JEREMIA 22:18 - PATHIAN LEKHABU IRTHIANG C.L. Bible (BSI)

¹⁸ Khasika khan Rengpa’n Juda rêng Jehoiakima, Josia nâipa chungthua hiang hin a iti a ni. “A thina chu mi tukhomin, a poi bâka ki rual, a poi bâka ti no nihai! A ta hrangin tukhomin mitrithi sômin, khêk ni no nihaia, ‘Ka pu, ki rêng!’ tiin.

JEREMIA 22:18 ပူးပေါင်းရင်းမြစ်များ

2 SAMUELA 1:26

Ki’rzirpuipa Jonathana, ni chungthua hin ki bei a idong a ni; ki ta hrangin ni hlu vang na! Lung ni ni thung dân hi ar khêla, nupanghai lungthungna a ikhêl a ni.

1 RÊNGHAI 13:30

Deipu tarpa khan, a in mihai thâna a phûma, “O ki urêngpa, ki urêngpa,” tiin a nâihai leh an châa.

2 RÊNGHAI 23:36

Jehoiakima chu kum sômhniringa a niin Judahai rêng a changa; Jerusalema kum sômhleikhat an lala. A nu chu Ruma khuaa mi Pedaia nâinu Zebidi a ni.

2 RÊNGHAI 23:6

Rengpa tempil sûnga pathiannu Aseri irlim an iphun kha a lâka, Jerusalem dâi Kidron irhôra khan a hâla, a’rvâm chu an hmet india, vântâng thânmuala khan an thek ta.

2 RÊNGHAI 24:6

Jehoiakima chu a thi tâka a nâipa Jehoiakina an lal nôk tâk a ni.

1 THURCHI SUINA 3:15

Josia hin nâipasal minli, Johanana Jehoiakima, Zedekia, le Saluma a neia.

2 THURCHI SUINA 35:25

Deipu Jeremia chu Josia sûnna hla a phuaa, Israelhai laia hla sak mi, nupang le pasal rêng sûnna hla an saka. Sûnna hla irziak khômna bua, kha hla kha a chuanga.

2 THURCHI SUINA 36:5

Jehoiakima chu kum sômhni ringa a niin Judai rama rêng a changa. Jerusalema kum sômhleikhat an lala.

JEREMIA 16:4

Insîna ichiom tak sikin thi an ta, mi tukhomin châhai no nihai, tukhomin a phûm hrang om no nihai. An ruakhai chu sahrok angin irnênga om rak a ti. Irdoina hmuna a ni no le châmna sikin thi an ta, an ruakhai chu vâhai le ramsahai bu ni a ti.

JEREMIA 16:6

Irchong le inriang, hi rama hin thi an ta, tûte’n phûmin châ no nihai. Mi tukhomin a ichâ a nih ti irdangna’n a taksa inphopin a lu khom ep inkol no nihai.

JEREMIA 21:11

Juda rêng in sûngkua, Davida irchihai kuang Rengpa’n hi chongbe hi pe hrangin a ni tia, “Keima Rengpa’n ki iti hi irngai roi. A sûn tin diktakin roirêl unglân, mi huanga omtu kha soisak unglân, khano’nchu nin thil tho’nsual kha ki ningmur chu mei that thei loi angin kâng hrang a ni.

JEREMIA 22:10

Juda mihaio, rêng Josia kha châ no unglân, a thina hi chûlpui no roi. A nâipa Joahaza ta hrangin chap pe ual roi; Hong kîr thei ta loi hrangin an ihruaipai a ni ta, a’rzirna ram kha hmu thei ta loi hrangin.

JEREMIA 22:12

An ihruaina khan thi a ta, hi ram hi hmu thei ta no ni,” tiin.

JEREMIA 34:5

Irtharngam takin thi ni ta, nir chibulhaiin ni matona rêng lei changhai an iphûm zoroa mipuihaiin mirimhoi an ihâl ang khan nangma ta hrangin hâl an ti. Nang châ an ta, ‘Ei rêng chu a thi ta na!’ ti an ti. Keima Rengpa’n ki iti a ni,” a tia.

JEREMIA 36:30

Khasikin atûn nang rêng Jehoiakima kuang, keima Rengpa’n ki iti a ni: ni irchi ata khom Davida rêng rama hin roirêl no ni. Ni ruak chu sûn misa le zân dâi tuangna hrang hmuna ipai ni a ti.