JEREMIA 18:15 - PATHIAN LEKHABU IRTHIANG C.L. Bible (BSI)

¹⁵ Ki mihaiin chu an ni’rnghila, millimhai kuang mirimhoi an ihâl a ni. An lampui fena hrang ata an pêta, lampui milui kha zui ta mahaia; lampui irdang loi an izui tâk a ni.

JEREMIA 18:15 ပူးပေါင်းရင်းမြစ်များ

JEREMIA 6:16

Rengpa’n a mihai kuang, “Lamsuamhaia ngîr unglân, hei thîr hi roi, tianlaia lampui dik omna irdonhai roi. Kha khan fe unglân, irtharngam takin lêng roi,” a tia.

HOSEA 11:2

Ki koi lia an ni hla liaa, Baalhai kuang an irbôl uala, Millim siam chophai kuang mirimhoi an ihâl a ni.

JEREMIA 2:32

Dôngmate’n a’rvônahai irnghilin, moiin mo, a’rneina tukrivo a irnghil thei hrang ma ni? Ki mihai rêkin chu tep zoi thei nêka sûn, a tam ual an irnghila.

ISAIA 57:14

Hiang hin a ti: Buk inpông roi, lamlian siamin irnêng inpôngtir roi, ki mihai fena hrang sât infâi roi.

MALAKIA 2:8

Nangni rêk chu lampui ata nin lei pêt taka; Dâna khan mi tamtak nin intûktira; Levia thuthung kha nin insiat a ni, Sipaihai Rengpa khan a ti.

JEREMIA 2:13

Ki mihaiin sual inhni an sin tâka; keima hringna tuihnâr hi an ni mâk raka, tuikuang an choia, tuikuang tui reng irting thei ngai loi chu.

JEREMIA 17:13

Rengpa, nangma chu Israelhai isabei tak ni nia; Nangma nang mâktuhai chu mualinphoi an ti. Rengpa hringna tuihnâr thar tak chu nang an mâk sikin. Pil kâra irhming irziak angin irhmang an ti.

JEREMIA 10:15

Hlutna nei loi hmûsit zât an nia, anni ngaitua hrangin Rengpa a zuang nî chu insiatin om ving an ti.

ISAIA 41:29

An rêngin ite hmang zât om mahai, Ite tho thei khom nei mahaia, an millim sorhai hi ite an ini loi a ni.

MATHAIA 15:6

a nu le a pa mahrip a itho hrang ni mah,’ nin ti ngaia. Khasikin, nin pi le pu thumâkhai nin zôm theina hrangin Pathian thupêk chu ite’n nin ibe ngai loi a ni.

HOSEA 2:13

Mirimhoi a hâl pe ngai Baal nikhuahai kha a chunga thuan ki ti, kha lai khan a bômzoihai le a irvônahai ar bela, ar ditpuihai a pana, keima a ni irnghil a nih ti hi Rengpa thu suak a ni.

JEREMIA 16:19

Rengpa, nang chu ni sûnghualtu le hrâtna ni petu ni nia, buaina ki tong zoro khomin ni ni changpui ngaia. Namhai chu kôlkila irthokin ni kuang an honga, an iti chu, “Kin irchibulhaiin pathian dik ni loihai ti no chu a dang ite nei mahai, hmanghmunboi millim ti no chu ite nei mahai.

JEREMIA 13:25

Hi hi ni dongtum ni hrangin a lei iti ving a ni ta. Ama nin irnghila, pathian dolhai nin irnghat tâk sikin, nin chunga intungtir hranga rêlinfel a ni ta.

JEREMIA 3:21

Tâng sîp ata irhâi inhriat a nia, Israelhai chap irhâi le an ni ingênna irhâi, sualnaa sip hringnun an hmanga, Rengpa an Pathian an irnghil tâk sika a ni.

ROM KHUAA MIHAI KUANGA TÎRTÔN PAULA LEKHATHON 14:21

Ni urêng tûkna hrang a niin chu hme hai, uain hai le thil tinrêng nghei a sa.

JEREMIA 19:5

An nâihai mei leh irbôlna hranga an inhlan theina hrangin, Baal ta hrangin maichâmhai an isiam a ni. Khahai tho hrangin thu ite pehai ma unga; ki lungrîla lua ki insâp phâk loi a ni.

