JEREMIA 2:15 - PATHIAN LEKHABU IRTHIANG C.L. Bible (BSI)

¹⁵ Kâmkeibaknei angin an inhrâm khuma; A ram chu ramchârin an siama, a khopui khom a lua hrang boiin a ram zoi tâk.

JEREMIA 2:15 ပူးပေါင်းရင်းမြစ်များ

JOBA 4:10

Kâmkeibaknei inrûm le a harialhai a’rngamtir pea, kâmkeibaknei vânglai ha ngaih tak an khiaktir pea.

INPÂKNA HLAHAI 57:4

Ki hringna hi kâmkeibaknei kuang a oma; Mihriam nâihai fa’rhmangna laia khan ki oma. An hâhai chu ufei le thal ang a nia, An milei lak khandai ngaihtak a ang.

ISAIA 1:7

Nin ramhai khom ar hmang zoi ta, nin khua khom a kâng irhmang ta, nin mithmua nam danghaiin nin ram an lua zoi ta, nin râlhaiin an insiat zoi a ni ta.

ISAIA 24:1

Rengpa’n Irnêng hi inlet a ta, irhmangtir a ti. Kai illettir a ti.

ISAIA 5:29

An khêk irhâi khom kâmkeibaknei inrûm ang a ni, an sa sê lai chu inrûm pumin an irputpaia; tûte sut thei zât ni mah.

ISAIA 5:9

Itinrêng Rengpa’n ki mikuar inhriata hin, “Hi in lian le satak takhai hi, ram zoi a ta, a lua hrang mi om no nihai.

ISAIA 6:11

Keima’n chu “Rengpa i dôr ten mo khaang khan an iom hrang?” ki tia. Ama’n chu, “Khopuihai chu a luatu om loiin a ram zoia, inhai khom an lumtu om loiin a ram zoi mâka chu!

JEREMIA 10:22

Irngai ta roi, thuthang a hong tung ta! Hmâr tianga mihai irchunkhôm nî chu; Judai ram khopui inram chita, sihalhai lêngna hmun siam hrangtuhai chu,” ki tia.

JEREMIA 25:30

“Nangma Jeremia hin ki itihai chu ni inpuang hrang a ni, hihai hi mipuihai ni ihrilhai ngêt hrang chu a ni, ‘Rengpa chu irvân ata khêk a ta, irvân hmun irsângna ata irthokin a hnuk insua a ta. A mihai doiin khêk a ta, mi grep ra chîltu angin khêk suak a ti. Irnênga mi tinin inhria an ta,

JEREMIA 25:9

‘Hmâr tianga mi tinhaiin le a ni zui rêng Nebukadnezara, ki ikoi hrang a ni. Judai ram le a luatuhai le a kôlvêla nam danghai doi hrangin ki hong ihruai hrang a ni. Hi nam le a kôlvêla nam danghai chu insiat chit ki ta, mihai khan ar khêl ti an ta, ar khêl ti ok an ti, kumtuangin an insiat hrang a ni. Keima Rengpa’n ki iti a ni.

JEREMIA 26:9

I lo hrang mo Rengpa irhmingin hi tempil hi Silo angin om a ta, hi khopui hi siat chitin a sûnga tûte om ta no nihai ni iti?” an tia. Khanchu mipuihaiin an ni irhual tâka.

JEREMIA 33:10

Khan Rengpa’n, “Mipuihaiin hi hmun hi mihriam le ramsahai om loina ramchâr hmun ang chu a ni, an tia; a ni, an ihril indik kêng, a rong ving tâka, khataka khan mihriamhai le ramsahai khom om mahai. Khannisianlân hi hmunhaia hin inhre nôk ni ti,

JEREMIA 34:22

Thu pe ki ta, hi khopuia hin hong kîr nôk an ti. Judai ram khopuihai chu ramchâr, tûte om thei loina hmunin siam ki ti. Keima, Rengpa’n ki iti a ni,” a tia.

JEREMIA 4:7

Kâmkeibaknei a khur ata a hong isuak angin, nam tinhai insiatchit hrang chu a hong irthok a ni ta. Judai ram insiat hrang le a hong tâk Judai ram khopuihai chu irfangin om an ta, an laia tûte irleng no nihai.

JEREMIA 44:22

A vuan sûn ten hin ni ram chu inramin a la oma, a sûnga tûte la om mahai. En intak tak a hong nia, mihaiin a’rhming chu khomâksâmnain an hmanga, Rengpa’n nin pualoina le tho’nsualnahai kha a tuangdiar ta no sikin.

JEREMIA 5:6

Khasika khan kêng rampui kâra kâmkeibakneiin thathai a ta, ramchâra irthoka inêhaiin sânphorhai neng an ti. Keiârsihai khom an kho sûnga lût an ta, Tual an suaka niin chu, sânphor ni an ti. An sualhai a tam hrai sikin, zoro tina Pathian hnung an songsan ngai sikin.

