JEREMIA 19:7 - PATHIAN LEKHABU IRTHIANG C.L. Bible (BSI)

⁷ Hi hmuna hin Judai ram le Jerusalema mihai thiltum chu chanlamboi inchang pehai ki ta, an râlhai chu zoina pêkin irdoina hmuna ithat ni an ti.

JEREMIA 19:7 ပူးပေါင်းရင်းမြစ်များ

2 RÊNGHAI 21:14

Ki mi, la thi zoi loihai khom hi hnôlhai ki ta, an râlhai kuta la pe ki ta, khanchu an nuam takin soisakhai an ti.

THUVÂRHAI 21:30

Mihriam vârnahai, inhriatnahai le thiamnahai hi Rengpa doina a niin chu chanlamboi a ni.

ISAIA 29:14

Hi mihai hin ki itûng loi lam takin, thilirkhêl danglam tak tho ki ta, an mi vârhai vârna hek a ta, an mi theithiamhai theina om ta no ni,” a tia.

ISAIA 8:10

Rot zoi tum unglân, hlochuk ual no ni. Nin nuam dôr ti khom unglân, ite ar fêna om no ni, kin Pathian kin kuanga a om sikin.

JEREMIA 15:2

Kho tiang mo an ipan hrang tia nang an irdonin chu, ki iti kha hril roh: Senkhat chu hripuia thi hrang an nia, khatak khan an ipan hrang chu a ni. Senkhat chu irdoinaa thi hrang an nia, kha kha an panna hrang chu a ni. Senkhat chu châma thi hrang an nia, kha kha an panna hrang chu a ni. Senkhat chu sala hruai hrang an ni.

JEREMIA 15:9

Nâi sari inthinu kha chu a’rzal tâka, intak takin a iom tâk a ni. Sûn vâr chu zân angin a om pea, mualinphoiin a bei an dongtir ok ta. A la dam sunhai khom nin râlhaiin nangni inthattirhai ki ti,” ti hi keima Rengpa iti a ni.

JEREMIA 16:4

Insîna ichiom tak sikin thi an ta, mi tukhomin châhai no nihai, tukhomin a phûm hrang om no nihai. An ruakhai chu sahrok angin irnênga om rak a ti. Irdoina hmuna a ni no le châmna sikin thi an ta, an ruakhai chu vâhai le ramsahai bu ni a ti.

JEREMIA 18:21

Khan atûn chu, Rengpa an nâihai chu phîngchâmin thihai sian, irdoi zoro’n that ni ri sehai. An dôngmahaiin an pasalhai leh an nâihai inchânhai sian; pasalhai chu hripuia thiin, an ruathartehai chu irtukna buala thi ri sehai.

JEREMIA 21:7

Khan nang chu ni mi lianhai le ni mipui irdoina hmun ata, châm le hripui ata dam suaka la omhai, nin rênga nangni that nuam rêng Nebukadnezara’n nangni that a ti. Mi tukhom khonzâna mo, lungkhamna mo, nin chunga inlangtirin nangni hôi viat no ni. Keima Rengpa hin ki iti a ni,” a tia.

JEREMIA 22:19

Sakuartung ruak hrê hrang ang taka hin, Ama chu kaitôlin om a ta, Jerusalem kul pên tianga paiin om a ti,” a tia.

JEREMIA 22:25

Nangma that tumtu ni ichi ngai mihai kuang nang ki ipêk hrang a ni. Babulon rêng Nebukadnezara le a sipaihai kuang nang inhlan ki ta,

JEREMIA 32:28

Hi khopui hi rêng Nebukadnezara le a sipaihai kuta ki ipêk hrang a nia,

JEREMIA 34:20

Anni chu a lei that nuam an râlhai kuta pe ki ta, an ruakhai chu vâhai le ramsahaiin fa an ti.

JEREMIA 46:26

Anni that tumtu Babulon rama rêng Nebukadnezara le a sipaihai kuta pe ki ti. Khan zoro la hong hranga chu, zoro fe tâka an lei itho anga khan, mihai Aigupta rama om nôk an ti. Keima Rengpa’n ki iti a ni,” a tia.

JEREMIA 7:33

Mithi ruakhai chu vatehai le sahai hrangin bu chang a ta, tûte annihai irzûl hrang om no ni.

JEREMIA 8:2

Khataka a sin an itho, an zonga, an zuia, chubai an imûk ngai misa, tha, le irvâna ârsi murdi kôla phoi inlang ni an ti. Lâkkhôma omin phûm khom ni no nia, irnêng insatir ngai sahrok irnênga om angin an ruhai chu om a ti.

JEREMIA 8:8

Itin mo vâr nin irtia, ki dânhai kin inhriata, tiin nin irbe thei? En roi, dânhai chu lekha irziaktu iamom loihai indanglama om an ni ta.

JEREMIA 8:9

Nin mi vârhai chu hmâimôk irsak an ni ta, lungzîngin an ir-ôk a ni ta, ki thuhai an hnôla, vârna nei ual an irtia.

CHAP HLA 3:37

Rengpa’n thu a pêk no’n chu, tu thu mo hlochuk ngai?

LEVI DÂN 26:17

Nangni irheisan ki ta, nangni khôkmâktuhai chu nin chunga roirêltuhai ni an ta, irzûl loi khomin intâ tânin om nin ti.

LEVI DÂN 26:25

Nin laia râl hong tîr ki ta, thuthung nin itho’nsiatna phuba nangni hong la an ti. Nin khopui kul sûnghaia nin irbîk khomin hri inlêngtir ki ta, râlhaiin hong la dên an ti.

ROM KHUAA MIHAI KUANGA TÎRTÔN PAULA LEKHATHON 3:31

Khano’nte, iamna ei insîr poimo sikin Dân chu ite ni loia ei isia ta tihna ma ni? Ni mak e. Dân chu ei ithop ual a ni.

ROM KHUAA MIHAI KUANGA TÎRTÔN PAULA LEKHATHON 4:14

Dan zôm hi irchon luatu nina ni sian, iamna hi a korong chian ni a ta, chonginkung khom ite ni ma tihna ni a ti.

1 SAMUELA 17:46

A vuan hin Rengpa’n nangma hi ki kuta a ni ipêk hrang a ni; nang that ki ta, ni lu nang tan pe hrang ki ni. Filistia sipaihai ruak chu a vuan hin chung tianga vâhai le ramsahai ki infâktir hrang a ni. Kha zoiin chu irnêng chunga mi murdihai hin Israelhai laia hin Pathian a om iti inhre suak ta an ti.