JEREMIA 2:8 - PATHIAN LEKHABU IRTHIANG C.L. Bible (BSI)

⁸ Ochaihaiin Rengpa kha kho tiang mo a iom? Chong irdon siam loiin, ki ochaihaiin an ni inhriat loi a ni. Roirêltuhai ki chunga tehel an zonga; deipuhaiin Baal irhmingin thu an inpuanga, Hlutna nei loi millim chubai an imûk a ni.

JEREMIA 2:8 ပူးပေါင်းရင်းမြစ်များ

1 RÊNGHAI 18:22

Elija’n mipuihai kuang, “Rengpa deipu la dam sun ki nia, Baal deipuhai chu irzaminli sômringa an la ni.

1 RÊNGHAI 18:29

Misa kôlkai dênin irbôlna hmuna khêkin, tûte a sâmtu om loiin, ite irhâi inhriat hrang om loiin an oma.

1 RÊNGHAI 18:40

Elija’n mipuihai kuang khan, “Baal deipuhai tûte insuahai loiin chelpaihai ving roi,” a tia. An chelhaia, Elija’n Kison phâiruama a hruaihaia, khataka khan an thathai ving ta.

JOBA 35:10

Khannisian tûte’n, “A ni siamtu Pathian chu khôn mo om; zâna hla nin saktirtu chu.

ISAIA 28:7

Deipu le ochaihai khomin, uain inruiin an khêka, uain le rakzu an in intama, an inrui buaia, an hong irtet an va irtet zoi ta. Deipuhaiin inlârna an ihmu ite donsui thei loi rakin an inruia, ochaihai khom ite rêl thei loiin an inruia.

ISAIA 29:10

Rengpa’n inmusuna phâivua nangni insêmtir a ta, deipuhai mit a tuam pehaia, a hmutuhai lu a irkhuhai a ni ta.

ISAIA 30:5

An irrualpui thei loihai nam sikin inzak tuang an ta, changpui thei loi, irzukom loihai sikin inzakin mualinphoi an ti,” a tia.

JEREMIA 10:21

Keima’n chu, “Ei hruaituhai an intoa; hruaihai hrangin Rengpa lei ngên mahai. Hi siktak hin kêng hlo an isam, ei mihai an irthekindarh zoi ta.

JEREMIA 12:10

Ram dang roirêltu tamtakin ki grep irhuan an insiata, Ki loihai chu an chîlpol neng tâka. Ki ram enhoi tak chu ramchârin an siam zoi ta.

JEREMIA 16:19

Rengpa, nang chu ni sûnghualtu le hrâtna ni petu ni nia, buaina ki tong zoro khomin ni ni changpui ngaia. Namhai chu kôlkila irthokin ni kuang an honga, an iti chu, “Kin irchibulhaiin pathian dik ni loihai ti no chu a dang ite nei mahai, hmanghmunboi millim ti no chu ite nei mahai.

JEREMIA 18:18

Khanchu mipuihai khan, “Jeremia chungthua hin i mani chu tho ei ti. Itiklai khomin ochaihai le irchu hrang, mi vârhai lungvâr ni sak hrang le deipuhai Pathian chongbe inpuang chu, an iom mai hrang a ni. Khasikin ama chu hrilinsiat ei ta, a thuhrilhai khom hi irngai pe no ih,” an tia.

JEREMIA 2:11

Ama chu a tak lei ni khomsian, nam dangin chu an pathianhai thûl ngai mahai, ki mihaiin chu anni roiinpuia inomtirtu Pathian chu, anni ta hrang ite tho theiloi pathianhai khan an ithûl ngai a ni.

JEREMIA 2:6

Aigupta ram ata ni hruai suaktu, ramchâr khur inthûkhai, tûte om zoi loina ramsêt, Tûte fe ngai loina, om ngai loi hruai inkhêltirtu, Rengpa chu kho tiang mo a iom?” tiin ni ngaitua mo.

