JEREMIA 18:23 - PATHIAN LEKHABU IRTHIANG C.L. Bible (BSI)

²³ A ni, Rengpa an ni inrûka thuphan dân hi nin hriat vinga. An tho’nchâina mo, an sualna chu ngaidam no roh. Ni ningmur lai takin anni chu intem takin paihai ta ro,” tiin.

JEREMIA 18:23 ပူးပေါင်းရင်းမြစ်များ

INPÂKNA HLAHAI 35:4

Ki hringna inboi tuma zongtuhai chu, mualinphoitira inzaktirin omhai sianlân: A nin siatna hrang irngaituatuhai chu, inrottirin chamai rakin om ri sehai.

ISAIA 2:9

Mi tinin an ibiak hrang a nia, ite tûng hrang dang nei loiin.

ROM KHUAA MIHAI KUANGA TÎRTÔN PAULA LEKHATHON 2:5

Ni tukullian le ni milung ngar sikin Pathian ningmurna nikhua, dik taka Pathianin roi a rêlna nikhua tika mani hremna bukkhôm chian ni ni.

LUKA 21:22

Pathian thubua irziak a hong tung indik theina hrangin, kha nikhuaa chu ‘Phuba lâk nihai,’ ni a ti.

JEREMIA 18:18

Khanchu mipuihai khan, “Jeremia chungthua hin i mani chu tho ei ti. Itiklai khomin ochaihai le irchu hrang, mi vârhai lungvâr ni sak hrang le deipuhai Pathian chongbe inpuang chu, an iom mai hrang a ni. Khasikin ama chu hrilinsiat ei ta, a thuhrilhai khom hi irngai pe no ih,” an tia.

JEREMIA 15:15

Khanchu keima’n, “Rengpa ni inhriat infel ving a ni. Nin hre maiin lân, ni changpui roh. A nin tuangtirhai chunga phuba ni la no’n lân; anni that theina hrangin an chunga ni milung pehai no roh. Nangma irhminga hal fâk ki nih ti inhre mai roh.

JEREMIA 11:23

Anathot mihai chunga vânduaina intungtir hrang zoro ki rêl diam ta, a zuang tung tena chu tûte a dam suak om no nihai,” a tia.

JEREMIA 8:12

Ki mihaio, hi thil porinchehai nin tho sikin nin inzak mo? a ni, ite inzak viat mak chêi; nin hmâi ten lua sen thei mah! Khasika khan mi dang an rîl tâkhai angin inrîl nin ta, dûk nangni ki tho ni tâka chu, nin mongna ni a ti, keima Rengpa’n ki iti a ni.

ISAIA 10:3

Ram hlatak ata siatna a hong tung zoro, thuan nôkna nikhuaa khan itin mo nin itho ta hrang? Tu kuang mo changpuina nin la izong hrang, khôn mo nin irchon nin isia ta hrang?

INPÂKNA HLAHAI 59:5

O Rengpa, sipaihai Pathian, Israelhai Pathian, Nangma ngei chu nam tinrêng hro hrangin thoiin lân: Mi vârirlet sual takhai rêng rêng chu lunginkham no roh.

INPÂKNA HLAHAI 119:126

Rengpa, ni ichâng hrang zoro a ni ta, Ni dân hi chanlamboiin an siam tâk sikin.

JEREMIA 6:15

hi thil intiromhai an tho sika khan an inzak ma ni? Inzak mahai; an zak dân lua an inhriat loi a ni. Khasik taka khan mi dang an rîl tâkhai angin inrîl an ta, dûk ki thohai ni taka chu an mongna ni a ti,” keima Rengpa’n ki iti a ni.

JEREMIA 6:21

Khasikin hi mihai hi masanhai ki ta, inrîl an ti. Pahai le nâipasalhai thi an ta, khaang ngêt khan sa pâl sahai le an tualbômhai khom,” tiin.

JEREMIA 7:20

Hi sika hin keima Rengpa Pathian hin ki ningmurna tak hi tempil chunga hin bun ki ti. Mihriamhai le sahai chunga ir-angnatin bun ki ta, thing le chîmuhai chunga khom; ki ningmur chu tûte’n an ithat thei loi, mei ang ni a ti.

JEREMIA 17:4

Ki ram nang pêk chu masan ni ta, ram ni la inhriat ngai loi hmuna ni râlhai sin thoin nangni siam ki ti. Ki ningmur chu mei ang a nia, a ikângpai hrang a ni,” a tia.

JEREMIA 26:8

Khaangin Rengpa’n hril hranga thu a ni ipêkhai ki tho zoiin chu an ni chela an khêka, “Hi sika hin that inruk ni ni!

JEREMIA 26:11

Khanchu ochaihai le deipuhai khan roirêltuhai le mipuihai kuang khan, “Hi mi hi thi inruk a ni, nin mikuara nin inhriat angin, hi khopui hi a isiat hrang a ni, tiin a inpuang a ni,” an tia.

JEREMIA 37:15

Ki chunga ningmur an lâka, ni vîk hrangin le a intângna ina an ihmang pe roirêl ziaktu Jonathana ina ni khum hrangin thupêk an insuaa.

JEREMIA 38:4

Khanchu mi lianhai kha rêng kuanga fe’n an ti pea, “Hi mi hi that ngêt hrang a ni. Hianga tong lai hin khopui sûnga sipaihai thâiindôpin an oma, khopuia la om, a tu chunga khom khaang khan a tho chita, mipuihai san tum loiin; anni that vai a ingaitua a ni,” an tia.

INPÂKNA HLAHAI 56:8

Nangin chu kin vâinahai hi ni’rsinsia ngaia: Ki mitrithihai hi ni savun koka khan thun ro; Ni lekhabua a ichuang intam mo ni ma?

JEREMIA 17:18

Deng nin theitirtuhai chunga mualphoina insumin lân, Rengpa keima chu ni la hôi roh. Chitna irkhêlin anni chu insipin lân, keima chu ichiomin ni siam no roh. An chunga vânduaina irkhêl intungin lân, thatpaihai ving roh.

CHAP HLA 3:60

Phuba lâk hrangin an irsiam chak lai khom ni hmu mai a ni.

CHAP HLA 3:61

Rengpa an ni ilô lamhai hi ni hmu maia, an ni ikhitphiar dânhai khom hi.