JEREMIA 16:17 - PATHIAN LEKHABU IRTHIANG C.L. Bible (BSI)

¹⁷ Keimaa irthokin ite ar thup thei om maka, an sualnahai chu ki mithmua an lang loi zel om mah.

JEREMIA 16:17 ပူးပေါင်းရင်းမြစ်များ

2 THURCHI SUINA 16:9

Rengpa’n ama iamzoi loihai chu changpui hrangin rammual pumpuia a mit a inlêngtir ngai a ni. Atûn ata chu doi hrang nei mai ta ni ti, inzakpuiom takin thil ni itho a ni hi,” a tia.

JOBA 10:14

Lei sual inlân, nangin ni ni sinsiaa, ki pualoina ata nin hnot no chi ni.

JOBA 31:4

Ki lampuihai a hmu infela, ki kalphêt tin hi an inhriat zit mo ni ma?

INPÂKNA HLAHAI 109:15

Khahai kha Rengpa makunga om mai ri se, Ama khan anni inhriat maina kha irnêng ata an boipai theina hrangin.

INPÂKNA HLAHAI 139:3

Ki ife le ki zâl hi ni ni hmu mai ngaia; Ki om lam murdi hi nin hriat zit ngai.

INPÂKNA HLAHAI 33:15

An rênga milunghai siama, an sintho murdi ngaitua ngaitu khan.

INPÂKNA HLAHAI 51:9

Ki sualnahai ata hi ni hmâi thupin lân, Ki siatna murdi hi kâtpai roh.

INPÂKNA HLAHAI 90:8

Kin pualoinahai chu ni makunga ni siaa, Kin sual thupinrûkhai chu ni hmêl vâra ni sia tâka.

THUVÂRHAI 15:3

Rengpa mit chu hmun tina a oma; ei sin sa le saloi a thîr mai ngai.

THUVÂRHAI 5:21

Rengpa’n ni sintho tinrêng a hmu zita. Ni fena tina nang a ien chian ngai a ni.

ISAIA 29:15

Rengpa ata an thiltum thuphai chu la’rfûk nôk an ti: Inrûkin thil an tho khomin, Tu moh hmua, tu moh an hriat hrang? an ti.

ISAIA 66:18

An sinthohai le an irngaituanahai kin hriat; nam tinrêng le chong chi tinrêng hmanghai chu hruai khômhai ki ta, hong an ta, ki roiinpuina hmu an ti.

JEREMIA 2:22

Chang-al le sabonin irsu khomin lân, ni sualna hnung chu la hmu thei mai ki ti.

JEREMIA 23:24

Ki ihmu thei loina hrang hmuna tûte irbi thei no nihai. Irvân le irnêng hmun tina ki om ti hi nin inhriat loi ma ni?

JEREMIA 29:23

Kha kha an ihlo hrang chu a ni. Sual irkhêlhai an tho’n chu, an tualbômhai dôngma an uirepuihaiin chu, Rengpa irhmingin thudik loi an hril sikin, kha kha Rengpa nuam loi lam a nia; an sintho kha an hriata, annihai hnôla thu inhretu a ni. Rengpa’n a iti a ni,” tiin.

JEREMIA 32:19

Nang chu roirêlna satakhai nir fûkin thil roiinpuihai ni tho ngaia, mihai sintho hi ni hmu vinga, an sintho lam takin lômman ni pêk ngai.

JEREMIA 7:11

Ki in hi inrûhai irbîkna hmun nin isôn ma ni? Nin thil tho ki lei ihmu a ni.

EZEKIELA 8:12

Khanchu ki kuang, “Mihriam nâipa, Israel in sûngkuaa upahaiin inrûka thil an itho hi ni hmu mo? Mi tinin mâni chontan chita millim an biak hi, Rengpa’n ni hmu ma, Rengpa’n ram hi a suaksan tâk kêng an ti,” tiin.

EZEKIELA 9:9

Khanchu ama’n ki kuang, “Israel le Juda in sûngkuahai sualna chu a sân a lûminna tak taka, ram chu thisenin a sipa, khopui sûng chu roirêlna uksak loina’n a sipa, Rengpa’n ram chu a mâksan ta, Rengpa’n ite hmu ta ma, an tia.

ZEFANIA 1:12

Khan, kha tika chu hiang hin ni a ta, meiser belin Jerusalem zong suak ki ti; uain zôl irnok anga om ma maia, an lungrîla, Rengpa khan a sia a sah ti a nei ngai mo, tituhai chu hrem ki ti.

ZAKARIA 4:10

Thil chîn terek zorohai hi tu’n mo a hmusit? Râifân takin om an ta, Jerubabela kuta dâr irhlûm inkhâi kha an ihmu hrang a nia; Hi sarihai ngei hi Rengpa mit kha an ni saa, irnêng pumpui chunga hin an irvâk vêl ngai, tiin.

1 KORINTH 4:5

Khanchu Rengpa zuang nôk mâka chu a zoro loia tûte insîr insiat no roi. Rengpa zuang mâka chu, ama’n inthima thup irhmanghai chu ivâra hong inlang an ta, lungrîla tumna irthuphai khom inlang sa a ti. Khanchu, mi tinin mâni irphu tôka Pathian inpâk hlo seng an ti.

HEBRAI toc2 HEBRAI 4:13

Pathian hrangin chu ite thil irthup om mah, thilsiam tinrênghai khom a mithmu’n chu inlang pharin ar hong zit ngai a ni. Ama kuang ngei ei sik senga thurchi ei la insîr hrang a ni.