JEREMIA 15:8 - PATHIAN LEKHABU IRTHIANG C.L. Bible (BSI)

⁸ Tuipui kôla chiai nêka tamin nin ram sûnga meithâi an itam tâk a ni. An vâng sa laitakin ruathartehai ki thathaia, an nuhaiin an ituang a ni. Voikhat rengin beidongna le chitnain anni chu kuttum ki ithohai a ni.

JEREMIA 15:8 ပူးပေါင်းရင်းမြစ်များ

ISAIA 3:25

Ni mihai chu khandaia tuk that ni an ti, ni mi hrât inthanghai khom irdoina hmuna thi an ti.

ISAIA 3:26

Kho sûnga hruaituhai khom chap khêka inrûmin om an ta, kho sûnga mihai khom korongin toi ta an ti.

ISAIA 4:1

Kha zoro tena chu nupang sariin pasal inkhat chel an ta, “Fâk nêk le silkaihai tum ving kin ta, kin irhming siat loina hrangin, dôngma’n ni lua ro,” la ti an ti.

JEREMIA 16:3

Hi hmuna nâi suakhai le nu le pahai chunga thil hong om hrang nan hril ki ti.

JEREMIA 18:21

Khan atûn chu, Rengpa an nâihai chu phîngchâmin thihai sian, irdoi zoro’n that ni ri sehai. An dôngmahaiin an pasalhai leh an nâihai inchânhai sian; pasalhai chu hripuia thiin, an ruathartehai chu irtukna buala thi ri sehai.

JEREMIA 22:7

An siat hrangin mi tîr ki ta, meia pai an ti.

JEREMIA 4:16

Namhai inhrilhai unglân, Jerusalema inpuang roi. Ram hlatak ata irhual hrangin an honga, Juda ram khopuihai rûn hrangin an ikhêk a ni.

JEREMIA 5:6

Khasika khan kêng rampui kâra kâmkeibakneiin thathai a ta, ramchâra irthoka inêhaiin sânphorhai neng an ti. Keiârsihai khom an kho sûnga lût an ta, Tual an suaka niin chu, sânphor ni an ti. An sualhai a tam hrai sikin, zoro tina Pathian hnung an songsan ngai sikin.

JEREMIA 6:26

Rengpa’n a mihai kuang, “Bora puan sil unglân, irvut kâra inhlum roi. Nâipasal nei sûn ang takin mitrithi sômin chap roi, nangni doi hranga hong khan nangni an siat zêl hrang tâk sikin.

CHAP HLA 5:3

Fara nu le pa boi kin ni ta. Kin nuhai khom meithâi anga omin,

EZEKIELA 22:25

Kâmkeibakneiin sa a ithathai chunga a inrûm ngai angin, hruaituhai chu an inrûm sa ngai. Mihai an thata, tangka sum le neinun an ilâk thei dôr an lâka, mi tamtak meithâiin an siahai ngai.

HOSEA 4:5

Sûna tûk ni ta, nangma le deipuhai khom zâna tuk a ta, ni nu khom inboipai ki ti.

LUKA 21:35

Chânga in-ôk angin nangni tongna ti. Irnêng pumpui chunga a zuang itung hrang a ni.