JEREMIA 19:15 - PATHIAN LEKHABU IRTHIANG C.L. Bible (BSI)

¹⁵ Itinrêng thothei Rengpa Israelhai Pathianin a iti a ni, “Hi khopui le a kôlvêla khuahai chunga dûk tuangna insum ki ta, ki ti kha a itung hrang a ni ta, nin tukul nin inliantira, ki itihai nin irngai no sikin,” tiin.

JEREMIA 19:15 ပူးပေါင်းရင်းမြစ်များ

JEREMIA 7:26

Aniachu, tukhomin irngaiin uksak nuam ngai mahaia. Kha nêkin nin tukul nin inliantir ual ngai, nin irchibulhai nêkin tehel nin ihrât ual a ni.

JEREMIA 17:23

An irchibulhai khan ki thu le’rngai mahaia, an lei irngaisak loi a ni. An tukul an inliantira; ki thupêk zômin mo, keima kuang irchu nuam mahai.

NEHEMIA 9:29

ni dâna ni hruai lûthai theina hrangin nir chutirhaia; khannisian lârirpâk takin sin an thoa, ni thupêkhai pom loiin ni roirêlna sêlin thilsual an thoa, an zôma hringpui nêkin an tukullianin irngai nuam mahai.

NEHEMIA 9:17

zôm khom zôm nuam mahai, an laia ni thil irkhêl thohai khom irngai nuam ta loiin; an tukullian songin, tehelzongin, an sal changna tianga kîr hrangin hruaitu an irthang ual a ni: khannisianlân, nang chu ngaidam hranga irsiam sai Pathian, mi lunginkham thei, Inrennaa sip, mi ingam, annihai khom irnghil nuamhai mak chea.

JEREMIA 5:3

A dik takin Rengpa’n iamomna hi a izong a ni. Nangni a vîka, khannisian ite bêin bê mak chêia. Tukullian nin nia, nin sual ata irlet nuam mak chêi.

JEREMIA 6:19

O irnêng irngai ro, hi mihai chunga hin siatna ki intung hrang a ni. Ki thu irngai mahaia, ki dânhai khom an hnôl sikin le an irngaituana sual sikin.

JEREMIA 11:17

Keima Rengpa itinrêng thothei hin Israel le Juda chu ki phuna; atûn chu vânduaina thilin ki iti a ni ta. Anni ngêtin an chunga an intungtir ta a ni, sual an sina, Baal kuang irbôlna inhlanin ki ning an inmurtir sikin,” a tia.

JEREMIA 19:3

Hiang hin insîr ro: ‘Juda rama rênghai le Jerusalem mipuihai, keima itinrêng thotheitu Rengpa Israelhai Pathianin hril hrang ki inei hi irngai roi. Hi hmuna hin vânduaina irkhêl tak ki hong intungtir hrang a ni, a thurchi len hriathaiin chu inlâi rak an ti.

JEREMIA 22:21

Nin sat lai takin Rengpa’n nangni a chongpuia, nikhomsianlân irngai nuam mak chêi! Kha kha nin dam sûnga nin itho ngai a nia; Rengpa thu ni izôm viat loi hrang tihna a ni.

JEREMIA 36:31

Nin sual sikin nangma le nir chihai, ni milianhai dûk nangni tho ki ti. Nangin mo, Jerusalem le Judai ram mihaiin nangni ki ihril uksak mak chêia, khasika khan nangni ki lei insîna ngai vânduaina irkhêl murdi nin chunga insum ki ti.

JEREMIA 11:11

Khasika khan keima Rengpa’n an chunga siatna zuan sum ki ta, zôk thei no nihai ti hi ki inhriattirhai a ni. Changpui hrangin an ni koi khomin irngai pehai no ning.

JEREMIA 13:11

Mi’n diar an ikai mai ngai ang khan, Israel in sûngkua le Juda in sûngkua murdi ki kuanga om mai hrangin le, nin pâka ni chôiirsâng hrangin ki’rfûktira, khan ki thu zôm nuam mahai,” a tia.

JEREMIA 18:11

Khasikin atûn hin Juda mihai le Jerusalema omhai kuang, anni doi hrangin thil ki’rsiama, dûk thohai hrangin ki irzoi diam ta a nih ti hril roh. Anni chu sual sintho hringnun hmang inhek hrangin hril ro, an lampuihai thûla an sinthohai mâkin.

JEREMIA 25:3

“Kum sômhni inthum sûng, Amona nâipa Josia, Judai rama an lal kum sômhleithumna irthokin a vuan sûn ten hin, Rengpa’n ki kuang thu an sîra, kha a iti kha nangni hril loiin om ngai ma ung. Kha kha nin iuksak loi ngai a ni.

JEREMIA 25:4

Rengpa’n a deipuhai a zuituhai a zuang tîrhai mai ngai khoma chu, irngaiin mo, nin iuksak nuam loi a ni.

JEREMIA 25:7

Khannisian Rengpa hê irngai mak chêi a tia. Nin millimhai sika khan a ning nin inmurtir pea, a dûk thôna chu nangni ngeiin nin chunga nin intungtir ngai a ni.

JEREMIA 25:8

“Khasikin a thu irngai nuam mak chêia, Rengpa itinrêng thotheiin a ti.

CHAP HLA 2:2

Rengpa’n ite indîn loiin, Judai ram khuahai chu an siatpaia, A ningmurin an irkulna banghai khom chim zoiin a om ta. An ram le an ulianhai khom a’rzaltirhai zoi ta.