JEREMIA 16:13 - PATHIAN LEKHABU IRTHIANG C.L. Bible (BSI)

¹³ Khasikin nangni le nin pahai inhriat loina rama nangni irzûl inlût ki ta; kha khan a sûn a zânin pathian danghai sin tho nin ti, khonzâna zel nin chunga inlangtir ta no ning,’ ” tiin.

JEREMIA 16:13 ပူးပေါင်းရင်းမြစ်များ

2 RÊNGHAI 25:21

Reng a vîkhaia, a lei that polhaia. Khaang khan an rama suaka hruai an ni ta.

2 THURCHI SUINA 7:20

nangni ki ipêkna ram ata hi nangni paisuak ki ta, nin ni ibiakna hrang hmun, ki tempil ki irthiangtir sai khom hi irzêltir nôk ki ta, mi tinin innuisan an ta, hmusit ok an ti.

INPÂKNA HLAHAI 81:12

An lungrîl ngar sikin kin thâ tâka, an nuan lam taka om hrangin.

JEREMIA 10:18

Hi ram sûng ata Rengpa’n nangni inhnotsuak hrang a nia, nin suak ving mâka chu nangni a inhnotsuak hrang a ni. Rengpa’n a iti a ni.

JEREMIA 14:8

Nangma vai hi Israelhai itûng ni nia, vânduaina ata nin zôktu chu nangma vai hi ni ni. I lo hrang mo kin rama hin mikhual angin zân khat riak hrang anga mikhualin ni iom?

JEREMIA 15:1

Khanchu Rengpa’n ki kuang, “Mosia le Samuela khom ki makunga, hi mihai hrang hin hong ngîrpuihai khomsian, irngai pehai ual no ning. Anni chu irzûlhai unglân, ki mithmu ata hi om ta no ri sehai.

JEREMIA 15:14

An la inhriat viat ngai loina rama an râlhai sin inthotirhai ki ti. Ki ningmur chu mei anga a nia, a ichok mai hrang a ni sikin,” a tia.

JEREMIA 15:4

Jerusalema Juda rêng Hezekia nâipa Manasea Juda rêng a ni laia a sin tho sika khan rammuala mihaiin an china hrangin dûk ki itho hrang a ni,” a tia.

JEREMIA 16:5

“Lusûn omna ina ni ilêng viat hrang ni mah. Mi tûte ta hrang khomin chap no roh. Ki mihai chu irtharngamnain satvurhai mai no ninga, lungkhamna le khonzâna khom hmu ta no nihai.

JEREMIA 17:4

Ki ram nang pêk chu masan ni ta, ram ni la inhriat ngai loi hmuna ni râlhai sin thoin nangni siam ki ti. Ki ningmur chu mei ang a nia, a ikângpai hrang a ni,” a tia.

JEREMIA 22:26

nangma le ni nu chu sala intâng hrangin nangni irzûl ki ti. Tukhomin nin irzirna hmun ni loina khan nin ife hrang a nia, kha hmuna khan thi nin ti.

JEREMIA 22:28

Khan keiin, “Reng Jehoiakina hi bêl koi, dêngzuanpaia om, mihai indit ta loi ang hi a ini tâk ma ni? Hi sik taka hin ram an la inhriat ngai loina hmuna ama le a nâihai chu salin an intâng a ni ta,” ki tia.

JEREMIA 5:19

Jeremia, i lo hranga hihai hi ki itho mo a inih tiin nang an irdonin chu, hnung an ni songsana, ram dang pathianhai an ram sûng ngêta an itho ang khan an ram ni loia khan ram dang mihai sin an itho hrang a ni,” tiin anni chu hrilhai roh.

JEREMIA 6:15

hi thil intiromhai an tho sika khan an inzak ma ni? Inzak mahai; an zak dân lua an inhriat loi a ni. Khasik taka khan mi dang an rîl tâkhai angin inrîl an ta, dûk ki thohai ni taka chu an mongna ni a ti,” keima Rengpa’n ki iti a ni.

DÂN INHNINA 28:36

Rengpa khan, nin rênghai le nam dang ram, nin pi le puhai la om ngai loina rama khan suaka nangni hruai a ta; kha rama khan thing le lunga siam pathianhai biak nin ti.

DÂN INHNINA 29:28

Rengpa kha a sân a ninginmur sikin an hnotsuakhaia, nam dang ram dang daiha an iom tâk a ni,’ ti an ti.