JEREMIA 23:12 - PATHIAN LEKHABU IRTHIANG C.L. Bible (BSI)

¹² An lampui hro chu ar nâl le inthim ni a ta, anni chu irtetin an inrîl hrang a ni. An chunga vânduaina irkhêl insum ki ta; dûk an tong hrang nî chu a itung thiai a ni ta. Keima Rengpa’n ki iti a ni ta.

JEREMIA 23:12 ပူးပေါင်းရင်းမြစ်များ

JOBA 18:18

Vâra irthokin inthima inhnot ni a ta, rammual ata inhnotsuak ni a ti.

INPÂKNA HLAHAI 35:6

Rengpa vântirtôn irzûl maiin, An lampui chu inthim tak le irnâl tak ni ri se.

INPÂKNA HLAHAI 73:18

Anni chu hmun irnâl takhaia ni siaa: Siatnahaia ni paithâk ngaia.

INPÂKNA HLAHAI 82:5

Inhre mahaia, inhriat thiamna nei ual mahai; inthima an irvâk an irvâka: Irnêng irnghatna murdi chu an hnîng tâka.

FESUAKNA 32:34

Atûn hin fe’n lân, nang ki ihrilna hmuna khan ni mihai hi hruaihai roh. Ki vântirtônin nang a ihruai hrang a nih ti hi inhre mai ro, hi mihai an sual sika dûk ki ithohaina hrang nikhua khom anâi teng ta,” a tia.

THUVÂRHAI 4:19

Mi siahai lampui rêk chu zân angin a zînga, an tûka, imo an irfûi hrang inhre ngai mahai.

ISAIA 8:22

Hnuai tiang an enin chu chardongna le inthim irkhêl tak, an itong ngêt hrang inthim chu hmu an ti.

JEREMIA 11:23

Anathot mihai chunga vânduaina intungtir hrang zoro ki rêl diam ta, a zuang tung tena chu tûte a dam suak om no nihai,” a tia.

JEREMIA 13:16

Rengpa nin Pathian chôiirsâng roi, inthim a zuan tunga, tâng tiang nin irthon mân hin; nin itûng ngai vâr kha inthim le a vârro lai takin a hong ni mân hin.

JEREMIA 48:44

Ichiom ata laizâm thotuhai kha khurpadopa tâk an ta, khurpadop rengata la hong suak nôkhai kha chânga khit an ta, Rengpa’n Moab siatchitna zoro ar fûktir sika khan.

JEREMIA 50:27

Sipaihai chu that ving unglân, irchan paihai roi! Babulon ram mihai chung chu intak pehai a ti, anni dûk tho zoro a hong tung tâk sikin,” a tia.

JEREMIA 8:12

Ki mihaio, hi thil porinchehai nin tho sikin nin inzak mo? a ni, ite inzak viat mak chêi; nin hmâi ten lua sen thei mah! Khasika khan mi dang an rîl tâkhai angin inrîl nin ta, dûk nangni ki tho ni tâka chu, nin mongna ni a ti, keima Rengpa’n ki iti a ni.

CHAP HLA 2:20

Rengpa hiang dôra ni isoisak tâk hi en ro, an nâi pom lai taka, an hmêhai hi an nuhai fâk ni iphal hrang ma ni? Deipuhai le ochaihai khom hi Rengpa hmun irthianga sâra thi ni iphal hrang ma ni?

MIKA 7:4

An laia mi satak kha buar ang a nia: mi dik tak kha sûl ilhling nei nêkin a siat ual: ni ivêngtuhai nikhua a fanga ni om nia ngei kha a hong tung ta, kha kha an lunginzîngna nikhua ni a ti.

JOHANA 12:35

Jisua’n an kuang, “Vâr hi sôtnote nin laia la om a ti. Vâr nin nei sûng hin chai roi, inthimin nangni a de nona hrangin, tukhom inthima lêng chu a fena inhre ngai ma.

DÂN INHNINA 32:35

an ke sir kha a’rdang tika phubâ la ki ta, thuan ki ti, an siat zoro kha a hong nâi ta. An chunga hong tung hrang kha tuang lat an ti.

1 JOHANA 2:11

Tukhom mâni urêng khôkmâktu chu inthima a oma, inthima a’rvâk ngaia, inthimin a mit an zîng pe ngai sikin a fena khom a inhriat ngai loi a ni.

JUDA 1:13

Tuikhanglian ivôrpai, mâni mualirphoi irsak, ârsi chaninvâi, Pathianin kumtuang inthim irsa khak lei sia pehai ang kha an ni.