JEREMIA 23:8 - PATHIAN LEKHABU IRTHIANG C.L. Bible (BSI)

⁸ Kha nêkin chu Pathian hring Israel mihai hmâr tiang rama le anni ki inthekindarna ram tamtak ata a hong hruai suaktu, ki’rhming sâmin chonginkungna det nei an ti. Khanchu an rama khan om ta an ti,” a tia.

JEREMIA 23:8 ပူးပေါင်းရင်းမြစ်များ

ISAIA 11:11

Kha ni khan chu Rengpa’n a bân phar nôk a ta, a mi la thi loihai. Assuria le Aigupta ramhai, Pathros ramhai, Sudan ramhai, Elam ramhai, Babulon ramhai, Hamath ramhai, tuikhanglian kôla tui le tui kâra omhai hruai kîrhai a ti.

ISAIA 14:1

Rengpa’n Jakoba-hai chu inrenhai a ta, Israelhai inthanghaiin an rama inomtirhai a ti; khan ram dang mihaiin hong thophai an ta, Jakoba in mihai chu thophai an ti.

JEREMIA 16:14

Khan Rengpa’n, “Mihaiin keima Pathian hring Israel mihai Aigupta ram ata hong hruaisuaktu irhming sâma chonginkungna an nei thei loina zoro a hong itung thiai a ni.

JEREMIA 16:15

Kha nêkin chu keima Pathian hring Israel mihai hmâr tiang rama le anni irthekindarh ram dang tamtak ata hong hruai suaktu, keima irhming sâmin chonginkungna nei ta an ti. Anni chu an ram ngêta an irchibulhai ki ipêkna rama zuang hruaihai nôk ki ti, keima Rengpa hin ki iti a ni,” a tia.

JEREMIA 23:3

A la om sunhai ki inthekindartirna ram ata bûmhai nôk ki ta, an ram ngêta hong hruaihai nôk ki ti. Nâi le tê tamtak hong nei an ta, an ipung hrang a ni.

JEREMIA 29:14

a dik ki iti a ni, ni hmu nin ta, nin rama khan nangni inomtir nôk ki ti. Ram tina irthokin le nangni kin thekindarna hmun tina irthokin nangni bûm nôk ki ta, sala intâng hranga nangni ki lei inhnotsuakna rama ngêt khan nangni hruai kîr nôk ki ti. Keima Rengpa’n ki iti a ni,’ tiin.

JEREMIA 30:10

O ki siahlo Jakoba, chi no ro, o Israel chi viat no roh ti hi Rengpa thu suak a ni. Ni’rchi, ram hlataka sala intânghai chu sansuakhai ki ti, Jakoba chu irtharngam tak le zôkriamin om a ti. Tûte’n râl changin insî ta no nihai.

JEREMIA 30:3

Irngai ro, sûnhai a hong nâi ta, ti hi Rengpa thu suak a ni. Ki mi Israelhai le Judahai chu an sal intângna ata insuaktirhai ki ta, an puhai kuanga ki ipêkna rama khan hruaihai nôk ki ti, khanchu ram kha lua an ta,” tiin.

JEREMIA 31:8

Irngai ro, anni chu hmâr tiang ata hruaihai ki ta, irnêng hmun tin ata hi, bukkhômhai ki ta. Mitcho le ke’nbâihai khom om sa an ti, nâi vonghai le nâiha isêhai khom nam roiinpui tak chu hi hmuna hin hong kîr nôk an ti.

JEREMIA 32:37

Ki ningmur hrai sika ki inthekindartirna rama irthokin mihai chu ki ibûmhai nôk hrang a nia, anni chu hong hruaihai nôk ki ta, hi hmuna hin zôkriamin inlêngtirhai ki ti.

JEREMIA 8:3

Khante hi nam sual tâk mi a la damhai hmun tina ki irthekindartirhai chu dam mai nêkin chu a thi inthang ual an ti,” Keima Rengpa Pathianin ki iti a ni.

EZEKIELA 28:25

Khan, Rengpa Pathianin hiang hin a tia, “Israelhai chu ki inthekindartirhaina ram ata kha bukkhômhai nôk ki ta, khanchu nam tinin ki’rthiangzia inhresuak an ti. Israelhai chu ki sinthotu Jakoba kuanga ki ipêk, anni ram ngêta om an ti.

EZEKIELA 34:13

Ram dang ata kha hruaisuakhaiin bukhai ki ta, an rama ngêt hruai kîrhai ki ti. Tânghai le Israel rama ivadunga hruaihai ki ta, hloi hring hmun hoitaka hruaihaiin infâhai ki ti.

EZEKIELA 36:24

Nam tin le ram tin ata nangni hruai ki ta, nin omna rama ngêt nangni hruai kîr nôk ki ti.

EZEKIELA 36:35

Khanchu mi tinin, ‘Hi ram hi matona khan chu ramchâr a nia, khannisian itina mo Eden irhuan anga omin, hi khopui insimpaia, longindara, siata mâksana omhai khom kha lua nôkin kulhai indinga a iom nôk tâk ma ni?’ tiin la hril an ti.

EZEKIELA 37:25

Khanchu an irchibulhai omna ram, ki sinthotu Jakoba kuanga ki lei ipêk rama khan om ta an ta, khataka khan kumkhontuangin anni le an nâi le tehai le an irchi suanpârhai chu om ta an ti. Ki sinthotu rêng Davida angin an chunga kumtuangin roirêl ta a ti.

EZEKIELA 39:28

Anni chu sala intâng hrangin kin fetirhaia, khannisian atûn chu bukkhômhaiin inkhat lua masanhai loiin, an omna rama ki hong ihruai nôkna hin, mihaiin keima chu Rengpa an Pathian ngêt chu ki nih ti inhre suak ta an ti.

JOELA 3:7

Irngai u ta, nin zuarna hmun ata kha kaiharin insuaktir ki ta, nin thuanna kha nin lu chung ngeia thuanna ki ti;

MIKA 7:15

Aigupta ram ata ni fe suak lai ang khan, a kuang thil irkhêl takhai inentir ki ti.

ZEFANIA 3:20

Kha tika chu nangni hruai lût ki ta, kha tika nangni hruai khôm nôk ki ta: Nin ihmu ngeia nin sal intângnaa ki’rheikîr tika chu, Irnêng chung murdihai laia Irhming inthangna le inpâkna nangni siam pe ki ti, RENGPA’N a ti.