mihaiin an ni hnôla, “Ite tho tatak no ni, intak zoro khom tong ual no ia; irdoi mo, châm mo khom tong ual no ih,” an tia.

JEREMIA 9:15

Khasikin keima Rengpa itinrêng thothei Israel Pathianin ki tho hrang hi irngai ro: ki mihai hloisûl kha fâk zât le tûr in hrang, ki ipêkhai hrang a ni.

JEREMIA 9:16

Anni’n mo, an irchibulhaiin mo an inhriat loi namhai laia, anni chu irthekindartir ki ta, anni ki’rhmangtirhai zoi mâka chu doiin sipai pâl ki itîr hrang a ni,” a tia.

EZEKIELA 33:27

“Khan an kuang hiang hin ti pehai ro, kei Rengpa Pathian hi Pathian hring ki ini ang hin ki iti a ni, khopui siata mi om murdihai kha that ni an ta; rama om murdihai chu ramsahaiin fahai an ti. Tânga le pûka irbîkhai khom hripuiin thi an ti.

EZEKIELA 6:11

Rengpa pathianin hiang hin a ti, “Ni kut inbênin lân, ni ke intet ro! Israel in sûngkuahaiin thilsual porinche an tho ngai hi a poi tak tak! khandaiin, châmin le hripui tuangin thi an ti, ti roh.

EZEKIELA 7:15

Khandai chu pên tiang a oma, châm le hripui chu kul sûng tianga khan a lênga; loia om chu khandaiin thi an ta, khopui sûnga om chu hripui le châmin thi an ti.

DÂN INHNINA 28:21

Nin ram lua hranga khan vânduaina inzen nangni’n tong nin ta, dam hring suak tûte om no chin ni.

THUPHUANG 6:8

Ki hong ena, sakor dâng ki hmua. A chunga chuangtu irhming kha Thina a nia, mithi khua’na zui sa. Khandai hai, châm hai, hri hai, ram sahrâng hai hmanga that hrangin irnêng hi hmun minlia sena hmunkhat chunga irchamneina an pêka.