JEREMIA 19:8 - PATHIAN LEKHABU IRTHIANG C.L. Bible (BSI)

⁸ Hi khopui chunga hin siatna irkhêl tak intungtir ki ta, a theng irlôihaiin ar khêl ti an ti.

JEREMIA 19:8 ပူးပေါင်းရင်းမြစ်များ

1 RÊNGHAI 9:8

Hi tempil hi siat ving a ta, a hmupuhai dôrin a’rkhêl ti an ta, ‘Itho sikin mo Rengpa’n hi ram le tempil hi a isoisak’? ti an ti.

JEREMIA 18:16

Hi ram hi thil ichiomin an siama, irngaiinhlu loia om mai hrang angin. A theng irlôihaiin an thil hmu kha ar khêl ti an ti. Irngai irkhêlin an luhai khom notpol an ti.

JEREMIA 25:18

Jerusalem le Judai ram khopuihai chu, an rênghai le an hruaituhai leh khan ramchâr thil irkhêl inlaina an ni theina hrangin le mihaiin an irhming kha khomâksâmna hranga na hmang theina hrangin, atûn tena an la ihmang ngai ang hin annihai chu hi khilât ata lei in intirhai hi a ni.

JEREMIA 49:13

Keima ngeiin chong khomâk ki’rsâm tâk, Bozra khopui chu ena ichiom le ramchâr chang a ta, mihaiin nuiso an ta, ar hming chu khomâksâmna’n hmang an ti. Keima Rengpa’n ki iti a ni,” a tia.

JEREMIA 50:13

Ki ningmurna sikin Babulon-a tûte om ta no nihaia; inramin masan ni a ta, a theng inlôihaiin inlâiin an irngai irkhêl a ti.

EZEKIELA 27:36

Nang chu nir hmang tâka, kumkhontuanga irhmang chu ni ni ta; khanchu rammual pumpuia sum bepâr thohaiin ni itong ang kha tong kin ti, tiin a satêrenga chi le inthingin an om zoi tâka,” a tia.

LEVI DÂN 26:32

Nin ram inkoltir zit ki ta, a luatu nin râlhai khan, a’rkhêl ti tak tak an ti.

MIKA 6:16

Omria thu’nkunghai kha vong mai a nia, Ahaba sûngkua thiltho murdihai leh an inkungnahai khan nin ife a ni: khanchu hmun irama nangni ki isiam hrang a ni, a sûnga omhai hi nuiza siamna’n om an ta, khan, ki mihai irhming siatna kha pêl ni ti.

ZEFANIA 2:15

Hi hi khopui raifân thei tak, mâni ir-iam zoi thei tak, a lungrîla keima hi ki ni, ki chunga tûte om mahai, irti lungrîl kha a ni: Sahai riakna hmun hrangin, a ramin a’rkhêl bâk tâka na! A hong khêl murdi’n an dang inchek khum an ta, an kut irlek khum an ti.

DÂN INHNINA 28:37

Rengpa nangni indartirna rama khan a hmu ka kai khan nin chunga thil tung kha a’rkhêl ti an ta, nangni hnuaisia an ta, nuiza siamna’n nangni hmang an ti.

DÂN INHNINA 29:22

Sôttak hnunga chu, nin irchihai le nam danghai, ram hlatak taka omhai khan nin rama siatna le tuangna Rengpa intungtir chu hmu an ti;