JEREMIA 17:22 - PATHIAN LEKHABU IRTHIANG C.L. Bible (BSI)

²² an in sûngkua ata mo, Sabat ni chu thil an ichôi hrang ni ma, nikhua irthiangin an iser hrang a ni, an irchibulhai kuanga ki thupêk angin.

JEREMIA 17:22 ပူးပေါင်းရင်းမြစ်များ

NEHEMIA 13:15

Kha laia khan Judai rama irngam nia uain tui sinhai, bumût hong pêl hai, grep, theipui le puakrikhai inpêltir hranga sakuartunga an isiam lai ki hmua, annihai kha irngam nî sûn Jerusalema an hong tungpuia, khan fâk hrang zuar mihai khan a dik loizia kin hriattira.

FESUAKNA 23:12

Sûn rûk sûng sin zongin lân, sûn sari nî sûn chu sintho no ro, khanchu ni suakhai le ni sintho ram dang mihai le ni ram khomin irngam zoro an inei hrang a ni.

ISAIA 58:13

Ki sûn irthiang sabat nin ser nôka, nin inhoina hai, nin mâksana, Rengpa sûn sabat hi nin inhlua, sintho hrangin fe mak chêia, mâni nuam lam irzûla nin tho mai mainahai, hmang viat loia nin chôiindômin chu,

JEREMIA 17:24

“Hi mihai hin ki thupêkhai chu an izôm ngêt hrang a nih ti hril roh. Sabat nî chu dâi mikot palin puak ite a sûng tiang an hong ichôi inlût hrang ni mah. Sabat nî chu sûn irthiangin ser an ta, sin ite an izong hrang ni ma.

EZEKIELA 20:12

Kei le anni kongkâra irsinsiana hrangin Sabat nî khom ki siama, kei hi Rengpa an ni ser bîkpu ki nih ti an inhriat theina hrangin.

EZEKIELA 22:8

Hmun irthianghai mahrip tho mak chêia, Sabat sûn khom vong indik mak chêi.

LEVI DÂN 19:3

Mâni nu le pa mahrip nin itho seng hrang a ni, ki thupêk angin ki sabat nikhua nin iser hrang a ni, Rengpa nin Pathian ki ni.

LEVI DÂN 23:3

Sûn ruk sûng sin tho nin ta, a sûn sari niin chu sabat a nia, nin irngam hrang a ni. Sin tho loiin Pathian chubai mûkin nin inkhôm hrang a ni. Sabat nî hi Rengpa dongtum a ni, nin omna kipa nin iser hrang a ni.

ZAKARIA 1:4

Deipu masahaiin, sipaihai Rengpa khan, nin om hrang dân suala atûn hong irhei unglân, nin thilsual kha chu hong irheisan roi, a ti e, tia nin pahai an hril khoma irngaitua loia, mikuar sung loi ang khan om no roi, ti hi Rengpa thu suak a ni.

LUKA 23:56

Khan, an kîra, mirimhoihai le sahriak mirimhoihai an irfûka. Khan, Dân thupêk angin Sabat nî chu an irngama.

LUKA 6:5

An kuang, “Mihriam Nâipa hi Sabat nikhua Rengpa a ni,” a ti pehaia.

THUPHUANG 1:10

Rengpa nia khan Irtha Irthiangin a ni pôla; khanchu ki hnunga irhai bekul anga inringin,