JEREMIA 17:8 - PATHIAN LEKHABU IRTHIANG C.L. Bible (BSI)

⁸ Anni chu tuidung kôla thing mông, a’rzung tui nâi tianga om ang kha a ni. Boiruak lum a om khomin thi ngai ma, a hnâhai chu a hring maia; rotui a om no zoro khomin a milung kâng pe ngai maka, a ira mai ngai a ni.

JEREMIA 17:8 ပူးပေါင်းရင်းမြစ်များ

JOBA 29:19

Ki’rzunghai chu tuia inchiain, ki ônhaia irdôtui duiin zân sôt a om ngai.

JOBA 8:16

Misa suak mân chu a hringa, a tuaihai chu irhuan sûnga khan a hong zapa.

INPÂKNA HLAHAI 1:3

Anni chu vadung kôla thing phun, A zoro taka ra insua ngai, A hnâhai khom thêm ngailoi ang kha a ni, An sinna kipa hlochuk mai an ti.

THUVÂRHAI 11:28

Mâni irchon tûng ka chu sâla thinghnahai angin chil an ta, mi fel rêk chu fûr thinghna angin hong indôn a ti.

ISAIA 58:11

Rengpa’n nangni hruai mai a ta, misa lum hnuaia nin dangchâr chu hek a ti. Nin irzuk murdi nangni pe sa a ti. Nin taksahai nangni inhrâttir a ta, tui tamna hmuna irhuan angin le tuikuang kang ngai loi angin ni nin ti.

ISAIA 61:3

Zion khua beidonghai inthâi hrang le an beidongnahai ata inhartirhai hrangin, porche taka om inhartirhai nôkna hrangin, a lei ngûi tâkhai inpâkna hla insaktirhai nôk hrangin tîr ki ni. Rengpa’n ama chôiindôm hranga a iphun thing inditom taka an nih ti thu hril hranga ki ni.

JEREMIA 39:18

Nang inzôktir ki ta, thatin om no chi ni. Ni ni iam ngit sikin ni hringna inzôk ni ti. Keima Rengpa’n ki iti a ni,” tiin.

EZEKIELA 31:3

Lebanon Sidar thing ang ni nia, ôn irbuk le enhoi tak nei, sûm tôn phâk raka thingkung ang chu ni ni.

EZEKIELA 47:12

Khanchu tuidung hi tiang le so tianga ivakamhai khan bua ngam hrangin thingkung chi tinrênghai mông a ta, a hnâhai chu itiklai khom thêm no nia, ra insua loiin om no nihai. A tha tin ra thar nei mai an ti. Biakbuk ata tui zuang luangsuak khan an fâhai sikin. Thingkunghai khan fâk hrang insua an ta, an hnâhai chu mihai damna hrangin hmang ni a ti,” a tia.