JEREMIA 16:4 - PATHIAN LEKHABU IRTHIANG C.L. Bible (BSI)

⁴ Insîna ichiom tak sikin thi an ta, mi tukhomin châhai no nihai, tukhomin a phûm hrang om no nihai. An ruakhai chu sahrok angin irnênga om rak a ti. Irdoina hmuna a ni no le châmna sikin thi an ta, an ruakhai chu vâhai le ramsahai bu ni a ti.

JEREMIA 16:4 ပူးပေါင်းရင်းမြစ်များ

2 RÊNGHAI 9:10

Jezebeli chu Jezreel-a uihaiin a hme fa an ta; tûte a phûm hrang om loiin,” a tia. Inkhâr kha an honga, a suakpat tâka.

INPÂKNA HLAHAI 78:64

An Ochaihai kha khandaia intûktirin an oma; An meithâihai kha chap viat viat mahai.

INPÂKNA HLAHAI 83:10

Kha mihai kha Endor khuaa an irhmanga; Irnêng hrangin hri ang dên an hong ni tâk kha.

ISAIA 18:6

An ruakhai chu ramkâra, irmu le ramsahai fâk hrangin masan an ti; kholum laiin irmuhaiin fahai an ta, phalbi tiang chu ramsahaiin fahai an ti.

ISAIA 5:25

Khasika khan a nih Rengpa ningmurna chu mihai chunga a zuang itung a ni. A kut irlekin a vîkhaia. Khanchu tânghai hi inhnîng a ta, mithi ruak chu sahrok angin, kholaidunga irthek rumin, kha dôr khom khan a ningmurna hek ual maka, a kut a la thâk maia.

JEREMIA 19:7

Hi hmuna hin Judai ram le Jerusalema mihai thiltum chu chanlamboi inchang pehai ki ta, an râlhai chu zoina pêkin irdoina hmuna ithat ni an ti.

JEREMIA 21:6

Hi khopuia om mihriam le thilhring le sahai khom thathai ki ta, hripui irkhêl takin thi an ti.

JEREMIA 25:33

Kha nikhuaa khan chu Rengpa’n a ithathai ruak chu irnêng kil khat tianga irthokin kil dang tiang dênin irthek chit an ti. Tukhomin annihai kha a châ hrang om no nihaia; phûm hrang khomin chôi ni no nihai. Irnêng chunga khan sahrok sahrâi angin om rak an ti.

JEREMIA 34:17

Khasikin atûn hin ki thu zôm mak chêi, keima Rengpa’n ki iti a ni; nin irchi Israelhai zalênna nin ipêk loi a ni. A sa hiang hin zalênna nangni pe ki ti. Khandai, hri le hrâi, châma thi hrang zalênna chu, nin chunga ki sinthôna khan rammuala nam tinhai ichiin om ki ti.

JEREMIA 34:20

Anni chu a lei that nuam an râlhai kuta pe ki ta, an ruakhai chu vâhai le ramsahaiin fa an ti.

JEREMIA 36:30

Khasikin atûn nang rêng Jehoiakima kuang, keima Rengpa’n ki iti a ni: ni irchi ata khom Davida rêng rama hin roirêl no ni. Ni ruak chu sûn misa le zân dâi tuangna hrang hmuna ipai ni a ti.

JEREMIA 44:12

Juda mi a la dam sunhai Aigupta rama fea om tumhai kai chu, an irhmang ving ti ki ieninfel hrang a ni. An rêngin a chîn a lian Aigupta rama, khandaiin aninole châmin mani thi an ti. Enintak tak ni an ta, mihaiin hmusithaiin intuangtirhai an ta, an irhminghai khomâksâmna’n hmang an ti.

JEREMIA 44:27

Vângsak loia nin tei chitna ni hrangin ki irngaitua hrang a ni. Inkhatte lua hôi loiin nin om mâka chu, khandaiin aninole hri le hrâiin nin ithi ving hrang a ni.

JEREMIA 7:33

Mithi ruakhai chu vatehai le sahai hrangin bu chang a ta, tûte annihai irzûl hrang om no ni.

JEREMIA 9:22

Loi laia seêk pông angin, mithi ruakhai chu hmun tina a irthek zen zun a ni ta, Bu ât sai, a âttuhaiin an imâk, bu tukhomin an irtik bûm loi ang hin, hi hi Rengpa’n inpuang hranga a ni iti chu a ni.

CHAP HLA 4:9

Fâk hrang hmu zoi loi, irzuk ngôi ngôiin phîngchâma thi nêkin chu, khandaia that hoi ual a ti.

EZEKIELA 24:21

Hi thu hi nangni Israel mihai kuang hril hrangin a ni zuang hrila, biakbuk hrâtna chu nin irsorpui oka, a en nin nuama, kha khan nin fe nuam ngai. Khannisian Rengpa’n porinchetir hrang a ni ta. Khanchu nin nâipasalhai le nupanghai Jerusalema mâksana omhai kha khandaiin thi an ti.

EZEKIELA 5:12

Hmun thuma sena hmun khat chu hriin mani, châmin mani, nin laia mi thi an ta; hmun thuma sena hmun khat chu ni vêla khandaiin thi an ti; hmun thuma sena hmun khat dang chu thekindarhai zit ki ti, khandaiin irzûlhai thiai ki ti.

ZEFANIA 1:17

Khan, mihriamhai chunga intakna zuang intung ki ta, Mitcho ang dênin fe an ta, Rengpa chunga an sual sikin; an thisen kha vâiphin angin bunpai ki ta, An taksahai khom êkvûng ang dênin.

DÂN INHNINA 28:22

Rengpa’n hri nangni irveitir a ta, inkhurpuihai irvei nin ta, invûng sa nin ti. Khua kang a ta, nin chîmuhai inchârtir a ta, thi chianna nin ti.

DÂN INHNINA 28:26

Nin thi tika nin hme kha va le ramsahaiin hong fa an ta, tûte lei khôkmâktu om no nihai.