JEREMIA 23:22 - PATHIAN LEKHABU IRTHIANG C.L. Bible (BSI)

²² Ki ngaituana irthuphai an inhriat ni sianlân chu, ki mihai kuang ki chongbe inpuang suak an ta, an sual hringnunhai le an sual sinthohai an imâksan thei hrang a ni.

JEREMIA 23:22 ပူးပေါင်းရင်းမြစ်များ

JEREMIA 23:14

Kha nêka sual ual Jerusalema deipuhaiin sual an isin ki ihmu a ni. An uirea, chong minlak an hrila; thil saloi tho hrangin mihai an changpuia, tukhomin thil saloi sin an mâk no hrang sikin. Ki ta hrangin chu an rêngin Sodom le Gomora mihai anga taksa sual an ni.

JEREMIA 23:18

Ki iti tâk chu, “A tu deipu khomin Rengpa ngaituana irthuphai chu inhre ngai mahai. A tu khomin a chongbe inhriata ar ngaidân inhre loia, a iti irngaiin mo, uksak ngai mahai.

JEREMIA 25:5

Rengpa’n nangni le nin irchibulhaiin nin nei mai hranga nangni a ipêk rama nin om thei maina hrangin, nin sual hringnun le nin thil saloi thohai masan hrangin nangni a ihril ngai a ni.

JEREMIA 35:15

Nin laia a ni zui deipuhai ki tîrhai maia, nin omdân sualhai masana, thil sa tho hrangin nangni an lei hril ngaia. Nangni le nin irchibulhai ki ipêkna ram hin om kumkhua thei hranga pathian danghai chubai mûka an sin tho loi hrangin nangni an hril ngaia. Khan khomin ki chong irngai nuam mak chêia, nin ni uksak nuam loi a ni.

JEREMIA 36:3

Juda mihaiin an chunga vânduaina irkhêl intungtir hranga ki thiltumhai inhriat pumin, an omdân saloihai an irlet thei duaiin; an irletin chu an tho’nchâina le an sualnahai inzahai ki ti,” a tia.

JEREMIA 9:12

Keiin ki’rdona, “Rengpa i lo hranga ram insiatin, ramchâr anga ni inchâr, tûte inzin ta loi hranga siam a ini? A tu hi mo a vâr uala an hriatthiam hrang? Mi dang hril hrangin tu hi mo hi thilhai hrilinfel pehai hrang ni ipêk?,” ki tia.

EZEKIELA 13:22

Keima beiindongtir ni maka, mi felhai lungrîl sunin nin innatir sik le mi sualhai chu hring dama la omna hranga an sualna lam ata irlet loina hrangin mi sual kuthai chu nin inhrâta.

EZEKIELA 13:5

Rengpa sûna irdoinaa inding ngam hrangin a râl chi lai irtong ngam loiin, Israel insûngkuahai hrung le rakhâl hrangin kâmnang mak chêi.

EZEKIELA 18:30

Khasikin, O Israel mihaio, mi tin an omdân ang zêlin roirêl ki ti, ti hi Rengpa pathian thusuak a ni. Irlet unglân, nin sualna murdihai chu masan zit roi; khanchu, nin sualnaa khan siatna tok ta no chin ni.

EZEKIELA 2:7

Tehelzong tak nihai khomsian, an irngai mo irngai mahai mo, ki thu hi hril mai roh.

EZEKIELA 3:17

“Mihriam nâipa,” Israel in sûngkua enkoltu hrangin nang ki siam tâk. Thu nang ki inhril hi Israelhai chu hrilhai roh.

AMOSA 3:7

Dik takin Rengpa pathian khan a sinthotu, a deipuhai kuang a thu’rthup hril loiin ite tho no ni.

ZAKARIA 1:4

Deipu masahaiin, sipaihai Rengpa khan, nin om hrang dân suala atûn hong irhei unglân, nin thilsual kha chu hong irheisan roi, a ti e, tia nin pahai an hril khoma irngaitua loia, mikuar sung loi ang khan om no roi, ti hi Rengpa thu suak a ni.

MALAKIA 2:6

Thutak dân kha a bâia a oma, thu insual a hmûra om ma: Irtharngamna tak le irdîn takin ki makunga a lêng ngaia, mi tamtak an pualoina ata an kîrtir a ni.

TÎRTÔNHAI SINTHO 20:27

Pathian thil tum murdi a rêngin nin laia insîr indîn ma ung.

1 THESALONIKA 5:6

Khasikin mi danghai angin in no idua; har ei ta, irngaitua zui ei ti.