ISAIA 62:10

Kho sûng ata hi fesuak unglân, ki mihai hongna hrang lampui siam hrangin, irthok ta roi. Nel inbit unglân, lamlian siamna hrangin nel inbit roi. Lunghai irthiang infâi unglân, mi tin mithmua irsinsiana puan târ roi.

ISAIA 9:16

An nam hruaituhai hin an hruai insualhaia, an ihruaihai khom an irhmang zoi tâk a ni.

ISAIA 3:12

Ki mihai hrungtu chu nâipang an nia, nupanghaiin an chunga roi an rêla; an ihruai irhmangtir a ni, fena hrang lampui inhre loiin, nin ibuai a ni ta.

JEREMIA 2:19

Ni sualna khan dûk nang tho a ta, hnung ni ni isongna khan thiam no changin om ni ta, Rengpa ni Pathian ni mâk raka, ki ta hranga iamom ni ini loi hrang hi, sual a ini lam le a satloina lan hre suak ni ti. Keima, Rengpa Pathian Itinrêng thothei hin ki iti tâk a ni.

ISAIA 65:7

An sualna chu, an irchihai sualna le a rêngin anni chunga thuanhai ki ti. Rengpa’n a ti. Tânghaia mirimhoi an hâl ngaia, mualhaia an ni hmusitna an inlangtir ngai; an sintho nuam ngai sikin hremna an chunga chum hrang chu ki zêk zoi ta,” tiin.

JEREMIA 7:9

Inrû nin thoa, tual nin thata, nin uirea, khomâkirsâmin minlak nin thoa, Baal kuang irbôlna nin inhlana, nin laia inhriat ngai loi pathianhai chubai nin mûk ngai.

JEREMIA 18:14

Lebanon lungpui irsânghai ivur boiin mo an om ngai?

JEREMIA 51:18

Hlutna nei loi an nia, hmusit zât an ni. Anni ngaitua hranga Rengpa a zuang tika chu, anni chu insiatchit ni an ti.

EZEKIELA 21:15

Ki mihai chu a’rzaltirhaia an irtet zoi tâk, irthatna khandai kôlirtêk anga irtêk lop lop hrang, kul mikot tina ki sia ta, mi thatna hranga irsiam diam a ni tâk.

EZEKIELA 36:15

Ram khan nam danghai nuisona thu inhre ta ngai no nia, mihai innuisan tong ta ngai no ni. Ram khan a nâi le tehai chu longindarh ta ngai no ni, Rengpa Pathianin a ti,” tiin.

HOSEA 2:6

Khasikin, irngai ta, ni lampui kha ilhlingin inpingtir ki ta, ama khâlin dâi khit ki ta, a lampuihai hmu no ni;

DÂN INHNINA 32:21

pathian ni loi an biak tika ki ningmur an kêlsuaa, an millimhai khan ki ning an inmurtira, Irchia tep kâi loihai hmangin ki ninginmurtir an ta, nam invêttak takhai khom hnarsa an ti.

NEHEMIA 9:17

zôm khom zôm nuam mahai, an laia ni thil irkhêl thohai khom irngai nuam ta loiin; an tukullian songin, tehelzongin, an sal changna tianga kîr hrangin hruaitu an irthang ual a ni: khannisianlân, nang chu ngaidam hranga irsiam sai Pathian, mi lunginkham thei, Inrennaa sip, mi ingam, annihai khom irnghil nuamhai mak chea.

JEREMIA 1:16

Ki mihai chu pathian danghai kuang irbôlna inhlanin an ni huanga, millim an isiamhai chubai an mûka, thil sual an tho tâk sikin, anni chu dûk ki inthotirhai hrang a ni.

JEREMIA 11:12

Judai ram khopuia mihai le Jerusalema lênghai khan, an pathian mirimhoi an inhlan pehai ngai irphuin changpuina zong an ta, khan an chunga siatna a zuan tung nî changpui thei no ni.

JEREMIA 11:13

Juda mihaiin khopuihai an inei dôr pathian khom an nei intama, Jerusalema omhai khomin intirom Baal pathian hranga irbôlna hrang maichâm, khopui kongkâr lamlian tam dôrin an isiam a ni.

JEREMIA 11:17

Keima Rengpa itinrêng thothei hin Israel le Juda chu ki phuna; atûn chu vânduaina thilin ki iti a ni ta. Anni ngêtin an chunga an intungtir ta a ni, sual an sina, Baal kuang irbôlna inhlanin ki ning an inmurtir sikin,” a tia.