JEREMIA 2:13 - PATHIAN LEKHABU IRTHIANG C.L. Bible (BSI)

¹³ Ki mihaiin sual inhni an sin tâka; keima hringna tuihnâr hi an ni mâk raka, tuikuang an choia, tuikuang tui reng irting thei ngai loi chu.

JEREMIA 2:13 ပူးပေါင်းရင်းမြစ်များ

2 RÊNGHAI 22:17

An ni rotsana, pathian dang kuanga thil an inhlana, an sintho dânhai hi ki ning a inmur a ni. Jerusalem chunga hin ki milung ir-al a ta, doi thei ta no ni. Rengpa’n a ti.

INPÂKNA HLAHAI 36:9

Hringna tuikhur chu ni kuanga om a nia: Ni vâra khan vâr la hmu kin ti.

THUHRILTU 1:14

Misa hnuaia sin thoa lei om tâk murdi chu ki lei hmu tâka; khanchu irngai ta, thil murdi chu chanlamboi le a korong irzûl ang chu a ni.

THUHRILTU 1:2

Chanlamboi, chanlamboi, thil tinrêng hi chanlamboi inzen a ni, thuhrilpu’n a ti.

THUHRILTU 12:8

Thuhriltu’n chu, “Chanlamboi, chanlamboi, thil tinrêng hi chanlamboi ving a ni,” a ti.

THUHRILTU 2:11

Khan, ki kutin sin a lei itho murdihai chu ki ena, kha thilhai thoa ki lei isôlnahai kha, irngai ta, khahai murdi kha chanlamboi le, milung sôlna vai a lei nia, misa hnuaia hin ite inlâpna rêng om ma.

THUHRILTU 2:21

Mi, vârna le inhriatna le theithiamnahai murdi leh sin a lei thoa, mi sintho viat loi kuanga ar chon hrangin a imâk pe hrang a ni. Hi khom hi chanlamboi le thil saloi tak a ni.

THUHRILTU 2:26

Ama lunginchuktu kuanga Pathian vârna, inhriatna chu a pêk ngaia. Khannisian mi sualhai chu Pathian lungdo sintuhai ta hrangin irchon an buk khômtirhai ngai. Hi khom hi chanlamboi chian a nia, thil korongboi chian a ni.

THUHRILTU 4:4

Khanchu, itho sika mihai hin hlochukna hrangin a sâna sin an itho; hi khom hi tualbômhai hnarsâna sika a nih ti kin hriat tâka; khannisian hi khom hi chanlamboi le a korong a ni.

ISAIA 1:3

Sehrâtin a chongpu an hriata, Sakuartungin a pu bu pêkna irkuang a inhriat angin, Israelhaiin chu inhre mahai, ki mihai hin inhre thei mahai.

ISAIA 1:4

O! nam tukullian, sualna sip, irchi saloihai, mi helâk loihaio! Rengpa nin mâksana. Israel mi irthianghai nin hnôlhaia, nin mâksanhai tâka.

ISAIA 12:3

Saninhringna tuikuang ata, râifân takin tui chôi roi,

ISAIA 5:13

Ki mihaiin an inhriat nuam no sikin, sala intâng ngêt an ti. An milianhai phîngchâmin thi an ta, mipui vântânghai khom tui inhrâlin thi an ti.

ISAIA 55:2

Khop liama om loi hrangin, nin sum nin inchêk ngaia! khopna ni loi hrangin nin irnak nin paia, ki thu hi irngai roi, thil sa tui zât murdi nin inuam tak nin fâk theina hrangin.

ISAIA 63:8

“Ki mihai an nia, ni huang viat no nihai,” Rengpa’n a ti. “An hrangin mi’ndamtu a chang tâka.

JEREMIA 1:16

Ki mihai chu pathian danghai kuang irbôlna inhlanin an ni huanga, millim an isiamhai chubai an mûka, thil sual an tho tâk sikin, anni chu dûk ki inthotirhai hrang a ni.

JEREMIA 14:3

Mi irchonghaiin an suakhai tui chôi hrangin an tîra, Tuikuang tiang an fea, khannisian tui hmu mahai, an tuibêlhai a rongin an hong ichôi nôk a ni. Inzak le beidongin an hmâi an thupa.

JEREMIA 15:6

Nangni’n nin ni hnôla, hnung nin ni isongsan a ni ta. Khasika khan ki bân ki’rzanga, ki kut ki insum a ni, Ki ningmur insua ki sôl tâk sikin.

JEREMIA 17:13

Rengpa, nangma chu Israelhai isabei tak ni nia; Nangma nang mâktuhai chu mualinphoi an ti. Rengpa hringna tuihnâr thar tak chu nang an mâk sikin. Pil kâra irhming irziak angin irhmang an ti.

JEREMIA 18:14

Lebanon lungpui irsânghai ivur boiin mo an om ngai?

JEREMIA 19:4

Mihaiin an mâksana, hi hmuna ram dang pathian chongpuina’n an hmang tâka, anni le an irchibulhai Judai rama rênghai khomin, an inhriat ngai loi pathianhai kuang mirimhoi an hâla, mi siat sin loihai thisenin ki hmun hi an insip zoi ta.

JEREMIA 2:11

Ama chu a tak lei ni khomsian, nam dangin chu an pathianhai thûl ngai mahai, ki mihaiin chu anni roiinpuia inomtirtu Pathian chu, anni ta hrang ite tho theiloi pathianhai khan an ithûl ngai a ni.

