JEREMIA 23:32 - PATHIAN LEKHABU IRTHIANG C.L. Bible (BSI)

³² Rengpa’n ki iti hi irngai roh. An irmang thu minlaka sip inpuang ngai deipuhai chu ki ihnôlhai an ni. An irmang hrilin minlakna le irpâknahaiin ki mihai an hruai insual ngai. Anni chu tîrpaihaia, fe hrangin thu khom pe ma unga, mihai hrangin ite hmangna boi an ni, keima Rengpa’n ki iti a ni,” a tia.

JEREMIA 23:32 ပူးပေါင်းရင်းမြစ်များ

JOBA 13:4

Nangnihai hi minlak tho ngai nin nia, hril insa ngai indamtir theiloi daktor ang hi nin ni.

ISAIA 3:12

Ki mihai hrungtu chu nâipang an nia, nupanghaiin an chunga roi an rêla; an ihruai irhmangtir a ni, fena hrang lampui inhre loiin, nin ibuai a ni ta.

ISAIA 9:15

an luhai chu an ulian songhai an nia, an irmei chu deipu minlak tho ngaihai hi an ni.

JEREMIA 23:13

Samari khan deipuhai sualna chu ki hmua; Baal irhmingin thu an inpuanga, ki mihai an ihruai insualhai tâk a ni.

JEREMIA 23:16

Rengpa itinrêng sinthei khan Jerusalem mihai kuang a ti pea, “Deipuhai chong irngai no ro; tûngna dik loihaiin nangni an infâ a ni. Keima iti ni loiin an lungrîla an ingaitua kha nangni an ihril ngai a ni.

JEREMIA 23:25

An irmang tianghai ki chongbehai ki ipêk a nih ti ki’rhmingin minlak tho ngai deipuhai iti chu ki inhriat ngai a ni.

JEREMIA 23:31

Deipu mâni chongbâi ngeia inpuanga, khan keima kuanga irthokin inlang a nih tituhai khom ki ihnôlhai sa a ni.

JEREMIA 29:31

“Hi hi sal intânghai hrilhai ro: Rengpa’n Nehelam mi Zefania chungchâng hiang hin a hril; Semaia hin nin kuang thu a hrila, ama chu ki itîr ni ma, minlak nangni a in-iamtir a ni.

JEREMIA 7:8

En ta roi irhmangna thu hin nin irnghata.

CHAP HLA 2:14

Deipuhaiin chu thil chanlamboi le minlak an hmu suaka. Ni’rlet theina hrangin ni sual irlang ngai mak chea. Inlârna an ihmuhai khom chanlamboi irhuangna a ni.

CHAP HLA 3:37

Rengpa’n thu a pêk no’n chu, tu thu mo hlochuk ngai?

ZEFANIA 3:4

A deipuhai khom kha mi huang hmang le mi hmangnaboi an nia, a ochaihai rêk khan hmun irthiang kha an porinchetir tâka, Pathian dân kha an nuam lam lamin an inkôktir ngai.

ZAKARIA 10:2

Mihaiin millimhai le tasân theihai an irdonhai ngaia, khannisian a sâmna an ihmuhai chu minlak le chanlamboi korong a ni ngai. Senkhatin irmanghai an sui ngaia, khannisian fena hrang vai kêng nangni an fe insualtir ngaia, an lungngam saknahai khom chu hmanghmunboi ving a ni. Khasikin mipuihai chu belra irhmanghai angin an irvâk indarh ngaia, hruaitu an nei no sikin, an buai ngai.

MATHAIA 15:14

An chungchânga nin milung inbuai no roi! Anni kha mitchohai hruaitu mitcho an nia; mitcho khan mitcho dên a hruaiin chu an ruaiin khurpadopa tâk an ti,” tiin a sâma.

2 KORINTH 1:17

Hi ki tumna sika hin tumna detloi mi ang khan ki inlang ma ni? Hi ki tumnahai hi mâni hranga sa tûng sika “A ni, a ni” le “Ni mak, ni mak”, inrual taka ti hranga tum mo ki ini ma ni?

DÂN INHNINA 18:20

Ki thupêk ang chi ni loi, ki’rhminga thu’nsîrtu deipu chu thatpai hrang a ni.

THUPHUANG 19:20

Sahrâng kha an chela, deipu dol, a mit hmua sinirkhêlhai sin ngaipu kha an chel saa. (Kha sinirkhêlhai sika khan sahrâng irsinsiana neihai le a’rlim chubai mûkhai kha a ihuang ngai a ni). Sahrâng le deipu dol kha an ruaiin an hring pumin kâta kâng mei laia khan an paithâk tâka.