JEREMIA 16:19 - PATHIAN LEKHABU IRTHIANG C.L. Bible (BSI)

¹⁹ Rengpa, nang chu ni sûnghualtu le hrâtna ni petu ni nia, buaina ki tong zoro khomin ni ni changpui ngaia. Namhai chu kôlkila irthokin ni kuang an honga, an iti chu, “Kin irchibulhaiin pathian dik ni loihai ti no chu a dang ite nei mahai, hmanghmunboi millim ti no chu ite nei mahai.

JEREMIA 16:19 ပူးပေါင်းရင်းမြစ်များ

1 RÊNGHAI 20:23

Khan Suria rêng kuanga a hnung zuihaiin, “Israel Pathian chu tâng ram Pathian a nia, khasika ei inhnê loi a ni, phâizôla doi inlân chu inhnêhai ei ti,” an tia.

INPÂKNA HLAHAI 18:3

Inpâk ruk Rengpa chu koi ki ta, Khanchu a ni doituhai ata saninhringin om ki ti.

INPÂKNA HLAHAI 19:14

O Rengpa, ki lungpui le a ni’rtantu, ki bâia thu suakhai le ki lungrîla ngaituanahai hi ni mithmua lôm inruk takin om ri se.

INPÂKNA HLAHAI 27:5

Lunginzîng nia chu a riakbuka nir bîktir a ta; A saninzôkna puan ina khan ni thup a ti: Lungpui chunga nin dom inkhâi a ti.

INPÂKNA HLAHAI 46:1

Pathian chu ei zôkna le ei hrâtna, lunginzîng laia changpui lattu nâitak a ni.

INPÂKNA HLAHAI 46:11

Sipaihai Rengpa chu ei kuang a oma; Jakoba Pathian chu ei kulpui irsâng a ni.

INPÂKNA HLAHAI 46:7

Sipaihai Rengpa chu ei kuang a oma; Jakoba Pathian chu ei kulpui irsâng a ni.

INPÂKNA HLAHAI 62:2

Ama vai kha ki lungpui le a ni saninhringtu a ni: Ki kulpui irsâng a nia; a saterengin chu inhnîng no ning.

INPÂKNA HLAHAI 62:7

Pathian kuang ki saninhringna le ki roiinpuina a oma: Ki hrâtna lungpui le ki zôkna chu Pathiana a om.

INPÂKNA HLAHAI 65:3

Tho’nchâinahai khan a nin hnê ngai nâkin: Kin porinchenahai murdi nangin ni’rsunfâi ni ta;

INPÂKNA HLAHAI 68:31

Aigupta ram ata milianhai hong suak an ta; Ethiopia-hai chu an kut Pathian tiang phar hrangin irhnot an ti.

INPÂKNA HLAHAI 86:9

O Rengpa, ni isiam nam tinrênghai chu hong an ta, ni makunga hong kûn an ta; Ni’rhming chu hong chôiindôm an ti.

THUVÂRHAI 18:10

Rengpa chu kulpui det tak ang kha a nia, mi felhai an intân lûta an zôk ngai.

ISAIA 25:4

Inriang le changpui innanghai hranga kul ni nia, An char a dongin chu an hor bîk ngaia, Sûn misa luma dâihlîm ni chang pehaia.

ISAIA 32:2

Phâivuapui a tho khoma an irbîkna hrang, ruapui lai ata an hul theina hrang, ramchâra tui luang le tângchâra lungpui raifân angin om an ti.

ISAIA 44:10

Pathian irlim siamin, millim songhai ngai hin ar fêna om loiin an ibiak hrang ma ni?

ISAIA 44:20

Nêngpil fâk anga ite nangloi a nia, an sâpna saloi khan a hruai insuala, sansuak thei ni ta ma, “Ki millim chôi hin ite tho thei mah,” tihna châng zel inhre thei mah.

ISAIA 45:14

Rengpa’n hiang hin a ti: “Aigupta mihai ihlosuak chu, Ethiopia rama zuarsumhai nin ilâk hrang a ni, nangni hong chôi pe an ti, Seba rama mi dungsei ta takhai chu, nin suaka om hrangin hong an ti. An kuta thîrhrui bun pumin nangni zui an ta, nin kuang khûksadelin, ‘Pathian iompuihai chu nin lei ni hi te, Ama vai hi Pathian hrât chu a lei ni hi,’ tiin chubai nangni mûk an ti.

ISAIA 49:6

Rengpa’n hiang hin a ti: Jakoba irchi inhartir nôka, Israel la damhai hruai kîr hranga ki siahlo ni hi ite ual ni mah. Hi nêka sintho hrang roiinpui ual ni nei. Rammual pumpui hi inzôk a ni theina hrang le nam tin ta hranga vâr ni ngêt ni ti.

ISAIA 62:2

Nam tinrêngin nin dikzia chu hmu’nfel an ta, Rengpa iphua irhming thar irput ni ti.

JEREMIA 10:3

Hi mihai sakhua hi hmanghmunboi a ni. Rampuia thing an ilâk chu, kut sintheihaiin a hmangrua an sina,

JEREMIA 10:5

Khaanga millimhai chu fanghma bila mamîm ang an nia chong thei mahai. An fe thei no sikin thon an inang ngai a ni. Annihai kha chihai no roi: ite nangni lo no nihai, thil sa khom nangni tho pe thei no nihai,” a tia.

