JEREMIA 17:4 - PATHIAN LEKHABU IRTHIANG C.L. Bible (BSI)

⁴ Ki ram nang pêk chu masan ni ta, ram ni la inhriat ngai loi hmuna ni râlhai sin thoin nangni siam ki ti. Ki ningmur chu mei ang a nia, a ikângpai hrang a ni,” a tia.

JEREMIA 17:4 ပူးပေါင်းရင်းမြစ်များ

1 RÊNGHAI 9:7

ki mi Israelhai chu an ni lua hrang ram ki ipêkhai rengata inhnothai ki ti. Hi tempil nin ni biakna hrang hmun hranga ki inhlan irthiang sai khom hi rotsan ki ti. Rammuala nam tinhaiin Israelhai chu êsêlin innuisan ni an ti.

2 RÊNGHAI 25:21

Reng a vîkhaia, a lei that polhaia. Khaang khan an rama suaka hruai an ni ta.

NEHEMIA 9:28

Khannisian râl irvei loiin an om zoiin, ni mithmua thil saloi an tho nôka; khasikin an râlhai kuta ni pêkhaia, khanchu an chunga thu an neia; an kîra nang an koi lai khan, irvân ata ni len hriata, voi iza ni phûkdâi sikin ni sansuakhaia;

ISAIA 14:3

Khanchu, ni beidongna irthokin, sin intak inthotirnahai ata, Rengpa’n a’rngamtirhai nikhuaa chu hiang hih la ni a ti.

ISAIA 30:33

Assuria rêng hâlna hrang meipui irsiam sai a ni tâka, thing tamtak an thîn sa maia, a kâng hrangin Rengpa’n mei le kât ir-al tui angin zuan luangtir a ti.

ISAIA 5:25

Khasika khan a nih Rengpa ningmurna chu mihai chunga a zuang itung a ni. A kut irlekin a vîkhaia. Khanchu tânghai hi inhnîng a ta, mithi ruak chu sahrok angin, kholaidunga irthek rumin, kha dôr khom khan a ningmurna hek ual maka, a kut a la thâk maia.

ISAIA 50:11

Khannisian, mâni meiser inchoka, ir-al thei chôihaio, nin thal irling thei vâra khan fe ngân roi ba, Rengpa kut ata nin idong hrang chu, intak tuanga nin ithal dôr dôr hrang a ni.

ISAIA 66:24

An suak tiang chu keima ni doia tehelzong ngaihai ruak kha hmu an ta, a thua irlung omhai chu thi zoi zât ni no ni, a kâng hrang mei khom chuai no ni, mi murdi’n intirom ti ok an ti.

JEREMIA 12:7

Rengpa’n a ti, “Israel ki mâksan rak tâka, ki nam inthang ki imâk tâk a ni. Lung ki ithunghai chu an râlhai kuta ki ipêk tâk a ni.

JEREMIA 15:14

An la inhriat viat ngai loina rama an râlhai sin inthotirhai ki ti. Ki ningmur chu mei anga a nia, a ichok mai hrang a ni sikin,” a tia.

JEREMIA 16:13

Khasikin nangni le nin pahai inhriat loina rama nangni irzûl inlût ki ta; kha khan a sûn a zânin pathian danghai sin tho nin ti, khonzâna zel nin chunga inlangtir ta no ning,’ ” tiin.

JEREMIA 18:23

A ni, Rengpa an ni inrûka thuphan dân hi nin hriat vinga. An tho’nchâina mo, an sualna chu ngaidam no roh. Ni ningmur lai takin anni chu intem takin paihai ta ro,” tiin.

JEREMIA 2:14

Israel chu suak ni maka; suala irzir khom ni mah. Anino’nte itho mo râlhai kuttum a ituang tâk?

JEREMIA 22:28

Khan keiin, “Reng Jehoiakina hi bêl koi, dêngzuanpaia om, mihai indit ta loi ang hi a ini tâk ma ni? Hi sik taka hin ram an la inhriat ngai loina hmuna ama le a nâihai chu salin an intâng a ni ta,” ki tia.

JEREMIA 5:19

Jeremia, i lo hranga hihai hi ki itho mo a inih tiin nang an irdonin chu, hnung an ni songsana, ram dang pathianhai an ram sûng ngêta an itho ang khan an ram ni loia khan ram dang mihai sin an itho hrang a ni,” tiin anni chu hrilhai roh.

JEREMIA 5:29

Khaangin hi thilhai sika hin anni chu intuangtirhai ki ta, hi nam chunga hin phuba ki ilâk hrang a ni.

JEREMIA 7:20

Hi sika hin keima Rengpa Pathian hin ki ningmurna tak hi tempil chunga hin bun ki ti. Mihriamhai le sahai chunga ir-angnatin bun ki ta, thing le chîmuhai chunga khom; ki ningmur chu tûte’n an ithat thei loi, mei ang ni a ti.

CHAP HLA 1:12

Khualinzin chaiirvâkhai kuang khan, Ni en roi, tukhom keima anga tuang hi la om ngai mahai. Rengpa ningmurna nikhua a tunga, ki itong a ni ta hi:

CHAP HLA 5:2

Kin irchonhai khom nam danghai laia pêk a ni zoi ta. Kin inhai khom hmêl hriatloi kuta omin.

EZEKIELA 21:31

Ni chunga ki ninginmurna insum ki ta, ki ninginthikna mei chu ni chunga sêm inchok ki ta, mi nunsiat tak, mi that thei tak kuta nang inmantir ki ti.

EZEKIELA 7:24

Khasikin, nam dang sual tak takhai hong hruai lût ki ta; an in le loihai la pehai an ta; an hrâtna an irsongpui chu inboipai ki ta, an hmun irthianghai chu porinchein om a ti.

DÂN INHNINA 28:25

Rengpa khan nin râlhai kha inhnêtu ualin nangni inchangtir a ta, lam inkhata fe’n doi nin ta, kil tin panin rot nin ta, indarh nin ti. Rammuala mi murdi’n nin chunga thil tung kha a’rkhêl ti an ti.