JEREMIA 15:7 - PATHIAN LEKHABU IRTHIANG C.L. Bible (BSI)

⁷ Ram sûnga kho tina khan fapôl angin nangni ki insâp a ni. Ki mihai nangni ki that irhmanga, nin sual lampuihai kha nin mâk no sikin, nin mihai chu ki ithathai a ni.

JEREMIA 15:7 ပူးပေါင်းရင်းမြစ်များ

INPÂKNA HLAHAI 1:4

Khannisian mi siahai chu kha angin ni viat mah; Anni chu farsi phâivua’n a isêm irhmang ngai ang hi an ni.

ISAIA 41:16

Zâp ni ta vuang inlêng a ta, kêllaiherin sêm irhmang zoi a ti. Rengpaa khan lôm ni ta, Israel mi irthianghai chu chôiindômin om an ti.

ISAIA 9:12

Nisua tianga Suria, nitâk tianga Filistia Israelhai doi hrangin an bâi an âng khumhaia. Kha dôr khom khan Rengpa ningmurna hek maka, a kut a la irlek mai a ni.

ISAIA 9:13

Israel namhai chu anni soisaktuhai tiang kîr nuam loiin, itinrêng Rengpa kuang tiang fe nuam mahai.

JEREMIA 18:21

Khan atûn chu, Rengpa an nâihai chu phîngchâmin thihai sian, irdoi zoro’n that ni ri sehai. An dôngmahaiin an pasalhai leh an nâihai inchânhai sian; pasalhai chu hripuia thiin, an ruathartehai chu irtukna buala thi ri sehai.

JEREMIA 5:3

A dik takin Rengpa’n iamomna hi a izong a ni. Nangni a vîka, khannisian ite bêin bê mak chêia. Tukullian nin nia, nin sual ata irlet nuam mak chêi.

JEREMIA 51:2

Phâivua’n fapôl a isêm inlêng anga khan, Babulon ram insiatchit hrang ram dang mihai tîr ki ti. Kha irhmang ni sûn kha a phâkin chu, kil tina irthokin doi an ta, ram chu a korongin om a ti.

JEREMIA 9:21

Thinahai chu ei inkhâra a hong lûta, ei in roiinpui tak sûnga a hong lûta; Nâipanghai chu kotbâia a tuk inrîlhaia, kholaia ruatharhai khom a tuk inrîlhai ta.

EZEKIELA 24:21

Hi thu hi nangni Israel mihai kuang hril hrangin a ni zuang hrila, biakbuk hrâtna chu nin irsorpui oka, a en nin nuama, kha khan nin fe nuam ngai. Khannisian Rengpa’n porinchetir hrang a ni ta. Khanchu nin nâipasalhai le nupanghai Jerusalema mâksana omhai kha khandaiin thi an ti.

EZEKIELA 24:25

Khan Rengpa’n, “Atûn chu mihriam nâipa, biakbuk dettak nin irsorpui ngai le an raiinfânpuina ngai kha anni rengata lâkpai ni a ta, khan an nâipasalhai le nupanghai khom lapaihai sa ki ti.

EZEKIELA 36:12

O, Israel ki mipuihai, nin rama om nôk hrangin nangni hong hruai nôk ki ti. Kha kha nin ram ni a ta, khataka khan nin nâi le tehai châmin om ta ngai no nihai.

ZAKARIA 1:4

Deipu masahaiin, sipaihai Rengpa khan, nin om hrang dân suala atûn hong irhei unglân, nin thilsual kha chu hong irheisan roi, a ti e, tia nin pahai an hril khoma irngaitua loia, mikuar sung loi ang khan om no roi, ti hi Rengpa thu suak a ni.

MATHAIA 3:12

Ama’n chu Irtha Irthiang leh meiin nangni baptis a ti; a hruizôla bu kha zâp infâia, panga thun hrangin a mira kha a chôi tâka, a’rsîhai kha chu that theiloi meia hâl irhmang a ti,” a tia.

DÂN INHNINA 28:18

Rengpa khan khua nangni sâl a ta, nâi le têa mani, bu le bâla mani, sâ vâia mani hmang chang no chin ni.

DÂN INHNINA 28:32

Nin nâinuhai nin nâipahai kha nin hmu laiin nam dang suaka pe an ta; a nitin anni irngaiin, thîr nin ta, nin mit chavai zoi a ti.

DÂN INHNINA 28:41

Nâinu nâipa a sân nei intam nin ta, an irtha fa no chin ni, suaka om zit an ti.