JEREMIA 12:16

Ki mihai chu Baal irhming songin chonginkung an lei irchutir ngaia, khaang takin, ‘Rengpa mihring’ irhming songin chonginkung an irchu tika ki mihai omdân lan lang a ta, an laia kop sa an ti.

JEREMIA 14:8

Nangma vai hi Israelhai itûng ni nia, vânduaina ata nin zôktu chu nangma vai hi ni ni. I lo hrang mo kin rama hin mikhual angin zân khat riak hrang anga mikhualin ni iom?

JEREMIA 17:17

Ki ta hrangin chu ichiom ni no ni; nang chu buaina tung zoroa ki zôkna ni ni.

JEREMIA 2:11

Ama chu a tak lei ni khomsian, nam dangin chu an pathianhai thûl ngai mahai, ki mihaiin chu anni roiinpuia inomtirtu Pathian chu, anni ta hrang ite tho theiloi pathianhai khan an ithûl ngai a ni.

JEREMIA 2:8

Ochaihaiin Rengpa kha kho tiang mo a iom? Chong irdon siam loiin, ki ochaihaiin an ni inhriat loi a ni. Roirêltuhai ki chunga tehel an zonga; deipuhaiin Baal irhmingin thu an inpuanga, Hlutna nei loi millim chubai an imûk a ni.

JEREMIA 3:23

Tâng sîpa kin millim chubai mûkhai khan ni sâm thei viat mahai. Israelhai hranga changpuina chu Rengpa kin Pathian kuanga irthokin a izuang hrang a ni.

JEREMIA 33:9

Jerusalem chu keima hrangin raifânna, chôiirsângna le songinruk ni a ta; Jerusalem mihai ta hrangin thil sa ki ithohai le khopui chunga vângsakna ki insum thu an lei inhriat tena chu, rammuala nam tinin chipumin an inthing hrang a ni,” a tia.

JEREMIA 4:2

ki’rhming chonginkungna nin inei hrang kha, thil dik ni a ti. Khaang khan a ni’n chu nam tinrênghaiin satvur hrangin ni ngên an ta, ni chôiirsâng an ti,” a tia.

EZEKIELA 11:16

Khasikin, Rengpa pathianin hiang hin a ti, “Hlataka namhai laia nangni ki thonpaia, ram tamtaka nangni ki inthekindarh nâkin, zoro sôtloite sûngin an hong tungna rama khan an ta hrangin hmun irthiang ni ki ti,” a tia.

JOELA 3:16

Pathianin a mihai satvur a ti. Khan, Rengpa kha Zion tâng ata inrûm dur dur a ta, Jerusalem khua ata ar hâi insua a ta; irvân le irnêng inhnîng a ta: khannisianlân Rengpa kha a mihai ta hrangin irsûnghualna ni a ta, Israel irchihai hrangin kulbang ni a ti.

AMOSA 2:4

Rengpa khan hiang hin a ti: “Juda tho’nchâina inthum sikin, a ni, minli sikin, a hremna kha inboi no ning; Rengpa dân kha a hnôla, a thupêkhai vong mahaia, an pahai ibiak ngai pathian irlimhai khan a hruai irhmang sikin.

NAHUMA 1:7

Rengpa kha a saa, chardong nia kul det a ni; amaa an iamna irnghattuhai kha an hriat.

HABAKUKA 3:19

Rengpa, Jehova kha ki hrâtna a nia, ki kehai chu sazukpui kehai angin a siama, Ama khan ki hmun irsânga nin fetir a ti.

ZAKARIA 2:11

Kha nikhuaa khan nam tamtakin Rengpa kha hong zom an ta, ki mihai ni an ti: khan, ni kuanga khan lêng ki ta, khanchu, sipaihai Rengpa khan ni kuang a ni itîr a nih ti nin hriat tâk nin ti.

MALAKIA 1:11

Misa suakna ata a tâkna dên khomin, Jentailhai laia ki’rhming kha a roiinpuia, hmun tina ki’rhming hrangin mirimhoi inhlan a ni, thilinhlan irthiang le Jentailhai laia ki’rhming a roiinpuia, Sipaihai Rengpa’n a ti.

ROM KHUAA MIHAI KUANGA TÎRTÔN PAULA LEKHATHON 1:25

Pathian thutak nêkin milak an inthanga, a siamtu biak nêkin a isiam kha biakin a sin an tho tâka. A siamtu chu kumtuanga inpâkin om ri se. Amen.

1 PETERA toc2 1 PETERA 1:18

Nin irchibulhai ata nin idong nôk, om dân hmang hmunboi tak ata kha thil siatthei sum le rângachaka irtan ni mak chêia,

THUPHUANG 11:15

Khan, vântîrtôn sarina khan a bekul a hong tuma, “Rammual roirêlna chu ei Rengpa le Krista ta a hong ni tâk, ama’n kumtuangin roirêl a ti,” tiin irvâna hnukirhai inringtak takhai a hong oma.