JEREMIA 14:21 - PATHIAN LEKHABU IRTHIANG C.L. Bible (BSI)

²¹ Ni chonginkung kha inhre maiin ni hmûsit no’n lân; Jerusalem chunga hin mualphoina intungtir no’n lân. Ni rêngtoihmun roiinpui tak omna hmun chu keini leh thuthung ni isiam kha insiat no roh.

JEREMIA 14:21 ပူးပေါင်းရင်းမြစ်များ

JEREMIA 14:7

Ki mihai keima tiang an khêka, ‘Kin sualna’n mualphoi ni sak khomsian, Rengpa ni chonginkung angin ni changpui ro, voi tamtak ni kuang ata kin rot tâka. Ni chunga kin isual a ni ta.

INPÂKNA HLAHAI 106:45

A thuthung kha anni an hriat pehai maia, A lungkhamna irkhêl sikin an lungrîl a’rlet tâka.

JEREMIA 3:17

Kha zoro kha a tung tena chu, Jerusalem chu ‘Rengpa rêngtoihmuna’ bê ni a ta, nam tinrêngin kha khan chubai ni mûk an ti. An lungrîl sual le sêtin tho hranga a ihril kha tho ta no nihai.

JEREMIA 17:12

Ei hmun irthiang chu rêngtoihmun roiinpui tak ang kha a nia, a phut ata tâng sîpa om chian ang a ni.

THUPHUANG 11:2

Khannisianlân, Biak in pên tiang chu irkhî no roh, Jentailhai kuang pêk a ni tâk sikin. Anni khan khopui Irthiang kha tha sômminli le tha hni sirpha an ti.

EFESI 2:7

Khahai murdi a thôna san chu zoro la hong hranghaia Krista Jisuaa lungthungna a inlanga a lungkhamna lian bîkzia kha an hmutir theina hranga a ni.

LUKA 21:24

Khandaiin thi an ta, nam tin kuang suaka hruai indarin om an ta, khan, Jentailhai zoro a mong mâka chu Jerusalem hi Jentailhai isirbe ni a ti.

LUKA 1:72

Ei irchibulhai lung an khamzia an langtira, A thuthung irthiang an hriat mai a ni.

AMOSA 6:8

Rengpa, sipaihai Pathian khan, Rengpa pathian khan ama le ama irsâlin khomâk a sâma: Jakoba lârirpâkna kha kin tira, a rêng inhai ki khôkmâka: khasikin khua le a sûnga om murdihai kha ki incheltir hrang a ni.

DANIELA 9:7

O Rengpa felna chu ni ta a nia; keinihai chu inzakna vai a ni, atûn lai ang hin; Judai mihai, Jerusalema omhai, Israelhai murdi, ramhla le anaia mi, ni chunga an sin insiatnahai sikin le ram tina ni irzûl indarhai khom danglam loiin.

EZEKIELA 43:7

keima kuang, “Mihriam nâipa, hi hi ki rêngtoihmun le ki ke irnghatna a ni, Israel irchihai laia kumkhontuanga ki omna hrang chu a ni. Israel insûng mihaiin ki’rhming irthiang chu porinchetir ta no nihaia, anni khomin an rênghai khom an hurna’n mani, an irbôlna haia, an rênghai mâk khomin porinchetir ta no nihai.

EZEKIELA 39:25

Khan Rengpa Pathianin hiang hin a hrila, “Khannisian atûn chu Jakoba irchi suanpârhai tuanintungin khoza’rngâiin om ki ta, tuanintungin inomtirhai nôk ta ki ti, ki’rhming irthiang khom hi savingin hrung ki ti.

EZEKIELA 24:21

Hi thu hi nangni Israel mihai kuang hril hrangin a ni zuang hrila, biakbuk hrâtna chu nin irsorpui oka, a en nin nuama, kha khan nin fe nuam ngai. Khannisian Rengpa’n porinchetir hrang a ni ta. Khanchu nin nâipasalhai le nupanghai Jerusalema mâksana omhai kha khandaiin thi an ti.

CHAP HLA 2:20

Rengpa hiang dôra ni isoisak tâk hi en ro, an nâi pom lai taka, an hmêhai hi an nuhai fâk ni iphal hrang ma ni? Deipuhai le ochaihai khom hi Rengpa hmun irthianga sâra thi ni iphal hrang ma ni?

CHAP HLA 1:10

A neinun sa neihai râlhaiin an suta, Nam dang fe phal loina hmuna, Tempila an inlûthai hmuin a om chiana,

JEREMIA 14:19

Rengpa Judahai chu ni ihnôl phar ma ni ta? Zion-a mipuihai chu ni ipaihai rak ma ni? I lo hrang mo irtharngamna kin zonga, khannisian ite thil sa tung maka; dam hrangin kin sabeia, lungkângna kêng a itung.

INPÂKNA HLAHAI 106:40

Khasikin Rengpa ning kha a mihai chunga an mur tâka, an tirhai tâka.

INPÂKNA HLAHAI 51:11

Ni kuang ata ni pai irhmang no’n lân; Ni’rtha irthiang hi ni lâkpai pe no ro.

DÂN INHNINA 32:19

Rengpa khan a hmu’n chu a ning an mura, a nâi le tehai kha an thikpai ta.

LEVI DÂN 26:11

Nin laia om ki ta, nangni intha viat no ning.

FESUAKNA 32:13

Ni mi Abrahama, Isaka le Jakoba hai kha inhre maiin lân; ‘Irvâna ârsi tam dôr nêkin annihai kha irchi suanpâr pe hrang le ram ni inkung murdi an ta ni mai hranga kha,’ an irchi suanpârhai kuanga ni inkung kha inhre mai ro,” a tia.

1 SAMUELA 12:22

A chonginkung dettak sika hin Rengpa’n a mihai chu masan no nia, a mi ni hrangin nangni a len sâp tâk sika hin.

INPÂKNA HLAHAI 25:11

O Rengpa, nir hming sikin ki sualhai ngaidamin lân; a natinsat tâk a ni.

INPÂKNA HLAHAI 145:11

Ni ram roiinpuizia thu hril an ta, Ni sinthotheizia thu insîr an ti.

ISAIA 62:6

Jerusalem nir kul banghai a hrungtu sia ki ta, a sûn a zân om mai thei no nihai. A chonginkung kin hriat mai theina hrangin Rengpa hril mai an ti.

EZEKIELA 20:22

Khannisian, Israelhai Aigupta ram ata ki hruaisuak laia hmutu nam danghai mithmua ki’rhming a siat loina hrangin ki insum hrâm a ni.