JEREMIA 2:17

Israel, Rengpa ni Pathianin lampuia nang ki hruai lai khan, ni ni mâksan sika khan, hi thil hi ni bingin ni lu chunga ni intungtir tâk a ni.

JEREMIA 2:26

Rengpa’n a ti, “Inru khan chel a fâka, hmâimôk a irlâk ngai angin nin rênghai le nin mi lianhai, nin ochaihai le nin deipuhai, Israel mipui nin rêngin nin hmâimôk a ti.

JEREMIA 4:22

Rengpa’n a tia, “Ki mihai chu an into ba bâka, An ni inhriat loi a ni. Nâipang into angin an oma; Inhriatthiamna nei mahai. Thil saloi tho chu an thei zapa, thil sa tho hrangin chu an hlosamna korong a ni,” tiin.

JEREMIA 5:26

Ki mihai laia mi sual an om; vatehai chel hranga lên pharhai angin ki mihai irdîpin an enhai ngai, an chângkama khit theina hrangin.

JEREMIA 5:31

deipuhai khan thu milak bana chu hril suak mahaia; ochaihai chu deipuhai thupêkin roi an rêla, ki mipuihai khomin an lôm lamtak a ni. Nikhua a hek tika chu itin mo an itho hrang tâk?” a tia.

EZEKIELA 14:5

Israel insûngkuahai chu an millim sika an ni irheisan tâk sikin an lungrîl tak ki man theina hrangin zuang sâmhai ki ti.

EZEKIELA 47:1

Khanchu, mihriam khan biakbuk lûtna khan a ni hruai nôka, khanchu irngai ro, tui chu a lûtna hnuai ata kha suakin biakbuk nghana tiang nisua tiang khan a luanga. Khan tuihai chu sim tiang panga biakbuk hnuai tiang ata kha sim tiang panga maichâm omna tiang khan a luanga.

MIKA 2:8

Khannisianlân, ki mihai kha atûn laia, râl angin an hong inding suak a ni: irdoi nuam loia lungthi taka chai irvâkhai ata an silkai songkol irfualhai an hlîk pea.

MIKA 6:3

Ki mihaio, nin chunga imo ki ti tak? I ang lamin mo nangni ki insôltir? Ni hong sêl u ta.

ZAKARIA 13:1

Khan Sipaihai Rengpa’n, “Kha zoro kha a hong tung tena chu, Davida irchi suanpâra mihai le Jerusalema mihai, an sualnahai le an millim biaknahai thâr irthiangna hrangin tuikuang inhong pe ni an ti.

JOHANA 4:10

Jisua’n a sâma, “Pathian thilpêk le ni kuang, ‘In hrang ni pe roh,’ tihtu hi inhre’n lân chu, a kuang ni inghi lem hrang a ni, ama’n chu tui hring nang a ipêk hrang a ni,” a tia.

JOHANA 4:11

Nupangnu khan, “Ka pu, kaisuana hrang ite lak nei mak chea, tuikuang a inthûk tia le te, kho taka mo tui hring ni inei?

JOHANA 4:14

Tukhom an kuanga ki ipêk hrang tui in ka chu an tui inhrâl nôk ta no ni. An kuang ki ipêk hrang chu an phîng sûnga tuihnâr hong chang a ta, kumtuang dênin kang ta no ni,” a tia.

JOHANA 7:37

Kût hnungkhôn taka, nikhua roiinpui taka khan Jisua a ngîra, hnukirhai inring takin a khêka, “Tukhom tuiinhrâl ka chu ki kuang hong sianlân, in ri se.

DÂN INHNINA 31:16

Rengpa khan Mosia kuang, ‘Irngai ta, ni pi le puhai kuang zâl lat hrang ni ni ta; hi mihai hin ni thi tika chu ni uiresan an ta, thu ki irthungpuihai kha tho’nchâi an ta, ni rotsan an ta; an va lêngna hranga lei om nam danghai pathian kha ni biaksan an ti.

2 PETERA toc2 2 PETERA 2:17

Kha kha tuikuang tui om loi le sûm phâivua’n a isêmpai ang an ni; khahai ta hrangin chu Pathianin hmun inthim inthûk tak kha a sia pehai ta.

THUPHUANG 21:6

Khan, ki kuang, “A’rzoi tâk! keima a maton tak le a hnungkhôn tak, a bul le a mong ki ni. Tuiinhrâlhaiin chu hringna tuikuang ata manboiin pe ki ti.

THUPHUANG 22:1

Khan, vântîrtôn khan hringna tui vadung krustal lung anga irtêk, Pathian le Belrate rêngtoihmun ata zuang luang kha a nin entira,

THUPHUANG 22:17

Khan, Irtha le moi khan, “Hong roh!” an tia. An hriat murdi’n, “Hong roh!” ti sa ngêt ri se. Tukhom a tuiinhrâl murdi chu hong roi; a nuam murdi’n hringna tui hi manboiin in ri se.

ROIRÊLTUHAI 10:13

Khan khomin, nin ni la’rheisana, pathian dang sin nin tho pea; khasikin, nangni saninzôk viat no ning.

1 SAMUELA 12:10

Khanchu Rengpa kha an koia, ‘Rengpa chu kin irheisana, Baal hai, Astarot hai kin lei biak tâk sikin kin lei itho’nsual tâk a ni; khannisian kin râlhai kut ata hi chu ni sansuak ro, nangma vai nang bê ta kin ti,’ an tia.