JEREMIA 16:16 - PATHIAN LEKHABU IRTHIANG C.L. Bible (BSI)

¹⁶ Khan Rengpa’n, “Nga chel ngaihai tamtak hong hi mihriam chel hranga ki ikoihai an ni. Kha hnung chu sa kâp ngaihai tamtak mual le tânghai le rôl le lungpui kârhaia annihai irdîp hrangin koihai ki ti.

JEREMIA 16:16 ပူးပေါင်းရင်းမြစ်များ

AMOSA 4:2

Rengpa pathian khan ama irthiangna sâlin khua a sâla: “Irngai u ta, thîrkuaiin nangni a lâk irhmanga, nin laia a la omsunhai nga irkuaia nangni lâk irhmang nikhua a hong itung hrang a ni.

MIKA 7:2

Pathian uksak mi chu irnêng ata ar hmanga, mihriam laia mi diktak zel om mahai: thisen insua hrangin an inchân zita; mi tinin mâni urêng kha lênin an ivôr a ni.

1 SAMUELA 26:20

Khasikin ki thisen chu Rengpa hmu phâk loina ram dang irnênga luang no ri se. I lo hrang mo Israel rêng kha keima anga uihrikte that hrangin a ihong? I lo hrang mo varungtehai chel hrang anga tâng sîphai hin a hong irvâk hi?,” a tia.

IRPHUTNA 10:9

Rengpa makunga sa kâp hrâttak a nia; khasikin, “Rengpa makunga sa kâp hrâttak Nimroda ang a ni,” an iti ngai kha a ni.

JEREMIA 25:9

‘Hmâr tianga mi tinhaiin le a ni zui rêng Nebukadnezara, ki ikoi hrang a ni. Judai ram le a luatuhai le a kôlvêla nam danghai doi hrangin ki hong ihruai hrang a ni. Hi nam le a kôlvêla nam danghai chu insiat chit ki ta, mihai khan ar khêl ti an ta, ar khêl ti ok an ti, kumtuangin an insiat hrang a ni. Keima Rengpa’n ki iti a ni.

AMOSA 5:19

Kâmkeibaknei rotsana, savom tong mi ang le ina lûta, bang chunga kut irnghata, mirûlin a inchuk ang a ni.

1 SAMUELA 24:11

Kha vai kha ni loiin, ka pa en ro, hi ni puanhmor ki ichôi chian a ni. Nang ki ithat thei a nia, khannisianlân, hi nêka hin ni puanhmor ki i-ât a ni. Hi hin thil saloi le tho’nchâina om mah ti le ki hringna la hrangin ni zong mai khomin lân, ni chunga ite sual ma ung ti hi inhre suak ngêt ro.

ISAIA 2:21

Irnêng nok inhnîng hranga a zuang tena chu, Rengpa inzakna roiinpui le ichiomna khêl hrangin rôl le lung ir-ônga irbi zoi an ti.

ISAIA 7:19

Zuang vuang an ta, tuidung irhelna rôl panghaia, tâng ram rôl kâra khom, ilhling le sa lêngna hmunhaia kâi sup an ti.

JEREMIA 4:29

Sakor chung chuang mihai le thal chôi ngaihai irhû khan, mi tin laizâm tho an ta, A sen chu rampui hnuaia intân an ti, a danghai lungpui kâra irbî an ta, kho tin a rongin masan an ta, Khatak khan tûte lêng thei ta no nihai.

JEREMIA 6:9

Rengpa itinrêng thotheiin ki kuang, “Grep irhuan chu a thei rahai irhmal zoi hnunga a ronga a iom ngai ang khan, Israel chu a korongin sia ni a ti. Khasikin zoro a la om sûnga hin nin thei dôrin tukhom nin isansuakhai ngêt hrang a ni,” a tia.

JEREMIA 49:5

kil tina irthokin nin ta hrangin ichiom a hong itung hrang a ni. Nin rêngin laizâm tho ving nin ta, nin urênghai bukkhôm hrangin tûte om ta no nihai.

CHAP HLA 4:18

Râlhai lakin kin hnung an ni’rzûl maia kholaidunga khom chai ngam ma ung, kin irhmang zoi hrang a ni, kin zoro a hek tâka, kin ithi zoi hrang ni a ti.

HOSEA 10:10

Ki nuam tika chu anni kha hrem ki ta; khan, an tho’nsualna irthuahni sika hrem an ni tika chu an chunga mipuihai kha pungkhôm an ti.

ZEFANIA 1:12

Khan, kha tika chu hiang hin ni a ta, meiser belin Jerusalem zong suak ki ti; uain zôl irnok anga om ma maia, an lungrîla, Rengpa khan a sia a sah ti a nei ngai mo, tituhai chu hrem ki ti.

CHAP HLA 4:19

Irvân ata irmu hrât tak nêkin a ni’rzûltuhai hi an ihrât ual a ni. Tângsîpa khom an ni’rzûla, ramchârna hmuna khom an ni lei khêl ngai.