JEREMIA 23:25 - PATHIAN LEKHABU IRTHIANG C.L. Bible (BSI)

²⁵ An irmang tianghai ki chongbehai ki ipêk a nih ti ki’rhmingin minlak tho ngai deipuhai iti chu ki inhriat ngai a ni.

JEREMIA 23:25 ပူးပေါင်းရင်းမြစ်များ

JEREMIA 23:32

Rengpa’n ki iti hi irngai roh. An irmang thu minlaka sip inpuang ngai deipuhai chu ki ihnôlhai an ni. An irmang hrilin minlakna le irpâknahaiin ki mihai an hruai insual ngai. Anni chu tîrpaihaia, fe hrangin thu khom pe ma unga, mihai hrangin ite hmangna boi an ni, keima Rengpa’n ki iti a ni,” a tia.

JOELA 2:28

Kha zoi tika chu hiang hin ni a ta, mi murdi chunga ki’rtha buak ki ta; khanchu nin nâipahai, nin nâinuhaiin ki thu hril an ta, nin putarhaiin irmanga phan an ta, nin ruathartehaiin inlârnahai hmu an ta:

JEREMIA 29:8

Keima Rengpa Israelhai Pathian ngei hin nin laia om deipuhai mo, mi dang zoro la hong hranga leihril theina neia irbêhai huangin om no roi, ti nangni ki ihril a ni. Irmang an iphanhai kha ngaisak pehai no roi.

JEREMIA 23:28

Irmang nei deipu khan irmang papai a nih ti inhre ri se, khan deipu, ki chongbe inhriattu khan dik takin a inpuang hrang a ni. Fapôl le bu’rmal hin imo irangna a nei.

1 KORINTH 4:5

Khanchu Rengpa zuang nôk mâka chu a zoro loia tûte insîr insiat no roi. Rengpa zuang mâka chu, ama’n inthima thup irhmanghai chu ivâra hong inlang an ta, lungrîla tumna irthuphai khom inlang sa a ti. Khanchu, mi tinin mâni irphu tôka Pathian inpâk hlo seng an ti.

JEREMIA 8:6

Nangni ki irngai chiana, tûte thu dik hril zel om mak chêi. Tu mi khom ni unglân, a thil tho’nsual sikin a poi ti maka, tu mi khomin, thil dik loi ki isin ma nih ta o! tiin irdonna siam ma, sakor irdoina hmun pana intân angin mi tin mâni lampui nin ipan chit a ni ta.

NAMBAR 12:6

Ama’n, “Ki thu hi irngai roi, nin laia deipu nin oma ni’n chu, keima chu an ni kuang inlâr ki ta, an irmang tiang chongpuihai ki ti.

THUPHUANG 2:23

A zui ngaihai khom kha that pe ki ta, khanchu keima hi lungrîl le ngaituana inhre ngaitu ki nih ti koiindanghai murdi’n inhria an ti. Nin rêngin nin sintho ang sengin nangni pe ki ti.

HEBRAI toc2 HEBRAI 4:13

Pathian hrangin chu ite thil irthup om mah, thilsiam tinrênghai khom a mithmu’n chu inlang pharin ar hong zit ngai a ni. Ama kuang ngei ei sik senga thurchi ei la insîr hrang a ni.

LUKA 12:3

Zân inthima nin itihai kha sûn khovâra lan puang an ta, chontan sûnga inrûka nin iti kha in chunga chuangin tâng lan sampui an ti, a ti pehaia.

MATHAIA 1:20

Khannisianlân, kha thu kha ar ngaitua laiin, irngai ta, ar manga Rengpa itîr vântîrtôn a hmua, “Josefa, Davida nâipa, ni dôngma hual Mari kha a nei chitinrîm no ro, a nâi vong chu Irtha Irthiang ata kêng, a tia.

JEREMIA 29:23

Kha kha an ihlo hrang chu a ni. Sual irkhêlhai an tho’n chu, an tualbômhai dôngma an uirepuihaiin chu, Rengpa irhmingin thudik loi an hril sikin, kha kha Rengpa nuam loi lam a nia; an sintho kha an hriata, annihai hnôla thu inhretu a ni. Rengpa’n a iti a ni,” tiin.

JEREMIA 16:17

Keimaa irthokin ite ar thup thei om maka, an sualnahai chu ki mithmua an lang loi zel om mah.

JEREMIA 14:14

Khan Rengpa’n a iti chu, “Deipu khan ki’rhmingin minlak a tho a ni, anni chu tîrhai ma unga, thupêkin an laia chongbâi khat lua ki iti loi a ni. Inlârna thu an ihrilhai kha keima ata suak ni maka; an thu inpuanghai chu hlutna nei loi, an lungrîla an ingaitua lik a ni.

JEREMIA 13:27

Thil a inuam loi ni tho ngaihai kha nang a hmu ving, mi’n a tualbôm dôngma a irzuk ngai le sakorchalin a pui a izui ngai angin, sonong pathianhai tânga le phâia ni izui ngai nang a ihmu a ni. Jerusalem mihaio, nin chungthu an tak a ni ta! Itik tena irthiang ngai zât mo nin ini tâk?

INPÂKNA HLAHAI 139:4

Ki chong mân khomin, Ki iti hrang tum chu nin hriat zit ngaia.

INPÂKNA HLAHAI 139:2

Nangma’n ki toi le ki ngîr nin hriat ngaia; Ki ngaituana hi hlatak ata khom nin hriat thiam ngai.

IRPHUTNA 37:9

Khan, zân khat chu irmang dang a phan nôka, a uhai a hrilhai nôka, “Irngai roi, irmang ki phan nôka; misa, le thahai, ârsi sômkhat inkhathai khin chubai an ni mûka,” a tia.

IRPHUTNA 37:5

Khan Josefa’n irmang a neia; a uhai kuang a hrila: khatak ata kha an hnarsa ual nôk tâka.

JEREMIA 27:10

Nangni an huanga, nin ram ata ram hlataka hruaipaiin nangni an isia hrang a ni. Nangni inhnotsuak ki ta, that irhmangin nin iom hrang a ni.

JEREMIA 27:15

Rengpa’n annihai kha a itîr ni ma, ar hming sâmin nangma kuang minlak an itho a ni, a iti a ni. Khasikin nangni inhnotsuak a ta, thatin om nin ti, nangma le ni deipu thu dik loi nang hriltuhai leh hin,” a tia.

CHAP HLA 2:14

Deipuhaiin chu thil chanlamboi le minlak an hmu suaka. Ni’rlet theina hrangin ni sual irlang ngai mak chea. Inlârna an ihmuhai khom chanlamboi irhuangna a ni.

EZEKIELA 22:28

Deipuhaiin hi sualnahai hi an in banga an nâl inngoia, a sûng an irhlîpai angin an irthuppui ngaia. Inlârna dol an hmua, leihrilna dik loi an hrila, Rengpa Pathian thu hrilin an irhril ngaia, khannisian kei Rengpa hin chu annihai kha chongpuihai viat ma ung.

ZAKARIA 13:3

Khannisian mi’n thu a la hril nôk maia niin chu, ama nu le pa ngeiin ama chu that nih a ti, tiin hril ri se; minlak thoa, Rengpa thu hrila a’rti sikin. Khan thu a hril nôk laiin ama chu a nu le a pa ngeiin sun that ri sehai.