JEREMIA 18:8 - PATHIAN LEKHABU IRTHIANG C.L. Bible (BSI)

⁸ kha namhai khan an sualna an irletin chu, an chunga thil saloi tho ki itum kha irlêk nôk ki ti.

JEREMIA 18:8 ပူးပေါင်းရင်းမြစ်များ

2 THURCHI SUINA 12:6

Reng le hruaituhaiin, “Thilsual kin itho a ni, Rengpa hin a tho indik a ni,” an tia.

INPÂKNA HLAHAI 106:45

A thuthung kha anni an hriat pehai maia, A lungkhamna irkhêl sikin an lungrîl a’rlet tâka.

INPÂKNA HLAHAI 135:14

Rengpa khan a mihai chu roirêl pe a ta, A suakhai chu lunginkham a ti.

INPÂKNA HLAHAI 90:13

O Rengpa, zuang kîr nôk ro; idôr ten mo ni ning ni inmurtir hrang? Ni siahlohai chung thua khan ni lungrîl irlêkin lân.

FESUAKNA 32:12

‘Tâng rama that irhmang hrang pialin ni mihai hi Aigupta ram ata ni ihruaisuak a ni,’ tiin Aigupta mihai khan itin moh an iti thei? ni ningmurna insum zâmin lân, ni milung inchong thûlin hi vânduaina irkhêl hi ni mihai chunga insum no roh.

FESUAKNA 32:14

Khasika khan kêng Rengpa’n a lungrîl an danglamtira, a mihai chunga vânduaina irkhêl intungtir hranga a lei ihril kha a irlêktir a ni.

JEREMIA 12:16

Ki mihai chu Baal irhming songin chonginkung an lei irchutir ngaia, khaang takin, ‘Rengpa mihring’ irhming songin chonginkung an irchu tika ki mihai omdân lan lang a ta, an laia kop sa an ti.

JEREMIA 15:6

Nangni’n nin ni hnôla, hnung nin ni isongsan a ni ta. Khasika khan ki bân ki’rzanga, ki kut ki insum a ni, Ki ningmur insua ki sôl tâk sikin.

JEREMIA 26:13

Nin omdân saloihai khan nin thûl ngêt hrang le nin thil thohai khom nin imâksan ngêt hrang a nanga, Rengpa nin Pathian thu nin izôm ngêt hrang a ni. Nin zômin chu hi khopui chunga vânduaina irkhêl tung hranga lunginchongna a inei kha indanglamtir nôk a ti.

JEREMIA 26:19

Khan rêng Hezekia le Judai ram mipuihai khan Mika kha that mahaia, Rengpa kha Hezekia a tih sikin, a nuam lam tho hrangin irnak a isong a ni. An chunga vânduaina irkhêl tak tung hranga lunginchong kha Rengpa’n a ithûlpai a ni. Atûn hin eini khomin ei chunga hin vânduaina ichiom tak ei intungtir hrang a ni ta,” an tia.

JEREMIA 26:3

Mipuihaiin an irngaia an omdân saloihai an mâk theina hrangin, an mâksan theiin chu an thil sual thohai sika khan an chunga vânduaina intung hranga ki irêl sai kha irlêktir pehai ki ti,” a tia.

JEREMIA 36:3

Juda mihaiin an chunga vânduaina irkhêl intungtir hranga ki thiltumhai inhriat pumin, an omdân saloihai an irlet thei duaiin; an irletin chu an tho’nchâina le an sualnahai inzahai ki ti,” a tia.

JEREMIA 42:10

‘Hi rama om mai nin nuamin chu, khaangin nangni siam loiin nangni san inding ki ta; nangni phôi loiin phunindet ki ti. Nin chunga siat ripna kin tungtir sikin, ki milung a ina a ni.

EZEKIELA 18:21

Khannisianlân, “Mi sualin a thil tho insual murdihai a mâksana, ki dân siamhai a poma, dân chu a zôma thil dik le sin sa a tho’n chu, hring ngêt a ti, thi no ni.

EZEKIELA 33:11

Khan an kuang khan Rengpa Pathian hring ki ini ang hin hiang hin ki iti a nih ti pehai roh. Mi sual thina hin lômna zel nei ma unga, kha nêkin chu a sual sinhai mâka, a ihring hi ki ilôm ual a ni. O Israel ni thilsual thohai kha ma ta ro: Itho sika thi ni inuam mai ma ni?

EZEKIELA 33:12

Khasikin atûn, o mihriam nâipa, Israel mihai kuang khan hiang hin hril ro: Mi fel kha sual a sina niin chu, a thil lei tho insahai khan saninzôk hliak ual no ni. Khan mi pualoiin a sintho pualoihai a mâksana ni’n chu, ama chu hremin om no nia, khan mi felin sual a sina ni’n chu, a hringna chu inzôk ni no ni.

EZEKIELA 33:13

Khan mi fel kuang hringna pe hrangin chonginkungna chu ki nei theia, khannisian tiana a sin sa lei thohai kha a ruk tôka inhriatin, sual a thoa ni’n chu, a sintho insahai kha inhre mai ta no ning, ama chu a sualna khan thi a ti.

EZEKIELA 33:14

Mi pualoi chu thi hrangin ki’rkôk theia, khannisian a sual sinhai mongin a dik le a fel a thoa ni’n chu,

HOSEA 11:8

O Efraima itin mo nang ki inthapai thei hrang? O Israel, itin mo nang ki intha thei hrang? Itin mo Adama angin nang ki isiam thei hrang? Itin mo Zeboim angin nang ki inomtir thei hrang? Ki sûnga ki milung a’rleta! ki lungkhamnahai kha a sêm irvâm lik tâka?

AMOSA 5:15

Sualna kha khôkmâk unglân, satna irngaiinhlu unglân, mikota roirêlna kha inding indet roi: Josefa-hai mi la omsunhai chunga khan Rengpa, sipaihai Pathian khan lungkhamna a inei loi ma ni.

JONA 4:2

Rengpa kuanga khan a chongchaia, “O Rengpa nang ki ngên, hi hi kin rama ki om laia ki insîr kha mo ni ma? Hi sika hin Tarsis tiang ki intânpat a ni kha te: nang chu lungkhamna sip, thil saloi tiang ata irheikîr ngai ni nih ti kin hriat.

DÂN INHNINA 32:36

Rengpa khan a mihai san a ta, a siahlohai dongtum siatzia hai, mi ngar khom ngar loi khom a thi ban tômzia a hmuin inren nôk a ti.

ROIRÊLTUHAI 2:18

Rengpa’n hruaituhai a pêkhaia, Rengpa’n kha hruaituhai kha a ompuihai ngai, an dam sûng chu an râlhai kut ata a saninzôk ngai; anni dengintheitirtu le opbetuhai sika an inrûm chu Rengpa’n an ren nôkhai ngai.