JEREMIA 4:22

Rengpa’n a tia, “Ki mihai chu an into ba bâka, An ni inhriat loi a ni. Nâipang into angin an oma; Inhriatthiamna nei mahai. Thil saloi tho chu an thei zapa, thil sa tho hrangin chu an hlosamna korong a ni,” tiin.

JEREMIA 5:31

deipuhai khan thu milak bana chu hril suak mahaia; ochaihai chu deipuhai thupêkin roi an rêla, ki mipuihai khomin an lôm lamtak a ni. Nikhua a hek tika chu itin mo an itho hrang tâk?” a tia.

JEREMIA 7:8

En ta roi irhmangna thu hin nin irnghata.

JEREMIA 9:14

An tukullianna sikin, an pahaiin an lei irchutirhai angin, Baal millimhai chubai an mûk a ni.

EZEKIELA 22:26

Ochaihai khomin ki dânhai an inchâia, thil irthiang uksak loiin, thil irthiang le porinche thua irchutirna nei mahaia; sabat sûn khom uksak loiin. Khasikin, Israel mihai hin mahrip ni tho loiin an iom zoi a ni ta.

EZEKIELA 34:2

“Mihriam nâipa, Israel roirêltuhai kha theiloi inchangtirhai roh. An kuang thu hrilin lân, kei Rengpa Pathian hin hiang hin ki iti a ni, ti pehai roh. Nangni Israel belrapuhai nin chung a rik e! Nin bingin, nin irdonsuia, khannisian belrahai chu itiklai khom donsuihai ngai mak chêi.

HOSEA 4:6

Ki mihai kha inhriatna an irsam sikin inboipai an nia, inhriatna ni hnôl sikin kei khomin ki ochai ni nina ata nang hnôl ta ki ti. Ni Pathian dân ni’rnghilpaia, kei khomin ni nâihai irnghil pai ki ti.

HABAKUKA 2:18

Millim siam chop a siamtu’n a isin khan, imo inlâpna a inei hrang? Millim siam chop, milak irchutirtu ma mai a siamtu’n ama kut suak a iiam nôk hi, Millim chongtheiloi hong siam hi imo a’rfêna?

MATHAIA 16:26

Mi’n rammual hi a pumin nei sianlân, a hringna inchân sianlân, a ta hrangin imo a’rfêna? A ninole, mi’n a hringna irthûlin imo a ipêk hrang?

LUKA 11:52

Dân irchutirtuhai khom nangni an tak pe vang na! vârna châbi nin chôipaia, nangni lak lût no chin ni, a lût nuamhai tena nin khâl ngai”, a tia.

JOHANA 16:3

Khaang thil kha mipuiin nin chunga la tho an ti, Pa le kei an nin hriat no sikin.

JOHANA 8:55

Ama chu inhre mak chêi, keima’n chu kin hriat; Ama kha inhre ma ung ki ti’n chu, nangni ang dêna milak ni ki ti; khannisianlân, ama kin hriata a thu khom ki zôm ngai.

2 KORINTH 4:2

Thil irthup le inzakpuiom sinhai kha kin mâka, milakin sin ma unga, Pathian thu huangna khomin hmang sa ma ung. Thutak vârna irkipin Pathian mithmua khan inlêngin mi tin sia le sa inhriatna mit tung kin tum ual ngai.

DÂN INHNINA 33:10

Ni nâi, Jakoba irchi hai kha ni dân irchutir an ta, ni maichâma mirimhoi hâl an ta, Hâlirvôm thilinhlan hâl ngai an ti.

1 SAMUELA 12:21

Ite irfêna boi le nangni sansuak thei loi hrang chu zuiin pêtsan ual no roi, khahai kha ite hmang hmunboi a ni.

1 SAMUELA 2:12

Elia nâipasalhai kha mi chanlamboi an nia, Rengpa khom mahrip tho loi