Biblia Todo Logo
အွန်လိုင်း သမ္မာကျမ်းစာ

- ကြော်ငြာတွေ -




JEREMIA 2:20 - PATHIAN LEKHABU IRTHIANG C.L. Bible (BSI)

20 Rengpa Pathianin a ti, “Tiana khan Israel, ki thuneina ni hnôla, ki thu zôma chubai ni mûk hrang khom nuam mak chea; Tâng irsâng chunga hai, thingkung dâihlîm hnuaia chîmu insatir ngai pathian ni chongpuia.

အခန်းကိုကြည့်ပါ။ ကော်ပီ




JEREMIA 2:20
50 ပူးပေါင်းရင်းမြစ်များ  

Jeroboama’n chu Judai rama kût an inei ngai angin, tha riatna ni sûn sôm sûn ringa ni sûn chu, kût hmang ni sûn an danga. Bethel maichâma khan, rângachaka siam sehrâtte kutsinhai kuang khan ar bôl tâka. Tâng sîp irbôlna hmuna ochaihai a isia ang khan Bethel-a khan ochaihai a siahaia.


Millim pathian biakna hmun tamtak an siama, tâng sîphai le thing hnuai haia, lung saloi le pathiannu Aseri irlimhai an phuna.


Inthim hnuai ata le thina daihlîm ata kha a hruai suakhaia, An khitnahai kha an chattir tâka.


Anni khan, “An inlalna hnuai ata zôkin, An irchamneina hi hlîkpai roi,” an tia.


An hmun irsânghaiin ama kha an ninginmurtira, An millim siamhaiin an inhnarsatira.


Mipuihai khomin, “Rengpa’n a iti murdi chu tho kin ti,” an rêngin an ti inruala. Khanchu Mosia’n mipuihai sâmna kha Rengpa kuang an tung nôka.


Mosia kha a zuang chuma, Rengpa thupêkhai le an ivong hrang dân a irêl murdi an hril vinga, mi tinin, “Rengpa’n a iti murdi chu tho kin ti,” tiin an tia.


Khasikin Aigupta mihai kuang ata hruaisuaka inzôkhai hrang le, kha ram mâksana, Kanaan hai, Hit hai, Amor hai, Periz hai, Hiv hai le Jebus hai omna ram sa le lian tak, khuaitui le dût tui luangna rama hruai suak hrangin ki zuang isuak a ni ta.


I thoa khopui iamom tak chu Notizuar angin teh a om tâka? Dik taka, roirêlna, mi dikhai omna chu, mi thathai omna teh a hong ni tâka!


Kha ni tena chu Assuria thuhnuaia nin omna chu nangni insua ki ti, nin ringa a ringkol chu inkhiak ki ti,” a ti.


Assuria chu ki ram sûnga intem a ta, ki tânghaia sirpha ki ti, a ringkol khom ki mihai ring ata pai pehai ki ta, thil rika inpêlhai chu la pai pehai ki ti.


An puak pêlna ringkolhai le an thil inkhôna funghai chu, irdô tuanga vîkna hmolhai leh khan, Midian-hai an inhnê nikhua ang khan, ni tho pehaia.


Thil a inuam loi ni tho ngaihai kha nang a hmu ving, mi’n a tualbôm dôngma a irzuk ngai le sakorchalin a pui a izui ngai angin, sonong pathianhai tânga le phâia ni izui ngai nang a ihmu a ni. Jerusalem mihaio, nin chungthu an tak a ni ta! Itik tena irthiang ngai zât mo nin ini tâk?


Nin mihaiin maichâmhaia le tâng sîphaia thinghring kung tin hnuaia pathiannu Aseri millim chubai an mûka,


Israel mihai, ki thu’nsîr nin mikuar lei sung sabak roi. Nangni hrangin ramchâr angin, ramzîng ichiom tak ki lei ini ma ni? Khaang khan a ni’n te, itho mo nin inuamtak nin thoa keima kuang hong kîr tum ta loia nin iom?


Ni itho insual a nih ti le Rengpa ni Pathian chunga ni tehel a nih ti inlang roh. Thingkung hringhai hnuaia nam dang pathianhai lung ni la thung maia, ki thupêk ni izôm loi dânhai irphuang suak ta ro, Keima Rengpa’n ki iti a ni.


Kha ni khan chu a ringkol pêl inkhiaktir pe ki ta, an khitna hrui sûtpai pe ki ta, ram dang mihai siahlo ni ta no nihai,


Mi lianhai kuang fe ki ta, anni chu va chongpuihai ki ti. An Pathianin a innang chu imo a ini. Rengpa’n imo an itho hranga a inuam chu inhre ngêt a ti,” tiin ki ngaituaa. Khannisian an rêngin Rengpa thuneina an hnôla, a thupêk zôm hrangin an inuam loi a ni.


Mumalboia, Assuria mihai kuanga khom notizuara ni lei irsiam tâka; a ni, an kuang notizuar thil chu ni lei tho khomin ni milung la chuk mah.


Tuangpui lam rengata inlangna takhaia millim biakna hmunhai ni siama, lampui lianhai khan ni hmun irsânghai chu irzuarna hmun ni neia, khannisian, notizuar poisa innang hi ni mak che.


