JEREMIA 17:24 - PATHIAN LEKHABU IRTHIANG C.L. Bible (BSI)

²⁴ “Hi mihai hin ki thupêkhai chu an izôm ngêt hrang a nih ti hril roh. Sabat nî chu dâi mikot palin puak ite a sûng tiang an hong ichôi inlût hrang ni mah. Sabat nî chu sûn irthiangin ser an ta, sin ite an izong hrang ni ma.

JEREMIA 17:24 ပူးပေါင်းရင်းမြစ်များ

FESUAKNA 15:26

“Rengpa ni Pathian hnuk irhâi kha ngûk takin irngaiin lân, a mit hmua a sa a iti murdi ni sina, ni pomin chu Aigupta mihai chunga hri ki inlêngtir ang khan ni chunga inlêngtir no ning. Keima hi Rengpa nang an damtirtu ki ni,” a tia.

FESUAKNA 20:8

Sabat nî chu ni iser hrang a nih ti inhre mai roh.

ISAIA 21:7

Sakor chungchuang a bopa honghai chu, sakuartunga chuanghai, satakin enhai roh.”

ISAIA 55:2

Khop liama om loi hrangin, nin sum nin inchêk ngaia! khopna ni loi hrangin nin irnak nin paia, ki thu hi irngai roi, thil sa tui zât murdi nin inuam tak nin fâk theina hrangin.

EZEKIELA 20:20

Ki Sabat nîhai irthiang takin ser unglân, khanchu, kei le nangni kongkâra irsinsiana ni a ta, nin Pathian, Rengpa chu ki nih ti inhresuak ta nin ti,’ ki tia.

ZAKARIA 6:15

Khan Rengpa tempil chu hmun hlataka mihai chu hongin sinpuihai an ti. Khan indingtharin a om nôk tena chu, Sipaihai Rengpa’n nin kuanga a ni zuang itîr a nih ti inhre ta nin ti. Hi thil hi Rengpa nin Pathian thupêkhai chu nin zôm vinga ni’n chu, la tung a ti.

DÂN INHNINA 11:13

Khanchu, a vuana nangni ki ihril thupêkhai hi zôm roi, Rengpa nin Pathian hi lungthung unglân, a sate’n a sin tho roi.

DÂN INHNINA 11:22

A thupêk nangni ki ihril murdi hi zôm unglân, tho ngai roi. Rengpa nin Pathian kha lungthung unglân, a nuamlam angin om unglân, ama kha chel khak roi.