JEREMIA 2:34 - PATHIAN LEKHABU IRTHIANG C.L. Bible (BSI)

³⁴ Ni puanhai chu mi inmokhai thisen ni loiin, mi’nriang le sual sin loihai thisen a kop uala. Khannisian hi thilhai tho pumin,

JEREMIA 2:34 ပူးပေါင်းရင်းမြစ်များ

2 RÊNGHAI 21:16

Manasea’n ite ti loihai a that intamhaia, Jerusalema thisen a iluang hluk a ni. Juda mipuihai chu millim biak an uartirhaia, Rengpa ta hrangin thilsual an itho a ni ta.

2 RÊNGHAI 24:4

Rengpa’n Manasea thilthohai hi a ingaidam thei loi a ni.

FESUAKNA 22:1

“Mi’n sehrâtchal mani, kêlbelra mani inrûka that a ni no le, zuar sian, sehrâtchal inkhat irthûlin a bâk ringa tuam a ta, kêlbelra inkhat irthûlin minli a ipêk ngêt hrang a ni.

FESUAKNA 22:2

A thil inrûk kha a ituam nôk ngêt hrang a nia, a tuamna hrang a nei no’n chu, a thil inrûk tuamna hrangin ama kha suaka a irzuar hrang a ni. A sa inrûk sehrâtpui mo, sakuartung mo, kêlbelra mo a thil nei laia a damin a la omin chu, inkhat irthûlin inhni a ipêk hrang a ni. Zâna inru in sûnga lût an chela, an thatin chu a thattu kha mi that ti thei ni no ni, khan sûn khovâra that a ni’n chu mi that ti thei ni a ti.

ISAIA 57:5

Sesua thing hnuaia Pathian irhmingin nin inhoia, thing dâihlîm hnuai nin pana, nin nâitesuihai irbôlna’n nin thathaia, tui kôla rôl panghai laia nin inhlanhaia.

ISAIA 59:3

Nin kuta thisen a kâi neng nunga, nin kut zaphaa dik loina a sipa, nin hmûr le minlak nin thoa, nin mileiin thu saloi nin hrila.

ISAIA 59:7

Sual sin hrangin a sân an hrât ngaia, mi dik thisen insuak hrangin an irhnot ngai. An thil irngaituana a koi zoia, an fena hmun tina thil a siat zoi ngai.

JEREMIA 19:4

Mihaiin an mâksana, hi hmuna ram dang pathian chongpuina’n an hmang tâka, anni le an irchibulhai Judai rama rênghai khomin, an inhriat ngai loi pathianhai kuang mirimhoi an hâla, mi siat sin loihai thisenin ki hmun hi an insip zoi ta.

JEREMIA 2:33

Irdithai irzui dân hi chu ni inhriat infel chu a ni hi. Nupang sual takhai khomin irchûna chu hmu an ti.

JEREMIA 6:15

hi thil intiromhai an tho sika khan an inzak ma ni? Inzak mahai; an zak dân lua an inhriat loi a ni. Khasik taka khan mi dang an rîl tâkhai angin inrîl an ta, dûk ki thohai ni taka chu an mongna ni a ti,” keima Rengpa’n ki iti a ni.

JEREMIA 7:31

Hinom irhôra an nâipasalhai le nupanghaiin mei leh hâlin an irbôl theina hrangin maichâm ‘Tofet,’ iti an siama. Hi tho hranga hin thu pe ma unga, ki irngaituana lua a ilût phâk loi a ni.

JEREMIA 7:6

Ram dang mihai, farahai le meithâihai hnuaisia ma unglân, hi rama thilsual tho loihai that ma ta roi. Nangni an siat hrang sikin pathian danghai chubai mûk kha ma ta roi.

JEREMIA 8:12

Ki mihaio, hi thil porinchehai nin tho sikin nin inzak mo? a ni, ite inzak viat mak chêi; nin hmâi ten lua sen thei mah! Khasika khan mi dang an rîl tâkhai angin inrîl nin ta, dûk nangni ki tho ni tâka chu, nin mongna ni a ti, keima Rengpa’n ki iti a ni.

CHAP HLA 1:9

A porinchena a silkaia kopin, thup thei ta loiin a om. A zoro hek hrang ngaitua ta loiin a oma, a siatna irkhêl hrai sikin, Irtharngam pêktu tûte nei ta loiin; En ro, Rengpa kin ngîrhmun siat lam hi, râlhai an ihrât a ni ta,

CHAP HLA 4:14

Mitchohai angin kholaidunga an irmaia, an songkolhaia khom thisen a kop neng nungin. Tûte itôn a’rthiang ti loiin.

EZEKIELA 20:31

Millim kuanga thilinhlan le irbôlna hrangin nin nâihai hâl hrangin a vuan nî ten hin porinche’n nin la oma, Israel insûnghaio, ni chongpui hranga hong mo nin ni? Mi hring ki ni hi, Rengpa pathian thusuakin a ti. Nangni ni chongpui zât ni ma ung.

EZEKIELA 22:25

Kâmkeibakneiin sa a ithathai chunga a inrûm ngai angin, hruaituhai chu an inrûm sa ngai. Mihai an thata, tangka sum le neinun an ilâk thei dôr an lâka, mi tamtak meithâiin an siahai ngai.

EZEKIELA 23:45

Mi felhaiin chu an uirena le an thisen insuaknahai sika hin theiloi inchangtirhai an ti, uirea omin an kuthai chu thisen a kop sikin,” a tia.

EZEKIELA 24:7

Khopui sûnga khan thisen insuanahai a oma, khannisian thisen kha vâiphin irkhû theina hmun irnêng chunga bunthuanin om maka, lungpui chunga kêng bunthuanin a om ngai.

EZEKIELA 9:9

Khanchu ama’n ki kuang, “Israel le Juda in sûngkuahai sualna chu a sân a lûminna tak taka, ram chu thisenin a sipa, khopui sûng chu roirêlna uksak loina’n a sipa, Rengpa’n ram chu a mâksan ta, Rengpa’n ite hmu ta ma, an tia.