JEREMIA 20:12 - PATHIAN LEKHABU IRTHIANG C.L. Bible (BSI)

¹² A ni, itinrêng sinthei Rengpa nangin dik takin nin hriat ngaia, an lungrîl le ngaituanahai om chu nin hriat hleta. Khaangin ki râlhai chunga phuba ni ilâk chu nir hmutir ro, ki chungthu ni kuta om hlet a ni tâk sikin.

JEREMIA 20:12 ပူးပေါင်းရင်းမြစ်များ

2 THURCHI SUINA 24:22

Rengin Zekaria pa Jehoiada, ama ta hranga a kâmnang kha a’rnghilpaia, Zekaria chu an thattirhaia. Zekaria thi hrangin chu, “Ni sintho hi Rengpa’n hmu sianlân, phuba la ri se,” a tia.

INPÂKNA HLAHAI 11:5

Rengpa khan, mi felhai le mi siahai kha irangnatin a fia ngaia: Mi siahai rêk chu a lungrîl murdi’n a khôkmâk ngai.

INPÂKNA HLAHAI 139:23

O Pathian, satakin ni ensuiin lân, Ki milung hi inhre ro; Ni fia’n lân, ki ngaituanahai hi inhre roh.

INPÂKNA HLAHAI 17:3

Ki lungrîl hi ni fiaa, zâna ni ni hroa; Ni ni fia tâka, ite hmu mak chea; Ki bâiin insîrin sual no nih ki ti ngit a ni.

INPÂKNA HLAHAI 54:7

Ki lunginzîngna murdia khan ni ni sansuak tâka; A ni doituhai chunga ki nuamlam chu ki mitin a hmu tâk a ni.

INPÂKNA HLAHAI 58:10

Mi felin chu phuba lâkna a hmu’n lôm a ta: Mi pualoi thisena khan a ke chu irsûk a ti.

INPÂKNA HLAHAI 59:10

Ki chunga lungkhamna Pathian khan ni nghâk a ta: Pathianin ki râlhai chunga ki thu nuamlam chu nin hmutir a ti.

INPÂKNA HLAHAI 62:8

Nangni mipuihaio, itiklai khomin ama kha iam unglân; Nin milung kha a makunga bunpai roi; Pathian chu ei hrangin inzôkna a ni.

INPÂKNA HLAHAI 7:9

O, mi siahai pualoina chu hong mong ta sianlân, mi felhai chu indet roh: Pathian fel tak chu milunghai a fia ngaia.

INPÂKNA HLAHAI 86:4

Ni siahlo hringna hi inlômtir ro; O Rengpa, ki lungrîl hi ni kuang ki siakhak ngaia.

ISAIA 37:14

Palai lekha zuang chôitu chu Hezekia’n a lei hmu’n chu a tepa, Rengpa ina a lûta, Hezekia’n Rengpa makunga a phara,

ISAIA 38:14

Vangalsâng angin kin hrâm ngaia, vasu angin kin kur long long ngaia. Chung tianga thîrin ki mit an vûng zoi ta. Rengpa imanêpa ki om hi, a bul zuang tum ta roh.

JEREMIA 11:20

Khanchu ki chongchaia, “Itinrêng thothei Rengpa’n nang chu roirêltu fel ni nia, mihai irngaituana le nuamnahai ni fia ngaia. Ki chungchâng thu hi ni kuta ki bâng, khaangin ki mihai chunga phuba ni lâkin chu nir hmu ro,” ki tia.

JEREMIA 12:8

Ki mi inthanghaiin an ni doia; rama kâmkeibaknei ang takin an ni khêkkhuma, khasikin anni chu ki ihnôlhai an ni.

JEREMIA 17:10

Keima Rengpa hin nin irngaituanahai ki suia, Mihriamhai lungrîl ki ifia ngai a ni. Mi tin an innun dân dungzuiin an sintho dungzuiin lômman ki pêk ngai,” a tia.

JEREMIA 17:18

Deng nin theitirtuhai chunga mualphoina insumin lân, Rengpa keima chu ni la hôi roh. Chitna irkhêlin anni chu insipin lân, keima chu ichiomin ni siam no roh. An chunga vânduaina irkhêl intungin lân, thatpaihai ving roh.

1 PETERA toc2 1 PETERA 2:23

Mi ingo’n a om laiin ngo nôk ngai maka, dik taka roirêl ngaitu Pathian kuanga khan tûngna a inkoltir tâk a ni.

1 PETERA toc2 1 PETERA 4:19

Khanchu Pathian lungdo anga tuanghai khan thil sa tho maiin an irtha kha Siamtu iamom tak kuang inkoltir ri sehai.

THUPHUANG 18:20

O irvân le Pathian mihai, tirtônhai le deipuhai, a ramna sika hin lôm ta roi! Nin chunga a tho lam angin Pathianin a irêl tâk a ni hi!

THUPHUANG 2:23

A zui ngaihai khom kha that pe ki ta, khanchu keima hi lungrîl le ngaituana inhre ngaitu ki nih ti koiindanghai murdi’n inhria an ti. Nin rêngin nin sintho ang sengin nangni pe ki ti.

THUPHUANG 6:10

Anni khan hnukirhai inring takin, “Itinrêngthothei Rengpa, A’rthiang le A diktu! Idôr ten mo irnênga mihai chunga roirêl loiin kin thisen phuba la loiin ni iom hrang?” tiin an khêka.

1 SAMUELA 1:15

Hani khan, “Ka pu inrui ma ung, nupang beidong inren om tak ki ni; uain khom, zu khom in viat ma ung. Rengpa kuang ki lungrîl ki iphorsuak kêng a ni.