JEREMIA 14:20 - PATHIAN LEKHABU IRTHIANG C.L. Bible (BSI)

²⁰ Rengpa ni chunga kin isual a ni ta; kin sualnahai le kin irchibulhai sualna kin inpuang a ni.

JEREMIA 14:20 ပူးပေါင်းရင်းမြစ်များ

2 SAMUELA 12:13

Davida khan Nathana kuang, “Rengpa chunga thil ki tho insual tâk a ni,” a tia. Nathana’n, “Rengpa khomin nang an za ta, thi no chi ni.

2 SAMUELA 24:10

Khannisian mihriam a hong tep zoi tena chu Davida lungrîl kha a na pe oka. Davida khan Rengpa kuang, “Ki thil thoa hin a satêrengin ki lei insual tâk a ni. Nikhomsianlân atûn hin o Rengpa, mi sual pualoina hi nin za hrangin nang ki ingên a ni. Invêt chângin ki lei châng tâk a ni,” a tia.

NEHEMIA 9:2

Israel namhai chu nam danghai rengata a bingin an oma, an ngîra, an sualnahai le an pi le pu sin insiatnahai ngaidam an irzonga.

JOBA 33:27

“Thil dik tho loiin thil dik loi ki lei tho ta hi te, Khannisian, ki irphu angin chu la tuang ma ung,” ti’n vântâng laia hla sak a ti.

INPÂKNA HLAHAI 32:5

Khanchu ki sualna chu ni kuang kin puanga; Kin châina chu thup ta ma unga, “Ki tho’nsualna chu Rengpa kuang thûtpha chôi ki ti,” ki tia; Khanchu nangma’n ki sual porinche chu ni ni ngaidam ta.

JEREMIA 14:7

Ki mihai keima tiang an khêka, ‘Kin sualna’n mualphoi ni sak khomsian, Rengpa ni chonginkung angin ni changpui ro, voi tamtak ni kuang ata kin rot tâka. Ni chunga kin isual a ni ta.

JEREMIA 3:13

Ni itho insual a nih ti le Rengpa ni Pathian chunga ni tehel a nih ti inlang roh. Thingkung hringhai hnuaia nam dang pathianhai lung ni la thung maia, ki thupêk ni izôm loi dânhai irphuang suak ta ro, Keima Rengpa’n ki iti a ni.

JEREMIA 3:25

Inzakin zâl kin ta, kin mualinphoina hin nir khû ri se. Keini le kin irchibulhai hin Rengpa kin Pathian chunga kin len sual ta ngai sikin, a thupêkhai zôm pe ngai ma ung,” nin tia.

JEREMIA 8:14

Itho sika ei itoi mai ma ni? Hong roi, khopui kul neihaia rot ei ta, so taka son va thi ei ti. A chunga ei tho’nsual sika khan Rengpa ei Pathianin thi hrangin thiamloi a nin chang tâk sikin, ei in hrangin tûr a ni ipêk tâk a ni.

CHAP HLA 1:20

Rengpa ki ituang lam hi ni en ro, Ki lum hlut hluta ite invol thei ma ung, Ki sual hrai sika a ni; Ki’rsîr tatak ta, Khandaia ni that hrang lak ki kôla hin an pung maia, In sûng tiang lak hripuiin a ni bôm.

CHAP HLA 3:42

“Thil saloi thoin ei rotsana, nangin ni ngaidam mak che.

CHAP HLA 5:7

kin pahai khom an suala, om zoi ta mahai, an dik loinahai kin ipêl a ni ta.

DANIELA 9:15

“Atûn hin o Rengpa kin Pathian Aigupta ram ata kut hrât taka a mihai hruai suaktu le irhming inthanga atûn tena irhming insatu, kin suala, a sate’n kin isual zoi tâk a ni.

AMOSA 7:2

Khan, kha rama sûlhna an fâk zit hnungin, “O Rengpa Pathian, ngaidam ro, hi nang ki ngên; Jakoba chu itin mo a ingîr thei hrang, ama kha a chîna?” ki tia.