JEREMIA 21:5 - PATHIAN LEKHABU IRTHIANG C.L. Bible (BSI)

⁵ Keima ngeiin ki bân hrât tak pharin ki ningmurna insua’n nang doi ki ti.

JEREMIA 21:5 ပူးပေါင်းရင်းမြစ်များ

ISAIA 63:10

Khannisian ama kuang ata an tehel pe nôka, a’rtha irthiang lungrîl chu an natir pea, an râlin a om pehaia, a idoihai nôk a ni ta.

ISAIA 5:25

Khasika khan a nih Rengpa ningmurna chu mihai chunga a zuang itung a ni. A kut irlekin a vîkhaia. Khanchu tânghai hi inhnîng a ta, mithi ruak chu sahrok angin, kholaidunga irthek rumin, kha dôr khom khan a ningmurna hek ual maka, a kut a la thâk maia.

FESUAKNA 6:6

Khasikin Israel irchihai kuang khan ‘Kei Rengpa’n Aigupta rama nin suak puak rik pêlna ata nangni hruai suak ki ta, an suak chang ta no chin ni. Ki kut hrât tak hmangin dengintheitirhai ki ta, nangni chu nangni hruai suak ki ti.

JEREMIA 32:17

“Rengpa pathian, ni thuneina lian tak le ni hrâtna’n irnêng le irvân ni isiam a nia; nangma hrangin chu thil intak zel om maka.

JEREMIA 6:12

An inhai khom mi dang pe ni a ta, an loi le an dôngmahai khom khaang dên khan hi rama mihai hi dûk ki ithohai hrang a ni.

ISAIA 9:21

Manasea le Efraima mi an irdoia, Juda irchihaiin an tuang uala, khaang dôr a ni tâk khomin Rengpa ningmurna chum loiin, a kut a la inlek mai a ni.

ISAIA 9:17

Pathian inhre loiin, thil sual an thoa, an thu phorsuakhai lak, a nikhua ni pehai maka; khasikin an ruathartehai khom a ihôihai loi, farahai le meithâihai khom inrenhai loiin, kha dôra ni khomin Rengpa ningmur chum maka, a kut a la inlek mai a ni.

FESUAKNA 9:15

Atûn hin ki kut irlek ki ta, ni mihai le nangma khom hripuiin nangni hrem ki ta, hnuaia irthokin sâtpai ni ta ni ti.

JEREMIA 32:37

Ki ningmur hrai sika ki inthekindartirna rama irthokin mihai chu ki ibûmhai nôk hrang a nia, anni chu hong hruaihai nôk ki ta, hi hmuna hin zôkriamin inlêngtirhai ki ti.

ISAIA 10:4

Sala om hranga an ichelhai laia om nin ta, an ithathai laia om nin ta, kha dôr khom khan Rengpa ningmur chum pe maka, a kut a la’rlek maia.

ISAIA 9:12

Nisua tianga Suria, nitâk tianga Filistia Israelhai doi hrangin an bâi an âng khumhaia. Kha dôr khom khan Rengpa ningmurna hek maka, a kut a la irlek mai a ni.

DÂN INHNINA 4:34

Aigupta ram ata nin Pathian Rengpa khan a mi hrangin nangni a ihruai suak angin tu Pathianin mo hmun khat ata a mi hrang nam hruai suak ngai an iom? Nangni chu, nin Pathian khan, a sinthotheizia le irdoinahai inomtira; thilirkhêl le irsinsiana irkhêl tak tak a thoa; thil ichiom tak takhai an tungtir a ni kha te.

DÂN INHNINA 4:23

Rengpa nin Pathianin thu nangni a inkungpui kha irnghilna lik chin ni. Rengpa nin Pathianin i dûr khom, nin isiam le nin ibiak kha phal ma.

JEREMIA 36:7

Rengpa’n a ningmur ichiom tak leh an sîhai sikin, an omdân saloihai ata irletin Rengpa kuang ngaidamna an zong duai khom a ni thei,” tiin.

JEREMIA 37:10

Babulon sipai pâl inhnê ving khom unglân, a pophai vai mâkin, an puan in sûnga zâl khomhai sian, kha mihai kha la thoi an ta, hi khopui hi a ihâl insiat ving hrang a ni,” a tia.

CHAP HLA 2:3

A ningmur hmêl irsângin Israelhai hrâtna khom a siat zoi ta. Râlhai an hongin san nuam ta maka, A kôl a kiang kâng irhmang ving anga meipui ir-alin, Jakoba chunga hin a ningmurna a ir-al a ni ta.

EZEKIELA 5:8

Khasikin, Rengpa pathian khan hiang hin a ti. Irngai ro, kei ngei khom hin nang doi hrang ki ni. Nam danghai mithmua nangni ki ihrem hrang a ni.

EZEKIELA 39:3

Khanchu a vei kut tianga sâihli le a chang kuta thal kha inthatir ki ti.