JEREMIA 15:6 - PATHIAN LEKHABU IRTHIANG C.L. Bible (BSI)

⁶ Nangni’n nin ni hnôla, hnung nin ni isongsan a ni ta. Khasika khan ki bân ki’rzanga, ki kut ki insum a ni, Ki ningmur insua ki sôl tâk sikin.

JEREMIA 15:6 ပူးပေါင်းရင်းမြစ်များ

ISAIA 1:4

O! nam tukullian, sualna sip, irchi saloihai, mi helâk loihaio! Rengpa nin mâksana. Israel mi irthianghai nin hnôlhaia, nin mâksanhai tâka.

ISAIA 28:13

Khasikin Rengpa thu chu an hrangin, a horop malte tein, zuang tung a ti. Khanchu, an lampuia irtet an ta, sâbe tuangin chel ni an ta, nangni hruaipai zoi an ti.

ISAIA 31:3

Aigupta mihai hi chu mihriam pai pai an ni, Pathian ni mahai. An sakorhai khom hi sâ mai mai an ni, irtha ni mahai, Rengpa’n a kut an sumin chu changpuitu nei no nihai, an ichangpui khom irtet sa ta a ti. An ruaiin irtet that an ti.

JEREMIA 1:16

Ki mihai chu pathian danghai kuang irbôlna inhlanin an ni huanga, millim an isiamhai chubai an mûka, thil sual an tho tâk sikin, anni chu dûk ki inthotirhai hrang a ni.

JEREMIA 13:14

A tar le a vângin bêl a binga irtoka koi ngai ang hin an michal indang pehai ki ta, lungkhamna, kanna le khonzâna boi vingin ki irhmangtirhai hrang a ni,” a tia.

JEREMIA 2:13

Ki mihaiin sual inhni an sin tâka; keima hringna tuihnâr hi an ni mâk raka, tuikuang an choia, tuikuang tui reng irting thei ngai loi chu.

JEREMIA 2:17

Israel, Rengpa ni Pathianin lampuia nang ki hruai lai khan, ni ni mâksan sika khan, hi thil hi ni bingin ni lu chunga ni intungtir tâk a ni.

JEREMIA 2:19

Ni sualna khan dûk nang tho a ta, hnung ni ni isongna khan thiam no changin om ni ta, Rengpa ni Pathian ni mâk raka, ki ta hranga iamom ni ini loi hrang hi, sual a ini lam le a satloina lan hre suak ni ti. Keima, Rengpa Pathian Itinrêng thothei hin ki iti tâk a ni.

JEREMIA 20:9

Rengpa chu irnghil ki ta, ar hmingin thu hril ta no ning, ki ti lakin ni chongbe chu mei ang rengin ki sûngrîl ata a kâng ngaia, ki sûnga om chian hrangin ki tuma, khannisian ki idan thei loi a ni.

JEREMIA 44:22

A vuan sûn ten hin ni ram chu inramin a la oma, a sûnga tûte la om mahai. En intak tak a hong nia, mihaiin a’rhming chu khomâksâmnain an hmanga, Rengpa’n nin pualoina le tho’nsualnahai kha a tuangdiar ta no sikin.

JEREMIA 6:11

Rengpa’n an chunga ni ninginmurna chu keima khom a ni kâng saa, ki ituang zoi loi a ni ta. Khanchu, Rengpa’n ki kuang, Ki ninginmurna chu nâipang kholâi chaihai laia le ruatharte irbukkhômhai laia insum ki ta, pasal le nupanghai hruaiin om an ta, a tarhai khom lêkhai no ni.

JEREMIA 6:12

An inhai khom mi dang pe ni a ta, an loi le an dôngmahai khom khaang dên khan hi rama mihai hi dûk ki ithohai hrang a ni.

JEREMIA 6:19

O irnêng irngai ro, hi mihai chunga hin siatna ki intung hrang a ni. Ki thu irngai mahaia, ki dânhai khom an hnôl sikin le an irngaituana sual sikin.

JEREMIA 7:16

Rengpa’n “Jeremia, hi mihai ta hrangin chongchai pehai no ro, chap no ro, an irthûlin chongchai no ro, nang an irngai pe ual loi hrang sikin, ni ngên no roh.

JEREMIA 7:24

Khannisianlân zôm nuam loiin uksak ta maka. Kha nêkin an lungrîl insêtin tho loi hrang ti an tho nuam ual tâka, sa ual nêkin an isiat ual tâk a ni.

JEREMIA 8:5

Khaang khan a ni ngânin te, o ki mihai itho mo hong kîr ta loiin hnung nin ni isongsan mai tâk hi? Nin millim nin intûk mai tâka, keima tiang hong kîr nuam ta mak chêia.

JEREMIA 8:9

Nin mi vârhai chu hmâimôk irsak an ni ta, lungzîngin an ir-ôk a ni ta, ki thuhai an hnôla, vârna nei ual an irtia.

EZEKIELA 14:9

Khan, deipu’n inthêma omin thu hril sianlân, kei Rengpa hin deipu chu ki ihuang a nia, a chunga khan ki kut irlek ki ta, ki mi Israelhai lai ata inboipaihai zit ki ti.

EZEKIELA 25:7

Khaanga ni lei omna sikin nam danghai kuta nang pe ki ta, anni khan nang longchit an ta. Nang inboipai ki ti, itiklai khom nam tiin koi ni ta ngai no chi ni. Ni bingin ram khom nei ta no chi ni, khanchu Rengpa ki nih ti inhresuak ta ni ti,” a tia.

EZEKIELA 35:3

Mipuihai kuang khan Rengpa Pathianin hiang hin a tih tiin hril ro: O Edom tânghai kei chu nin râlhai ki nia, ram inponin nangni siam ki ti.

HOSEA 11:7

Ki mihai khan nir heisan an tum maia, an ringkol riktak sikin, anchungtaka insam an ta, khannisian tûte’n indom irsâng pe no nihai.

HOSEA 13:14

Seol kut ata anni kha ki irtan hrang ma ni? Thina ata ki isansuak hrang ma ni? O thina, ni hripuihai kha khôn mo a iom? O sual, ni thân kha khôn mo om? lung nang inkham viat no ning, irlet khomsian uksak no ning.

HOSEA 4:16

Sehrât irla tukullian ang dênin Israelhai chu an tukul a liana; atûn chu Rengpa’n belrate angin sûla infa thei ning mo?

ZEFANIA 1:4

Judahai le Jerusalem luatuhai murdi chunga ki kut irlek ki ta; hi hmun ata hi Baal la omsunhai, Kemarim irhming kha ochaihai le ileh,

ZAKARIA 7:11

Khannisian mihaiin chu an tukullian insua’n, irngai nuam loiin an oma; an milunghai khâr khapin,