JEREMIA 16:15 - PATHIAN LEKHABU IRTHIANG C.L. Bible (BSI)

¹⁵ Kha nêkin chu keima Pathian hring Israel mihai hmâr tiang rama le anni irthekindarh ram dang tamtak ata hong hruai suaktu, keima irhming sâmin chonginkungna nei ta an ti. Anni chu an ram ngêta an irchibulhai ki ipêkna rama zuang hruaihai nôk ki ti, keima Rengpa hin ki iti a ni,” a tia.

JEREMIA 16:15 ပူးပေါင်းရင်းမြစ်များ

JEREMIA 32:37

Ki ningmur hrai sika ki inthekindartirna rama irthokin mihai chu ki ibûmhai nôk hrang a nia, anni chu hong hruaihai nôk ki ta, hi hmuna hin zôkriamin inlêngtirhai ki ti.

JEREMIA 24:6

Anni chu vêng mai ki ta, hi rama hin hong hruai kîr nôkhai ki ti. Anni chu siam indinghai ki ta, kaiinthekhai ta no ninga; anni chu phun ki ta, phâihai ta no ning.

JEREMIA 3:18

Kha nî khan chu Israel le Juda irzomna ata hmâr tianga sal intângna ram ata hongin an idongtum dettak ni hrangin nin irchibulhai ki ipêkna rama hong kîr an ti,” tiin.

AMOSA 9:14

Khan, ki mi Israelhai kha sal ata hruai kîr nôk ki ta; khan, kho ram tâkhai kha siam nôk an ta, lua an ta. Khan, grep irhuanhai siam an ta, a uain kha in an ta: irhuanhai khom siam an ta, a ra kha fa an ti.

EZEKIELA 39:28

Anni chu sala intâng hrangin kin fetirhaia, khannisian atûn chu bukkhômhaiin inkhat lua masanhai loiin, an omna rama ki hong ihruai nôkna hin, mihaiin keima chu Rengpa an Pathian ngêt chu ki nih ti inhre suak ta an ti.

EZEKIELA 36:24

Nam tin le ram tin ata nangni hruai ki ta, nin omna rama ngêt nangni hruai kîr nôk ki ti.

INPÂKNA HLAHAI 106:47

O Rengpa kin Pathian, ni saninhringin lân, Nam tin lai ata ni hruai bûm nok roh. Ni’rhming irthiang chu inpâk hrang le Inpâkna song hrangin.

JEREMIA 31:8

Irngai ro, anni chu hmâr tiang ata hruaihai ki ta, irnêng hmun tin ata hi, bukkhômhai ki ta. Mitcho le ke’nbâihai khom om sa an ti, nâi vonghai le nâiha isêhai khom nam roiinpui tak chu hi hmuna hin hong kîr nôk an ti.

JEREMIA 30:10

O ki siahlo Jakoba, chi no ro, o Israel chi viat no roh ti hi Rengpa thu suak a ni. Ni’rchi, ram hlataka sala intânghai chu sansuakhai ki ti, Jakoba chu irtharngam tak le zôkriamin om a ti. Tûte’n râl changin insî ta no nihai.

JEREMIA 30:3

Irngai ro, sûnhai a hong nâi ta, ti hi Rengpa thu suak a ni. Ki mi Israelhai le Judahai chu an sal intângna ata insuaktirhai ki ta, an puhai kuanga ki ipêkna rama khan hruaihai nôk ki ti, khanchu ram kha lua an ta,” tiin.

ISAIA 14:1

Rengpa’n Jakoba-hai chu inrenhai a ta, Israelhai inthanghaiin an rama inomtirhai a ti; khan ram dang mihaiin hong thophai an ta, Jakoba in mihai chu thophai an ti.

JEREMIA 50:19

Israel mihai chu an ram ngêta inomtirhai ki ta, Karmel tâng le Basan vêla an fâk invânghai nêk an ti.

JEREMIA 23:8

Kha nêkin chu Pathian hring Israel mihai hmâr tiang rama le anni ki inthekindarna ram tamtak ata a hong hruai suaktu, ki’rhming sâmin chonginkungna det nei an ti. Khanchu an rama khan om ta an ti,” a tia.

JEREMIA 23:7

“Nikhua chu a hong itung thiai a ni,” Rengpa’n a ti. “Mihaiin Pathian hring Israel mihai Aigupta ram ata hong hruai suaktu ki’rhming sâmin chonginkungna det an nei nôk hrang zoro a hong inai thiai a ni.

JEREMIA 29:14

a dik ki iti a ni, ni hmu nin ta, nin rama khan nangni inomtir nôk ki ti. Ram tina irthokin le nangni kin thekindarna hmun tina irthokin nangni bûm nôk ki ta, sala intâng hranga nangni ki lei inhnotsuakna rama ngêt khan nangni hruai kîr nôk ki ti. Keima Rengpa’n ki iti a ni,’ tiin.

JOELA 3:1

“Irngai u ta, kha nikhuahai le kha zoi tika chu Juda le Jerusalem inding nôk hrang tika chu,

IRPHUTNA 28:15

Irngai ro, kei ni kuang om ki ta, ni fena hmun tina nang hrung ki ti; hi rama hin nang hruai nôk ki ti; ni kuanga ki ihril hi a tak a tung mâka nang irnghil no ning,” a tia.

JEREMIA 12:15

Khan, ki thonpai hrangin, an chunga khonzâna nei nôk ki ta; nam tin mâni hmun le mâni ram chita hruai kîr nôkhai ki ti.

JEREMIA 23:3

A la om sunhai ki inthekindartirna ram ata bûmhai nôk ki ta, an ram ngêta hong hruaihai nôk ki ti. Nâi le tê tamtak hong nei an ta, an ipung hrang a ni.

AMOSA 9:15

Khan, an rama anni kha phunhai ki ta, an kuanga ki ipêk ram ata kha inpot suakin om nôk ta no nihai, Rengpa ni Pathian khan a ti.