JEREMIA 21:7 - PATHIAN LEKHABU IRTHIANG C.L. Bible (BSI)

⁷ Khan nang chu ni mi lianhai le ni mipui irdoina hmun ata, châm le hripui ata dam suaka la omhai, nin rênga nangni that nuam rêng Nebukadnezara’n nangni that a ti. Mi tukhom khonzâna mo, lungkhamna mo, nin chunga inlangtirin nangni hôi viat no ni. Keima Rengpa hin ki iti a ni,” a tia.

JEREMIA 21:7 ပူးပေါင်းရင်းမြစ်များ

ISAIA 27:11

Thing ônhai khom chârin a tâka, Thingtua hrangin nupanghaiin an irkhôm a ni ta. Ite inhre thei loi nam an ni hih, a siamtuin lungthunghai loi angin, anni inren ngaitu hin lungthunghai mai ta no nih.

ISAIA 47:6

Ki mihai chunga hin ki ning an mura, ki mi inthanghai ki soisakhaia, ni kuta ki hong pêk tâka, lung len kham mak chea. Putarhai khom irdîn viat loiin ni hmanghai maia.

JEREMIA 13:14

A tar le a vângin bêl a binga irtoka koi ngai ang hin an michal indang pehai ki ta, lungkhamna, kanna le khonzâna boi vingin ki irhmangtirhai hrang a ni,” a tia.

JEREMIA 14:12

Bu ngheihai khomsian changpui hranga an khêkna kha irngai pehai no ning, an hâlirvôm le an chîmu irbôlna inhlan sika khan, an chunga lôm ual no ning. Irdoina hai, châmna le hri le hraihaiin anni chu ki ithathai hrang a ni,” a tia.

JEREMIA 15:5

Rengpa’n hiang hin a ti, “Jerusalem mihai, tu’n mo lung nangni inkhama, tu mo nangni châ hrang tâk? Tu mo zoro sôttak hnunga imo nin thurchi ti nangni irdon hrang tâk?

JEREMIA 15:9

Nâi sari inthinu kha chu a’rzal tâka, intak takin a iom tâk a ni. Sûn vâr chu zân angin a om pea, mualinphoiin a bei an dongtir ok ta. A la dam sunhai khom nin râlhaiin nangni inthattirhai ki ti,” ti hi keima Rengpa iti a ni.

JEREMIA 19:7

Hi hmuna hin Judai ram le Jerusalema mihai thiltum chu chanlamboi inchang pehai ki ta, an râlhai chu zoina pêkin irdoina hmuna ithat ni an ti.

JEREMIA 20:4

Rengpa ngêtin a iti a ni, ‘Nangma le ni rual danghai hrangin ichiomin nang siam ki ta, an râlhai khandai leh an rêngin thata an iom kha hmu ni ti. Juda mi murdi chu Babulon rêng thuhnuaia ki isia hrang a nia, senkhat chu intângna ina om hrangin a rama hruaipaihai a ta, senkhat chu thathai a ti.

JEREMIA 22:25

Nangma that tumtu ni ichi ngai mihai kuang nang ki ipêk hrang a ni. Babulon rêng Nebukadnezara le a sipaihai kuang nang inhlan ki ta,

JEREMIA 27:6

Keima hi ki ni, nam tinhai, a ni zui Babulon rêng Nebukadnezara kut hnuaia sia theitu chu, ramsahai ten lua a sin ki inthotirhai a ni.

JEREMIA 32:4

rêng Zedekia chu a izôk loi hrang a ni. Ama chu Babulon rama rêng kuta pêk ni a ta; ama chu hmâiirsongin chongpui a ti.

JEREMIA 34:3

Zôk thei no chi nia; chelin om ni ti, ama kuang pêkin om ni ti. Ama chu hmâiirtongin hmu ni ta, hmêl irhmuin chong nin ti; kha hnung chu Babulon rama fe ni ti.

JEREMIA 36:29

Rengpa’n rêng kuanga ti pe hrangin a nin hrila, “Lekhabu inzuat chu ni hâla, Babulon rêng hongin, hi ram hi insiat chit a ta, a mihai le a sahai thatpai a ti. Itho sika ni irziak moh ti Jeremia chu nir dona.

JEREMIA 37:17

Inhnung tiang chu rêng Zedekia’n a ni koia, dâihrekin rêng ina khan, “Rengpaa irthokin chongbe mo a nei?” tiin a nir dona. “A om,” tiin ki sâma. Khan, nang hi “Babulon rama rêng kuang pêkin om ni ti,” ki ti pe saa.

JEREMIA 50:17

Khan Rengpa’n, “Israel mihai chu belra pâl, kâmkeibakneihaiin an irzûla an irthekchit ang hi an ni. A phut taka Assuria rêngin a doia, kha hnung Babulon rama rêng Nebukadnezara’n an ruhai an rêt pehai nôka.

CHAP HLA 2:20

Rengpa hiang dôra ni isoisak tâk hi en ro, an nâi pom lai taka, an hmêhai hi an nuhai fâk ni iphal hrang ma ni? Deipuhai le ochaihai khom hi Rengpa hmun irthianga sâra thi ni iphal hrang ma ni?

CHAP HLA 2:22

Inkhômpui uara fe intam angin ni ningmur nia chu, hmun tina ni râlhai ni bukkhôma. Rengpa ningmurna sûn khêla zôk om loiin, kin nâi pom laihai, kin indit ngôi ngôi, râlhai ithat zoi.

EZEKIELA 23:28

Hiang hin Rengpa Pathianin a ti, “Mi nin ihmumâkhai le nin ihnônghai kuta pêk ni nin ti.

EZEKIELA 7:9

Khan, ki mitin nang irhmâi no ning, nang inren no ning, ni omdân ang zêlin ni chunga zuan tung ki ta; thil porinchehai ni itho chu ni chunga nang thuan ki ta; khanchu kei Rengpa hi hrem thei ki nih ti inhria nin ti,” a tia.

EZEKIELA 8:18

Khasikin, kei khomin ningmur takin ki itho hrang a ni; ki mitin irhmâi no ninga, inrenhai viat no ning; inring takin nin samhai khom sian irngai viat no ning,” a tia.

EZEKIELA 9:10

Kei khomin irhmâi no ning, inrenhai viat no ning; an sintho ang takin thuanhai ki ti,” a tia.

DÂN INHNINA 28:50

Nâipang khom, tar khom, tûte zel lunginkham no ni.