JEREMIA 21:6 - PATHIAN LEKHABU IRTHIANG C.L. Bible (BSI)

⁶ Hi khopuia om mihriam le thilhring le sahai khom thathai ki ta, hripui irkhêl takin thi an ti.

JEREMIA 21:6 ပူးပေါင်းရင်းမြစ်များ

IRPHUTNA 6:7

Khanchu Rengpa’n, “Ki mihriam siam, hi irnênga omhai hi inboi ving inlân, mihriamhai, sahai, thilhring hai, chunglêng vahai leh hin; ki siam tâk sikin a sân ki’rsîr,” a tia.

ISAIA 6:11

Keima’n chu “Rengpa i dôr ten mo khaang khan an iom hrang?” ki tia. Ama’n chu, “Khopuihai chu a luatu om loiin a ram zoia, inhai khom an lumtu om loiin a ram zoi mâka chu!

JEREMIA 14:12

Bu ngheihai khomsian changpui hranga an khêkna kha irngai pehai no ning, an hâlirvôm le an chîmu irbôlna inhlan sika khan, an chunga lôm ual no ning. Irdoina hai, châmna le hri le hraihaiin anni chu ki ithathai hrang a ni,” a tia.

JEREMIA 16:4

Insîna ichiom tak sikin thi an ta, mi tukhomin châhai no nihai, tukhomin a phûm hrang om no nihai. An ruakhai chu sahrok angin irnênga om rak a ti. Irdoina hmuna a ni no le châmna sikin thi an ta, an ruakhai chu vâhai le ramsahai bu ni a ti.

JEREMIA 20:4

Rengpa ngêtin a iti a ni, ‘Nangma le ni rual danghai hrangin ichiomin nang siam ki ta, an râlhai khandai leh an rêngin thata an iom kha hmu ni ti. Juda mi murdi chu Babulon rêng thuhnuaia ki isia hrang a nia, senkhat chu intângna ina om hrangin a rama hruaipaihai a ta, senkhat chu thathai a ti.

JEREMIA 32:24

“Babulon khopui la hrangin a vêla khan irnêng an vur irsânga, an irûn a ni ta. Khandai, châm le hri le hrâiin khopui chu an kuta a iom hrang a ni ta. Ni lei iti murdihai a idik a nih ti hmu thei ta an ti.

JEREMIA 33:12

Khan Rengpa Itinrêngthothei khan, “Ramchâr anga mihriam mo, sahai om loina, hi rama hin belrapuhaiin an belrahai vâina hrang sûlhring hong mông nôk a ti.

JEREMIA 34:17

Khasikin atûn hin ki thu zôm mak chêi, keima Rengpa’n ki iti a ni; nin irchi Israelhai zalênna nin ipêk loi a ni. A sa hiang hin zalênna nangni pe ki ti. Khandai, hri le hrâi, châma thi hrang zalênna chu, nin chunga ki sinthôna khan rammuala nam tinhai ichiin om ki ti.

JEREMIA 36:29

Rengpa’n rêng kuanga ti pe hrangin a nin hrila, “Lekhabu inzuat chu ni hâla, Babulon rêng hongin, hi ram hi insiat chit a ta, a mihai le a sahai thatpai a ti. Itho sika ni irziak moh ti Jeremia chu nir dona.

JEREMIA 42:22

Khasikin hi hi inhre roi: nin ife nuamna le nin iom nuamna rama khan irdoina’n mani, châmin mani, hriin mani thi nin ti,” tiin.

JEREMIA 7:20

Hi sika hin keima Rengpa Pathian hin ki ningmurna tak hi tempil chunga hin bun ki ti. Mihriamhai le sahai chunga ir-angnatin bun ki ta, thing le chîmuhai chunga khom; ki ningmur chu tûte’n an ithat thei loi, mei ang ni a ti.

EZEKIELA 12:16

Aniachu, khandai hai, châm hai, hripui hai inlêngtir ki ta, kha laia khan mi tômte zôk an ti; khahai khan an lei hongna rama namhai kuanga khan an porinchena murdi chu an inpuangna’n; khan kei hi Rengpa chu ki nih ti inhriat an ti,” a tia.

EZEKIELA 14:13

“Mihriam nâipa, a ram mihaiin insiatna thil thoa, ki chunga thil insuala, keiin ki kut inlekin, an bu, hringna bul chu kin siata, an chunga châm intungtira, mi le sahai ki zuang inboihaiin,

EZEKIELA 14:17

“Aninole, kha rama khan, khandai zuang irlek ro, ki ti’n chu mi le sa murdi chu that zit ni a ti,

EZEKIELA 14:19

“A ni no le, kha rama khan, hripui inlêngtir ki ta, mihriam le ramsa inboi hranga, thisen insuaa ki ninginmurna chu ram chunga ki zuang buakin,

EZEKIELA 14:21

Rengpa pathian khan hiang hin a tia: Jerusalem chunga ki roirêlna natak tak minlikhandai hai, châm hai, ram sahrâng hai, hripui hai, mihriam le ramsa hai inboipaihai zit hranga ki zuang tîr irkip tika chu itin takin mo a iom hrang na!

EZEKIELA 33:27

“Khan an kuang hiang hin ti pehai ro, kei Rengpa Pathian hi Pathian hring ki ini ang hin ki iti a ni, khopui siata mi om murdihai kha that ni an ta; rama om murdihai chu ramsahaiin fahai an ti. Tânga le pûka irbîkhai khom hripuiin thi an ti.

EZEKIELA 33:29

An sualnahai sikin, mipuihai ki hrema, ram chu kin pontir chit tena chu, Rengpa ki nih ti inhre ta an ti,” a tia.

EZEKIELA 7:15

Khandai chu pên tiang a oma, châm le hripui chu kul sûng tianga khan a lênga; loia om chu khandaiin thi an ta, khopui sûnga om chu hripui le châmin thi an ti.

HOSEA 4:3

Khasikin ram khan sûn a ta, a sûnga lêng tinrêng sôl an ti, ramsahai chunglêng vahai le; a ni, tui khangliana ngahai dênin lâkpai ni an ti.

MIKA 3:12

Khasikin Zion kha nangni sika khan, loi anga lâk nôk ni a ta, Jerusalem kha thil siat om khôm ni a ta, biak in omna tâng kha ramhnuai hmun irsâng ang ni a ti.

ZEFANIA 1:3

Mihriam le sahai inboipai ki ta; chunglêng vahai le tuipuia ngahai inboipai ki ta; Mi sualhai kha intûktir ki ta; Irnêng chung ata mihriam inboipai zit ki ti, ti hi Rengpa thu suak a ni.

LUKA 21:24

Khandaiin thi an ta, nam tin kuang suaka hruai indarin om an ta, khan, Jentailhai zoro a mong mâka chu Jerusalem hi Jentailhai isirbe ni a ti.