JEREMIA 2:26 - PATHIAN LEKHABU IRTHIANG C.L. Bible (BSI)

²⁶ Rengpa’n a ti, “Inru khan chel a fâka, hmâimôk a irlâk ngai angin nin rênghai le nin mi lianhai, nin ochaihai le nin deipuhai, Israel mipui nin rêngin nin hmâimôk a ti.

JEREMIA 2:26 ပူးပေါင်းရင်းမြစ်များ

EZRA 9:7

Kin pi le puhai ata atûn ten hin theiloi kin ichang zoi a ni; kin inchâinahai sikin kin rênghai le kin ochaihai le ram danga rêng an ichela, khandaia thathai, sala intânghai, inrûknahai kin tonga, a vuanhaia kin iom ang hin.

INPÂKNA HLAHAI 97:7

Millim siamhai sinthotu murdi chu mualinphoiin om ri se, Millimhai songtuhai chu: Nangni pathian murdihaio, ama chubai mûk roi.

ISAIA 1:29

Sesua thinga siam Biak In khârnahai kha lan zak nin ti, Irhuan ser nin isiamhai khom inzakpui nin ta,

ISAIA 44:11

Ama biaktu murdihai chu mualphoiin la om ving an ti. Mi theithiamhai khom hi mihriam ma mai an nia, honghai sianlân ki makunga hong ngîr ri sehai, inthing an ta, mualinphoi ok an ti.

ISAIA 44:9

Millim siamtuhai hi ite ual ni mahaia, an thil siam an inhluhai laka ite hmangna boi. Ama biaktuhai hin ite inhre infel thei loiin lan zak an ti.

JEREMIA 2:36

Nam dang pathianhai tiang ni’rnghat tâk sikin, ni hlutna ni inboitir ok a ni ta. Assuria ni’rhnêla nin imualinphoi ang khan. Aigupta chunga ni’rnghat khomin mualinphoi nôk ni ti.

JEREMIA 22:22

Nin hruaituhai chu phâivua isêm irhmang angin an om tâka. Nin inrualpuihai chu irdoina hmuna chelhai an ti, nin khopui chu mualphoia inzak taka siam ni a ti. Sual sin nin ithohai sika hin.

JEREMIA 32:32

thil saloihai Judai ram le Jerusalem mihai, an rênghai, hruaituhai, an ochaihai le deipuhai an rênga thôna sikin.

JEREMIA 4:9

Rengpa khan, “Kha ni khan rênghai le mi lianhai chu an thâiindôp a ta, ochaihai buai an ta, deipuhai milung zîng a ti,” a tia.

JEREMIA 48:27

Moab, Israel mihai ni inuiso dân kha inhre mai ro? Inru kâra chang mo an nia, an thurchi ni hril rikipin ni lu ni inthik ngai hi?

EZEKIELA 16:54

An ta hranga irtharngamtu ni lei nia, ni thil lei tho tâkhai murdia khan inzaka, ni mualinphoina chu ni pêl theina hrangin.

EZEKIELA 22:26

Ochaihai khomin ki dânhai an inchâia, thil irthiang uksak loiin, thil irthiang le porinche thua irchutirna nei mahaia; sabat sûn khom uksak loiin. Khasikin, Israel mihai hin mahrip ni tho loiin an iom zoi a ni ta.

ZAKARIA 5:4

Khanchu sipaihai Rengpa’n, ‘Hi khosâlna hi tîrsuak ki ta, inruhai ina le khomâkirsâma minlak thotuhai ina lût a ta, khanchu an inhaia khan om maiin, inramhai chit a ti,’ a ti” a tia.

ROM KHUAA MIHAI KUANGA TÎRTÔN PAULA LEKHATHON 6:21

Atûna nin inzakpui tak, thil nin lei itho ngai kha, nin inlâppui mo? Kha khan a mong taka chu thina an tunga.