JEREMIA 17:18 - PATHIAN LEKHABU IRTHIANG C.L. Bible (BSI)

¹⁸ Deng nin theitirtuhai chunga mualphoina insumin lân, Rengpa keima chu ni la hôi roh. Chitna irkhêlin anni chu insipin lân, keima chu ichiomin ni siam no roh. An chunga vânduaina irkhêl intungin lân, thatpaihai ving roh.

JEREMIA 17:18 ပူးပေါင်းရင်းမြစ်များ

JOBA 16:14

Siatna chunga siatna’n a nin siattira, mi huaisen angin ki chunga a hong pûta.

INPÂKNA HLAHAI 35:4

Ki hringna inboi tuma zongtuhai chu, mualinphoitira inzaktirin omhai sianlân: A nin siatna hrang irngaituatuhai chu, inrottirin chamai rakin om ri sehai.

INPÂKNA HLAHAI 35:8

A’rtûng no kârin siatna a chunga tung sianlân; Inrûka a lên lei dâpa ngei khan ama ngei in-ôk sianlân: kha khan tâk siat ri se.

INPÂKNA HLAHAI 40:14

Ki hringna inboi tuma zongtuhai chu mualphoi tak le inzak takin omhai sianlân; Ki siatna chunga lômhai chu irhei kîrtirin inzakin om ri sehai.

INPÂKNA HLAHAI 70:2

Ki hringna inboi tuma zongtuhai chu, mualinphoi tak le inzak takin omhai sian; ki siatna chunga lômhai chu irzûlpaiin inzakin om ri sehai.

INPÂKNA HLAHAI 71:1

O Rengpa, nangmaa khan ki iamna ki’rnghat ngaia: Itika khom mualinphoiin nin om tir no ro.

JEREMIA 1:17

Irsiam ro, Jeremia; fe’n lân, hril hranga nang ki itihai kha hrilhai roh. Atûn hin anni chu chihai no ro, khano’nchu an makunga thâidôpin nang ki isiam hrang kêng.

JEREMIA 11:20

Khanchu ki chongchaia, “Itinrêng thothei Rengpa’n nang chu roirêltu fel ni nia, mihai irngaituana le nuamnahai ni fia ngaia. Ki chungchâng thu hi ni kuta ki bâng, khaangin ki mihai chunga phuba ni lâkin chu nir hmu ro,” ki tia.

JEREMIA 12:3

Rengpa nangma’n kei chu ni nin hriata, ki sin ni hmua, lung nang ki thungzia ngei khom hi mi pualoihai hi belra that hrang angin hruaipaiin lân. A that hrang zoro a phâk mân ama chu hrungin lân.

JEREMIA 14:17

Khanchu Rengpa’n ki chardongna chu mipuihai kuanga hianga hril hrang hin a ni hrila: “A sûn a zânin ki mitrithi luang mai sianlân, ki chap hi mong no inlân, ki mihaiin intakna popliam an tong tâka an na hrai tâk sikin.

JEREMIA 16:18

Ki ram chu millim pathian hringna boi le pathian dik loi porchein an siam sikin, an sualnahai le pualoinahai sika khan a bâk inhniin thuanhai ki ti,” a tia.

JEREMIA 17:13

Rengpa, nangma chu Israelhai isabei tak ni nia; Nangma nang mâktuhai chu mualinphoi an ti. Rengpa hringna tuihnâr thar tak chu nang an mâk sikin. Pil kâra irhming irziak angin irhmang an ti.

JEREMIA 17:16

Khan khomin Rengpa an chunga vânduaina irkhêl intung hrangin nang lei ngên ngai ma unga, an ta hranga vânduaina zoro a iom hi ki inuam ni mah. Rengpa, hi hi nin hriata, ki iti kha ni inhriat a ni.

JEREMIA 17:19

Khan Rengpa’n, “Jeremia, fe’n lân kul dâi mikot dettak chu, Juda rênghai lûtna le an suakna ngaia khan va ngîrin lân, Jerusalem lûtna mikot danghai khom khan ngîr thiaiin lân, ki mihai kuang ki chongbe inpuang roh.

JEREMIA 20:11

Khannisian Rengpa, nangma hrâtna le sinthotheina chu keima tiang ni kopa, deng nin theitirtuhai chu inrîl an ti. Hlo an chuk thei no sikin mualinphoiin om thal an ti. An mualinphoina chu irnghil ni ta no ni.

DÂN INHNINA 33:11

O Rengpa a ineihai kha satvurin lân, a thilthohai lei lôm roh. A râlhai kha an irnak sâtpaiin lân, a khôkmâktuhai kha ngîr suak no ri sehai,” a tia.

THUPHUANG 18:6

Nin chunga a itho angin a chunga tho unglân, A sinthohai murdi a bâk inhniin thuan unglân, Zu nangni a irfûk pe hranga bâk hnia hrâtin a khilât insip pe roi.