JEREMIA 16:6 - PATHIAN LEKHABU IRTHIANG C.L. Bible (BSI)

⁶ Irchong le inriang, hi rama hin thi an ta, tûte’n phûmin châ no nihai. Mi tukhomin a ichâ a nih ti irdangna’n a taksa inphopin a lu khom ep inkol no nihai.

JEREMIA 16:6 ပူးပေါင်းရင်းမြစ်များ

2 THURCHI SUINA 36:17

Rengpa’n anni soisak hrangin Babulon rêng a hong hruaia, rêngin Judai rama ruathartehai chu tempil sûnga khom a that phiarhaia. Ulian le nâipang lêk loiin, nupang pasal, hrisêl le sêl loi dênin ite inrenna boiin. Pathianin a kuta a ipêk ving a ni.

ISAIA 22:12

Kha ni khan chu, Rengpa itinrêng Rengpa chapa khêk hrang le lu ep inkola, bora puan sil hranga titu khan;

ISAIA 24:2

A sûnga omhai hi kai thekpai ving a ti. Mi papai le deipu, siahlo le a pu, siahlonu le a pi, ar chôktu le a zuartu, an pûktirtu le a pûktu, an tângtirtu le an tângtu, an tuang tum chu irang ving a ti.

JEREMIA 13:13

hiang hin hrilhai ro, hi hi Rengpa iti chu a ni. Hi rama rêng Davida rêngtoihmun luatu rênghai, ochaihai, deipuhai le Jerusalema om murdihai an inrui mâka uain ki in intirhai hrang a ni.

JEREMIA 16:4

Insîna ichiom tak sikin thi an ta, mi tukhomin châhai no nihai, tukhomin a phûm hrang om no nihai. An ruakhai chu sahrok angin irnênga om rak a ti. Irdoina hmuna a ni no le châmna sikin thi an ta, an ruakhai chu vâhai le ramsahai bu ni a ti.

JEREMIA 41:5

mi sômriat Sekem, Silo le Samaria irthokin an honga. An hnerkamulhai an voi vinga, an puanhai inpotthêrin an taksahai an ât inphopa. Tempila inhlan hrangin bai le mirimhoi an hong chôia.

JEREMIA 47:5

Gaza mihai hrangin ngaisiatna irkhêl a hong tunga, Askelon mihai chu an inthim ngeng tâk. Phâizôla a la dam sunhaio, idôr ten mo nin la ichûl hrang?

JEREMIA 48:37

An rêngin an lu an ep inkola, an hnerkamulhai an paia, an rêngin an kut an âta, mi tinin bora puan an sil tâka.

JEREMIA 7:29

“Châ roi, O Jerusalem mipuihai, Nin sam ep inkol unglân pâi roi; Tâng sîphaia mithi chûl hla sak roi. Keima Rengpa chu ki ning an mura, ki mihai ki hnôl tâk sikin.

JEREMIA 8:2

Khataka a sin an itho, an zonga, an zuia, chubai an imûk ngai misa, tha, le irvâna ârsi murdi kôla phoi inlang ni an ti. Lâkkhôma omin phûm khom ni no nia, irnêng insatir ngai sahrok irnênga om angin an ruhai chu om a ti.

LEVI DÂN 19:27

Nin michal ata a vêlin nin sam voi inkol mani, hnerkamul voihai mani nin itho hrang ni ma.

LEVI DÂN 19:28

Mithi sûn sikin nin taksa rêng rêng khom nin irziak inchialhai, ir-âtkhok mani uar no roi. Kei hi Rengpa nin Pathian kha ki ni.

AMOSA 6:11

Irngai u ta, Rengpa khan thu a pêka; khan, in lian kha chim rem rum a ta, in chîn khom kha kak phet phut a ti.

MATHAIA 9:23

Khanchu, Jisua kha hruaitu ina a lûta, theihle tumhai le mipui irse mur mur a va hmu’n chu, an kuang,

DÂN INHNINA 14:1

Rengpa nin Pathian mihai nin nia, khasikin, mithi nin sûnin ir-ât phop no unglân, nin michal sam epinkol sa no roi.

THUPHUANG 20:12

Khanchu, mithihai, a lian a chînin, rêngtoihmun makunga ngîr ki hmua. Lekhabuhai an phara, lekhabu dang hringna lekhabu khom kha ar phar saa. Khanchu, mithihai kha an sintho seng lekhabua chuang ang takin roirêl pêkin an om ta.

THUPHUANG 6:15

Khanchu, irnênga rênghai, roirêltuhai, sipai uliantakhai, irchonghai, mi lianhai, mi tinhai, suakhai le suak ni loihai murdi kha pûkhaia le tânga lungpuihaia an irbîka.