JEREMIA 23:13 - PATHIAN LEKHABU IRTHIANG C.L. Bible (BSI)

¹³ Samari khan deipuhai sualna chu ki hmua; Baal irhmingin thu an inpuanga, ki mihai an ihruai insualhai tâk a ni.

JEREMIA 23:13 ပူးပေါင်းရင်းမြစ်များ

JEREMIA 2:8

Ochaihaiin Rengpa kha kho tiang mo a iom? Chong irdon siam loiin, ki ochaihaiin an ni inhriat loi a ni. Roirêltuhai ki chunga tehel an zonga; deipuhaiin Baal irhmingin thu an inpuanga, Hlutna nei loi millim chubai an imûk a ni.

ISAIA 9:16

An nam hruaituhai hin an hruai insualhaia, an ihruaihai khom an irhmang zoi tâk a ni.

2 THURCHI SUINA 33:9

Manasea’n Judai ram le Jerusalem mihai chu thil dik loi an thotirhaia, Israelhai makunga a inhnotsuak namhai ti nêka sual lian ual an tho tâk a ni.

1 RÊNGHAI 18:40

Elija’n mipuihai kuang khan, “Baal deipuhai tûte insuahai loiin chelpaihai ving roi,” a tia. An chelhaia, Elija’n Kison phâiruama a hruaihaia, khataka khan an thathai ving ta.

JEREMIA 23:32

Rengpa’n ki iti hi irngai roh. An irmang thu minlaka sip inpuang ngai deipuhai chu ki ihnôlhai an ni. An irmang hrilin minlakna le irpâknahaiin ki mihai an hruai insual ngai. Anni chu tîrpaihaia, fe hrangin thu khom pe ma unga, mihai hrangin ite hmangna boi an ni, keima Rengpa’n ki iti a ni,” a tia.

JEREMIA 36:2

“Lekhabu inzuat kha lan lân, Israelhai le Judahai le nam danghai chungthu nang ki ihrilhai kha irziak roh. Josia inlal phut laia ni kuanga ki thu insîr le a vuan sûn tena ki thu’nsîrhai a rêngin irziak ving roh.

HOSEA 4:11

Notizuarhai, uainhai, uain tharhai khan, milung a lâkpai ngai.

HOSEA 4:12

Ki mihai khan thing millim an irdona, an khianghrolin a hril ngai; notizuarna lungrîl khan a hruai irhmanga, an pathian ata an hur irhmang tâka.

MIKA 1:5

Hihai murdi hi Jakoba-hai tho’nsualna sika le Israel in sûng mihai sualna sika a ni. Jakoba-hai tho’nsualna kha imo a ini? Samari a ini loi ma ni? Juda hmun irsânghai kha i ma ni? Jerusalem a ini loi ma ni?