JEREMIA 15:5 - PATHIAN LEKHABU IRTHIANG C.L. Bible (BSI)

⁵ Rengpa’n hiang hin a ti, “Jerusalem mihai, tu’n mo lung nangni inkhama, tu mo nangni châ hrang tâk? Tu mo zoro sôttak hnunga imo nin thurchi ti nangni irdon hrang tâk?

JEREMIA 15:5 ပူးပေါင်းရင်းမြစ်များ

JOBA 19:21

Lung nin kham roi, ki rualhai lung nin kham roi, Pathian kutin a ni itôn a ni ta hi te.

INPÂKNA HLAHAI 69:20

Mi ni hrilsiatna hin ki milung an siattira; a sate’n ki bei a donga: Khanchu lung nin khamtu hrang ki zonga, Khannisianlân tûte om mahai; Irtharngam ni sak hrang ki zonga, Khannisianlân tûte hmu ma ung.

FESUAKNA 18:7

Khanchu Mosia khom a tarpu lei don hrangin a’rthoka, a makunga a kûna, a poma, damhar thu an irdon irhlôma; khanchu Mosia puan in sûnga an lût tâka.

ISAIA 51:19

Siatna thua voihni ni tuang ta, tu mo nang a châ ta hrang? Ni ramhai chu insiat a nia, a chuai zoi ta; ni mihaiin châm an tonga, khandai an ituang a ni ta, Itin mo irtharngam nang ki la isak thei ta hrang?

JEREMIA 13:14

A tar le a vângin bêl a binga irtoka koi ngai ang hin an michal indang pehai ki ta, lungkhamna, kanna le khonzâna boi vingin ki irhmangtirhai hrang a ni,” a tia.

JEREMIA 16:5

“Lusûn omna ina ni ilêng viat hrang ni mah. Mi tûte ta hrang khomin chap no roh. Ki mihai chu irtharngamnain satvurhai mai no ninga, lungkhamna le khonzâna khom hmu ta no nihai.

JEREMIA 21:7

Khan nang chu ni mi lianhai le ni mipui irdoina hmun ata, châm le hripui ata dam suaka la omhai, nin rênga nangni that nuam rêng Nebukadnezara’n nangni that a ti. Mi tukhom khonzâna mo, lungkhamna mo, nin chunga inlangtirin nangni hôi viat no ni. Keima Rengpa hin ki iti a ni,” a tia.

CHAP HLA 1:17

Zion khom a kut a phara chu, Irtharngam pêk theitu hmu zoi ta mah. Jakoba khom a kôla mihai Rengpa’n an hmumâktirhai vinga, Jerusalem chu porche tak angin an intir tâk a ni.

NAHUMA 3:7

Khan, hiang hin ni a ta, nang a hmupu dôrin nangma sikin intân irhmang an ta, Ninevi khua kha a ihong ram tâk a ni: tu mo sûn hrang? kho tak ata mo ni ta hrangin irtharngamtuhai kin izong ta hrang? ti an ti.

ROIRÊLTUHAI 18:15

Levia irchi ruatharte omna Mika ina khan an fea, kha ruatharte kha, “Ni dam mo?” an tia.

1 SAMUELA 10:4

Anni khan chubai nang mûk an ta, bai tiam hni nang pe an ta, kha bai kha la ro.

1 SAMUELA 17:22

Davida khan fâk zât a ichôi kha fâk nêk enkoltu kuang khan a pêka, sipaihai tiang khan a van tâna, a uhai kha chubai a va mûkhaia.

1 SAMUELA 25:5

Khanchu Davida khan ruatharte sômkhat a tîra, ruathartehai kuang khan, “Karmel tânga fe unglân, Nabala kuang thengthai unglân, ki’rhmingin chubai hong mûk roi.