Ni inhai chu meiin hâl an ta, nupang tamtak mithmua ni chunga roirêlna intung an ta, ni ihur hi inboi ki ta; ni irditpuihai chu thilpêk pe nôk thei ta no chi ni.


Pêk ki itum ram ki hruai intungin tâng irsânghai le thing hringhai an hong hmua; kha khan, an irbôlnahai an inhlan tâka, ki ninginmurtirna thilpêkhai an inhlana, an mirimhoihai an hâla, an thilinhlan uainhai an bunsuaka.


Oholai chu ki ta lei ni khom sian, notizuarin a oma, Assuria rama ar ditpuihai kha a sân a’rzukhaia.


Rengpa’n Hosea irhminga Israelhai kuang thu an sîr irphut lai khan hiang hin Hosea kuang an sîr: “Fe’n lân, dôngma’n notizuar neiin lân; notizuar ata nâi nei ro: hiang hin ki mihai khan ni rotsana, an ni iuiresan tâk a ni,”


An nu khan noti a zuar ngaia, anni invongtu kha inzakom takin a om: ki bu hai, ki tui hai, ki samul hai, ki pat hai, ki sahriakhai le ki in hranghai ni pêktu, ki irditpuihai irzûl ki ti, a iti a ni.


Khan, a kuang, nikho tamtak sûng kha ki ta hrangin ni iom hrang a ni; noti ni izuar hrang ni ma, tûte dôngma ni ini hrang ni mah: khaang dên khan kei khom nangmaa om ki ti, ki tia.


Tâng sîphaia khan an irbôla, mualhaia khan mirimhoi an hâla, thing sesua le bero le tarpin thing hnuaihai khan a raifân a hoi sikin. Khasikin nin nâinuhai khan notizuar an uara, nin moihaiin uire an iuar a ni.


O Israel, nam danghai angin raiinfân lûk lûk dôrin lôm no ro, ni Pathian kha nôti ni zuarsana, hruizôl tina a man kha nir ngai inhlua.


Kei Rengpa, nin Pathian hin, suak ni ta loi hrangin Aigupta ram ata nangni hruai suak ki ta, nin ringkolhai kha nangni inkhiakpai pea, irthiphiaiin nin lêng thei ta a ni.”


Atûn chu ni kuang ata a ringkol kha inkhiakpai ki ta, nangma khitna hruihai kha insatpai zit ki ti.


Nin va iluapai pehai hrang namhai an pathian an ibiak, hmun tâng irsângtak taka mihai, muala mihai, thing buk tinrêng buk irhlîma omhai kha, nin insiatpai zit hrang a ni.


Aigupta rama khan suak nin nih ti kha inhre mai roi; Rengpa nin Pathianin suak nangni a insua a ni.


A vuan hin Rengpa kha Pathiana nin pom tâka, a thu’nkunghai, a thupêk le omdân hrang a itihai kha zôma tho nin inkunga.


Nangni chu, Aigupta ram, thîr hâl inzôina meipui ata kha, nangni a la suaka, ama dongtum ni hrangin nangni a ihruai suak a ni, atûna nin iom ang hin.


Aigupta ram ata nin Pathian Rengpa khan a mi hrangin nangni a ihruai suak angin tu Pathianin mo hmun khat ata a mi hrang nam hruai suak ngai an iom? Nangni chu, nin Pathian khan, a sinthotheizia le irdoinahai inomtira; thilirkhêl le irsinsiana irkhêl tak tak a thoa; thil ichiom tak takhai an tungtir a ni kha te.


Rengpa ei Pathianin a insîr murdi kha ni hrilin lân, lei irngai kin ta, zôm kin ti,’ an tia.


Josua chu an sâma, “Ni nin hril la lamin tho kin ti, ni ni itîrna ti tiang fe zel kin ti.


Mipuihaiin Josua chu an sâma, “Kin Pathian Rengpa sin hi kin tho hrang a ni, a thu khom zôm zêl kin ti,” an tia.


Josua’n kha thu kha Pathian dân bua khan a’rziak lûta; lung liantak a lâka, Sekem khuaa Rengpa Hmun Irthiang saisothing kung bula khan a phuna.


Berbu sari chôi vântîrtôn sarihai laia inkhat kha a honga, a ni hong chongpuia. “Hong ta, tui tamtak chunga toi, notizuar irhming inthang tak chunga hremna om hrang kha nang irhmutir ki ti.


Israel mihaiin Rengpa nuam loi lam thilsual an tho nôka; Baalhai, Asterothi-hai, Amona pathianhai, Zidon mi pathianhai, Moab mi pathianhai, Amor mi pathianhai, Filistia mi pathianhai an biak saa.


Khanchu, Israelhaiin Rengpa nuamloi lam thilsual an thoa. Baalhai kha an biak zêl tâka.


Rengpa irheisanin, Baalhai, Asterte-hai chubai an mûk tâka.


Khanchu Rengpa kha an koia, ‘Rengpa chu kin irheisana, Baal hai, Astarot hai kin lei biak tâk sikin kin lei itho’nsual tâk a ni; khannisian kin râlhai kut ata hi chu ni sansuak ro, nangma vai nang bê ta kin ti,’ an tia.


ကြှနျုပျတို့နောကျလိုကျပါ:

ကြော်ငြာတွေ


ကြော်ငြာတွေ