JEREMIA 23:3 - PATHIAN LEKHABU IRTHIANG C.L. Bible (BSI)

³ A la om sunhai ki inthekindartirna ram ata bûmhai nôk ki ta, an ram ngêta hong hruaihai nôk ki ti. Nâi le tê tamtak hong nei an ta, an ipung hrang a ni.

JEREMIA 23:3 ပူးပေါင်းရင်းမြစ်များ

JEREMIA 32:37

Ki ningmur hrai sika ki inthekindartirna rama irthokin mihai chu ki ibûmhai nôk hrang a nia, anni chu hong hruaihai nôk ki ta, hi hmuna hin zôkriamin inlêngtirhai ki ti.

JEREMIA 29:14

a dik ki iti a ni, ni hmu nin ta, nin rama khan nangni inomtir nôk ki ti. Ram tina irthokin le nangni kin thekindarna hmun tina irthokin nangni bûm nôk ki ta, sala intâng hranga nangni ki lei inhnotsuakna rama ngêt khan nangni hruai kîr nôk ki ti. Keima Rengpa’n ki iti a ni,’ tiin.

JEREMIA 30:3

Irngai ro, sûnhai a hong nâi ta, ti hi Rengpa thu suak a ni. Ki mi Israelhai le Judahai chu an sal intângna ata insuaktirhai ki ta, an puhai kuanga ki ipêkna rama khan hruaihai nôk ki ti, khanchu ram kha lua an ta,” tiin.

EZEKIELA 11:17

Khasikin Rengpa’n hiang hin a tia, “Nam danghai ata chu nangni hruaikhôm nôk ki ta, inthekindara nin omna ramhai ata nangni koikhôm nôk ki ti, Israel ram chu nangni pêk ki ti.

JEREMIA 31:8

Irngai ro, anni chu hmâr tiang ata hruaihai ki ta, irnêng hmun tin ata hi, bukkhômhai ki ta. Mitcho le ke’nbâihai khom om sa an ti, nâi vonghai le nâiha isêhai khom nam roiinpui tak chu hi hmuna hin hong kîr nôk an ti.

INPÂKNA HLAHAI 106:47

O Rengpa kin Pathian, ni saninhringin lân, Nam tin lai ata ni hruai bûm nok roh. Ni’rhming irthiang chu inpâk hrang le Inpâkna song hrangin.

EZEKIELA 36:24

Nam tin le ram tin ata nangni hruai ki ta, nin omna rama ngêt nangni hruai kîr nôk ki ti.

EZEKIELA 36:37

Khan Rengpa Pathianin hiang hin a hrila, “Israelhai chu ki kuanga changpuina zong hrangin voikhat chu siamhai nôk ki ta, khanchu belra pâlhai angin inpungtirhai ki ti.

MIKA 7:12

Kha nikhuaa khan Assuria ram le Aigupta khopui ata, Aigupta le vadung dên rakin, tuikhanglian le tuikhanglian kâr ata le tâng le tâng kâr ata kha ni kuang hong an ti.

JEREMIA 8:3

Khante hi nam sual tâk mi a la damhai hmun tina ki irthekindartirhai chu dam mai nêkin chu a thi inthang ual an ti,” Keima Rengpa Pathianin ki iti a ni.

JEREMIA 30:10

O ki siahlo Jakoba, chi no ro, o Israel chi viat no roh ti hi Rengpa thu suak a ni. Ni’rchi, ram hlataka sala intânghai chu sansuakhai ki ti, Jakoba chu irtharngam tak le zôkriamin om a ti. Tûte’n râl changin insî ta no nihai.

JEREMIA 31:7

Rengpa’n hiang hin a ti. “Jakoba ta hrangin raifân takin hla sak unglân, nam tinin roiinpui tak ta hrangin khêk suak roi. Hril unglân, chôiindôm roi, ‘O Rengpa, Israel la damhai chu sansuakhai ro,’ tiin.

JEREMIA 46:27

Ki mihai chi viat roi, Israel mihai nin thâiindôptir no roi. Ram hlataka irthokin, mi intânghai nin inina rama irthokin nangni sansua ki ti. In tiang hong nôk nin ta, irtharngam takin om nin ta; zôkriam nin ta, tûte’n irtha’nvâiin nangni sia ta no nihai.

LEVI DÂN 26:9

Sat nangni vur ki ta, nâi le te nangni pe nghek ki ta; ki thuthung angin keiin ki itho hrang chu nangni tho pe thiai ki ti.

JEREMIA 16:15

Kha nêkin chu keima Pathian hring Israel mihai hmâr tiang rama le anni irthekindarh ram dang tamtak ata hong hruai suaktu, keima irhming sâmin chonginkungna nei ta an ti. Anni chu an ram ngêta an irchibulhai ki ipêkna rama zuang hruaihai nôk ki ti, keima Rengpa hin ki iti a ni,” a tia.

JEREMIA 50:19

Israel mihai chu an ram ngêta inomtirhai ki ta, Karmel tâng le Basan vêla an fâk invânghai nêk an ti.

EZEKIELA 36:11

Mihriam le sahai nangni inpungtir ki ta, tiana nêkin tamtak hong ni ta nin ti; nâi le tehai khom tamtak nei sa nin ti. Tiana nin lei iom ngai ang khan, nangni inomtir nôk ki ta, matona nêkin tuanintungin nangni siam ki ti. Khanchu Rengpa chu ki nih ti inhre ta nin ti.

MIKA 2:12

O Jakoba-hai, nin rêngin nangni koi buk ngêt ki ta; Israel mi la omsunhai kha hruai khôm ngêt ki ta; Bozra khuaa belra angin siakhôm ki ta: sa pâl an hloisûl hmuna om ang maiin, mipui an ni sikin irse mur mur an ti.