JEREMIA 2:30 - PATHIAN LEKHABU IRTHIANG C.L. Bible (BSI)

³⁰ Nangni ki sepa, ar fêna reng om maka, nangni siam insa khom phal mak chêia. Kâmkeibaknei ningmur angin nin deipuhai khandai leh nin thathaia.

JEREMIA 2:30 ပူးပေါင်းရင်းမြစ်များ

1 RÊNGHAI 19:10

“Itinrênga hin Rengpa tah hrangin sathnem ki’rngaia, khannisianlân, Israelhaiin ni thuthung an zôm no sikin, ni maichâm an insiata, ni deipuhai khom khandaiin an thathaia, keima vai hi a dam sun ki ni tâka, kei khom hi ni that hrangin an ni izong mai a ni,” a tia.

1 RÊNGHAI 19:14

Elija’n, “Itinrêng chunga Rengpa hrang sathnem ki’rngaia, khannisianlân, Israelhaiin ni thuthung zôm loiin, ni maichâmhai an insiata, ni deipuhai an thathaia, kei vai hi a dam sun ki ni tâka, keima khom hi ni that an ni tum a ni,” a tia.

2 THURCHI SUINA 24:21

Zekaria kha an thuphana khan, rêng thuin tempil tuala khan an dêng thatpai tâka.

2 THURCHI SUINA 28:22

A sân a charindong lai tak khomin Ahaza chu Rengpa ata a sual uala.

2 THURCHI SUINA 36:16

Khannisian Pathian mi tîrhai chu an lei manêphaia, an thu lak ite la pehai mahaia. Deipuhai chu innuisanhaiin, inhnung tiang chu Rengpa kha a sate’n a ning an mur pea.

NEHEMIA 9:26

Khannisian an irhmôla, nang an tehel pea, ni dânhai mâksanin, nangma tianga hong nôk hranga hriltu deipuhai an thata, ningmurom thilhai an thoa.

ISAIA 1:5

Itina mo nin la inuar pe mai? vîk nin la izong mai ma ni?

ISAIA 59:3

Nin kuta thisen a kâi neng nunga, nin kut zaphaa dik loina a sipa, nin hmûr le minlak nin thoa, nin mileiin thu saloi nin hrila.

ISAIA 9:13

Israel namhai chu anni soisaktuhai tiang kîr nuam loiin, itinrêng Rengpa kuang tiang fe nuam mahai.

JEREMIA 31:18

Efraima inhrûm irhâi chu kin hriat maia, ‘Nangin sehrâtilla la sep ngai loi angin ni ni sepa, ni ni irchutir tâk hi. Ni’rheikîrtirin lân, hong kîr ki ta ni hruai roh. Nang chu ki Pathian Rengpa chu ni nia.

JEREMIA 46:14

“Aigupta ram khopuihai Migdol, Nof, Tahfanes-ah inpuang ro: mâni irhrung hrangin irtûng chian ta roi; nin inei murdi irdoina khan insiatchit ni a ti.

JEREMIA 5:3

A dik takin Rengpa’n iamomna hi a izong a ni. Nangni a vîka, khannisian ite bêin bê mak chêia. Tukullian nin nia, nin sual ata irlet nuam mak chêi.

JEREMIA 7:28

An kuang, “Hi nam hi Rengpa an Pathian irhâi irngaitua laia, sepna dong loi nam an ni hi,” ti ni ta, thudik ar hmang ta, an bâi ata paiirhmang a ni ta. Iamomna chu a boi tâka, sâmin om ta ngai mah.

CHAP HLA 4:13

Deipuhai sual sikin le ochaihai dik loina sika a ni, kho sûnga khan mi dikhai thisen an insuak sika a ni.

EZEKIELA 22:24

“Mihriam nâipa, Israelhai kha ti pehai ro, an ram a’rthiang ta no sikin, ki ningmurna’n ki zuang ihrem a ni.

EZEKIELA 24:13

O Jerusalem ni sintho porinchehai khan irthiang loia nang a isia a ni hi. Nang irthiangtir ki lei tum nâka chu, irthiang loiin ni la om maia. Khasikin, ki ningmurna hi ni tuang mâka chu irthiangin om nôk ta no chi ni.

DANIELA 9:13

Mosia dâna irziak angin hi thil saloi murdihai hi kin chunga a hong itung a ni; khannisian kin dik loinahai mâksanin, ni thudik inhriat theina kin nei theina hrangin Rengpa kin Pathian milung chukna zong loiin.

ZEFANIA 3:2

Hnukirhâi kha zôm maka; halirchûna pom maka; Rengpa kha iam maka; a Pathian tiang nâi nuam ma.

MATHAIA 23:29

“Nangni Dân irchutirtuhai le Farisai vârirlethai! nin chung a rik e! Deipuhai thân nin sina, mi felhai inhriatmaina lunghai nin irvo ngaia;

TÎRTÔNHAI SINTHO 7:52

Nin puhaiin deipuhai laia tu mo deng an inthei loi? Mi fel Tak, hong hranga thu lei hriltuhai kha an thathaia, atûn nangnihai hi, kha Mi fel tak incheltirtu le thatpuhai kha nin ni.

1 THESALONIKA 2:15

Kha Judahai khan Rengpa Jisua le deipuhai an thata, keini khom an nin buaia Pathian inlômtir mahaia, mi dang khom irdoipui loi nei mahai.

THUPHUANG 16:9

Mihriamhai kha misa lum taka em inlôngin an om tâka, kha dengintheina chunga irchamneitu Pathian irhming kha khomâk an sâma, an sual ata irletin ama inpâk ual mahai.