JEREMIA 2:31 - PATHIAN LEKHABU IRTHIANG C.L. Bible (BSI)

³¹ Israel mihai, ki thu’nsîr nin mikuar lei sung sabak roi. Nangni hrangin ramchâr angin, ramzîng ichiom tak ki lei ini ma ni? Khaang khan a ni’n te, itho mo nin inuamtak nin thoa keima kuang hong kîr tum ta loia nin iom?

JEREMIA 2:31 ပူးပေါင်းရင်းမြစ်များ

1 RÊNGHAI 11:22

Reng khan, “Imo ni iti na?” “Imo a’rsam ti ni inhriat, nin rama fe ni irzuk,” a tia. Hadada’n, “Ite ual chu irsamna nei ma ung; Khannisian, nin fetir ta hi ro,” a tia. Edom rêng Hadada chu Israelhai râl inhnê intak tak a hong ni ta.

2 THURCHI SUINA 31:10

Zadoka irchia ochai inlaltak Azaria’n, “Mihaiin thilpêk tempila an hong chôia ta hi chu fâk hrang kin nei tâka, fâk sêng loi tamtak a izôk a ni, Rengpa’n a mihai sat a vura, hihai ang hi ei inei thei a ni,” a tia.

JOBA 21:14

Pathian kuanga, ‘Ni rotsan ro! ni lampui hro irzuk ma ung.

INPÂKNA HLAHAI 10:4

Mi sia chu lârirpâk hmêl irputin, “Inphût no ni,” a ti ngai. A ngaituana murdi chu, “Pathian zel om mah,” ti inzen a ni.

INPÂKNA HLAHAI 12:4

Anni khan, “Ei milei hin inhnê ei ta, Ei hmûrhai hi eini ta ngêt kêng, tu mo ei chunga rêng om?” an ti ngai.

THUVÂRHAI 30:9

khano’nchu ki nei hraiin nang ki phil itinin. A ninole kin riang hrai khomin mi ta kin rûkin ki Pathian mualphoi ki sak itinin.

ISAIA 45:19

Irnêng chung inthim lai ata inrûkin thu hril ma unga, hmun tina ni zong hrangin Israel irchihai khom tîrhai ma ung. Kei hi, Rengpa thudik hriltu ki nia, thil dik kin puangsuak ngai.

JEREMIA 2:20

Rengpa Pathianin a ti, “Tiana khan Israel, ki thuneina ni hnôla, ki thu zôma chubai ni mûk hrang khom nuam mak chea; Tâng irsâng chunga hai, thingkung dâihlîm hnuaia chîmu insatir ngai pathian ni chongpuia.

JEREMIA 2:25

Israel Pathian danghai irzûlin, ni ke insôltir no’n lân, Ni dang khom châr no ri se. Khanchu nangma’n, ‘O ho, kîr thei ta no ning.’ Ram dang pathianhai ki’rngaiinhluhai tâka. Anni ki izuihai hrang a ni,” ni tia.

JEREMIA 5:5

Mi lianhai kuang fe ki ta, anni chu va chongpuihai ki ti. An Pathianin a innang chu imo a ini. Rengpa’n imo an itho hranga a inuam chu inhre ngêt a ti,” tiin ki ngaituaa. Khannisian an rêngin Rengpa thuneina an hnôla, a thupêk zôm hrangin an inuam loi a ni.

JEREMIA 5:6

Khasika khan kêng rampui kâra kâmkeibakneiin thathai a ta, ramchâra irthoka inêhaiin sânphorhai neng an ti. Keiârsihai khom an kho sûnga lût an ta, Tual an suaka niin chu, sânphor ni an ti. An sualhai a tam hrai sikin, zoro tina Pathian hnung an songsan ngai sikin.

EZEKIELA 14:5

Israel insûngkuahai chu an millim sika an ni irheisan tâk sikin an lungrîl tak ki man theina hrangin zuang sâmhai ki ti.

HOSEA 13:6

An fâk hrang tena chu an khopa, an ikhop kha an milungin a lâlirpâk puia, khanchu a ni irnghil tâk a ni.

AMOSA 1:1

Juda rêng Uzia inlal lai le Israel rêng Joasa nâipa Jeroboama inlal laia, hnîngnu mâna kum hnina khan, Tekoa sâ rual enkoltu laia om Amosa’n thu Israel chungchânga a ihmu chu.

MIKA 6:9

Rengpa khan khopui kha a insam a ni, vârna nei mi khan nir hming kha chi a ti: hêmvuak leh a sinsiamtu kha inhre mai roi.

1 KORINTH 4:8

Nin irsam tinrêng nin inei tâk ma ni? Kin om no khoma rêng nin ichang thei tâk ma ni? Reng chang thei tak tak unglân ki nuam vang na, keini khom nin rêng kin changna hrangin.

DÂN INHNINA 31:20

An irchibulhai kuanga pêk ki inkung, khuaihlutui le dûttui luangna rama khan nangni hruai intung ngêt ki ti. Nuam dôr fâk hrang nei mai an ta, mar lu lul an ta, pathian danghai tiang irheiin chubai mûk ual ta an ta; ni hnuaisia’n ki thuthunghai kha tho’nchâi an ti.

DÂN INHNINA 32:15

Israelhai kha an hong irchonga, a sân an hong irhniang tâka, an mar tel tul tâka, Siamtu, an Pathian kha an rotsana, saninhringtu, an lungpui kha an ngainêpa.

DÂN INHNINA 32:18

Anni neitu lungpui kha uksak mahai, annihai siamtu Pathian kha an rotsana.