JEREMIA 50:17

Khan Rengpa’n, “Israel mihai chu belra pâl, kâmkeibakneihaiin an irzûla an irthekchit ang hi an ni. A phut taka Assuria rêngin a doia, kha hnung Babulon rama rêng Nebukadnezara’n an ruhai an rêt pehai nôka.

JEREMIA 51:38

Babulon-hai chu an rêngin kâmkeibaknei angin an inhrâma, kâmkeibaknei tehai angin ngor ngor zel ti an ti.

JEREMIA 6:8

Jerusalem mihaio, hi buaina hi nin irdînna hrangin irningna thil tung ri se, khano’nchu nangni ki imâksan hrang kêng. Nin khopui hi ramchârin siam ki ta; tûte zel om thei no ih,” a tia.

JEREMIA 9:10

Keima’n, “Mual tin ta hrangin chûlpui angin ki om ta, sûlhring hmunhai hrangin chap ki ti, an châr zoi tâk sikin, Tûte khatak khan an zin nuam om ta mahai. Sa pâl irhâi inhriat hrang khom om ta ma, vâ le sahai khomin laizâm tho’n an rot zoi tâka,” ki tia.

JEREMIA 9:11

Rengpa’n a tia, “Jerusalem chu inram chim angin insiamtir ki ta, sihalhai fena hmun chang ta a ti. Judai ram khopui chu ramchâr chang a ta, tûte’n lua ta no nihai,” a tia.

EZEKIELA 36:3

“Khasikin thu leihrilin lân, kei Rengpa Pathian hin hiang hin ki tih iti hi inpuang roh. Khan Israel tânghai chu a kôlvêla namhaiin lâkin an longindartira, Israel an hmusit tena chu,

EZEKIELA 5:14

Nin vêla nam omhai le nangma tianga irvâkvêlhai hmusitom le khoramin nangni siam ki ti.

HOSEA 11:10

Rengpa kha zui an ta, kâmkeibaknei anga inrûm hrang chu: a ni, inrûm ngêt a ta, nitâk tianga irthokin a nâihai chu keima tiang inrang takin hong an ti.

HOSEA 5:14

Efraima hrangin chu kâmkeibaknei ang, Juda hrangin chu kâmkeibaknei vânglai ang ki ini hrang a nia; keima, keima ngeiin kaithêr ki ta, fe ki ta, rotpui ki ta, sansuaktu tûte om no nihai.

AMOSA 3:12

Rengpa khan hiang hin a tia: Belrapu’n kâmkeibaknei bâi ata a belra ke inhni mani, mikuar hlek mani, a isan suak angin, khaang Samari khuaa zâlhmun kila le zâlhmun irlung êk puan irphân lukham chunga Israel nâi omhai kha sansuak a ti.

AMOSA 3:4

Kâmkeibakneiin ram hnuaia sa a man no’n chu an hrûm ngai ma ni? Kâmkeibaknei vânglaiin ite a man no’n chu pûka irthokin an hrûm ngai ma ni?

AMOSA 3:8

Kâmkeibaknei an hrûmin tu mo chi loi hrang? Rengpa pathian khan thu a hrila, tu mo hril loi theiloi hrang? tiin.

NAHUMA 2:11

Tûte inchitir loia an oma, kâmkeibaknei chalhai, kâmkeibaknei puihai, kâmkeibaknei têhai an ichai vêlna, kâmkeibaknei irbu zôl le kâmkeibaknei têhaiin an fâkna hmun kha khôn mo a ini?

ZEFANIA 1:18

Rengpa ninginmurna nia chu an rângachak mani, An tangkarua’n mani khomin anni kha sansuak thei no ni; Ram pumpui hi a khôkmâkna meia khan kâng irhmang zit a ti. Rama omhai murdi inboi a ta, A ni, inboina irkhêl tak a siam hrang sikin.

ZEFANIA 2:5

Tuipui kama om Keret namhai kha an chung a rik e! O Kanaan, Filistia mihai ram, Rengpa thu kha ni chunga a zuang itung a ni; Luatu omloi rakin nang inboipai ki ti.

ZEFANIA 3:6

Namhai kha kin boipaia, an kulhai ten khom kha a ram chit tâka; an kholai dunghai kha kin siatpai zita, tukhomin hro ta mahai; an khopuihai kha insiatin a oma, khanchu mi om ta mahaia, a luatu khom om ta mahai.

ZAKARIA 11:3

Roirêltuhai chu lungzîngin an khêk ta, an roiinpuina chu ar hmang tâk sikin. Kâmkeibaknei inrûm irhâihai chu irngai roi. Jordan dung irhôra an omna rampui chu insiat a ni tâk sikin.

ROIRÊLTUHAI 14:5

Khanchu, Samsona chu a nu le pa leh khan Timna-ah an zu fea, Timna-ah grep irhuan hi an zu tunga; khan irngai ta, kâmkeibaknei hrâtlai hin a hong inhrâm khumhaia.