JEREMIA 14:2 - PATHIAN LEKHABU IRTHIANG C.L. Bible (BSI)

² “Judai ramin a tuanga, a khopuihai chu a iram thiai a ni ta, a mihai chu beidongin irnênga an zâla, Jerusalem chu a san hrang zongin a khêka.

JEREMIA 14:2 ပူးပေါင်းရင်းမြစ်များ

JOBA 34:28

Pathian inhriat thei rakin inrianghai an khêktir ngaia, Riangvâihai irhâi chu a len hriat thei ta.

INPÂKNA HLAHAI 144:14

Kin sialhai khom hong punghai sianlân; An rûktu le ar hmangtirtu om loiin, Kin mikot tuala lungzîng khêk hnukirhai om no ri se.

FESUAKNA 2:24

Pathianin Abrahama, Isaka le Jakoba-hai kuanga a thuthung kha an hriat maia.

ISAIA 15:5

Moab hai sikin ki milung a na tâka, Zoar le Eglath-Selesia hai tenin, râl chiin an intâna, senkhathai chu Luhit tunga khan chap pumin an fea, senkhat chu Horonaim tiang an fea, chardong takin an chapa.

ISAIA 24:11

Beidongin kholaidunga an khêka, Uain in hrang an nei ta no sikin, a râiinfân hmêl tûte om ta mahaia, irnênga lômna rêng om ta mah.

ISAIA 24:4

Irnêng hi châra ngûi ruaiin om a ta, rammual chu beidongin om a ta, irnêng irvân khom ngûi a ti.

ISAIA 24:7

Grep râng a chuaia, Uain khom a itôm si sit a ni ta, raifân ngaihai an ngûi zoi ta.

ISAIA 3:26

Kho sûnga hruaituhai khom chap khêka inrûmin om an ta, kho sûnga mihai khom korongin toi ta an ti.

ISAIA 33:9

Ram chu a’rzalin a iram zoi a ni ta. Lebanon rampui a ngûi zoi tâka, Saron phâi khan ramchâr angin a om ta, Basan le Karmel tânga thing hnâ a chil zoi ta.

ISAIA 5:7

Itinrêng Rengpa irhuan chu Israel in sûng mihai hi an nia, Judai rama mihai hi a inhroihai tak chu an ni. Diktaka roirêl sabeiin, mi that an nuam ngaia, khannisian chardonga an khêk irhâi a hmu intamhai ta.

JEREMIA 11:11

Khasika khan keima Rengpa’n an chunga siatna zuan sum ki ta, zôk thei no nihai ti hi ki inhriattirhai a ni. Changpui hrangin an ni koi khomin irngai pehai no ning.

JEREMIA 12:11

Ramchârin an siam tâka, ki makunga rong luaiin a om ta. Ram pumpui chu ramchâr a chang zoi ta sikin tûte’n donsui ta mahai.

JEREMIA 12:4

Idôra sôt mo kin ram hi a ichâr hrang, hmun tina hloisûlhai hi an ichâr hrang? Kin mihai sualna sikin ramsahai le vâhai chu an thi tâk sikin, mipuihaiin, “Pathianin ei omdân hi hmu viat maka,” an ti ngai.

JEREMIA 18:22

Ki tâkna hrang khur an choia, ki’rkhitna hrang châng an kam sikin, râlhai chu hong tîr thutin lân, an inhai inmokin lân, anni chu khêkin tîrhai roh.

JEREMIA 4:28

Khasika khan irnêng chu ngûi ruaiin om a ta, irvân khom a inthim khap hrang a ni. Rengpa iti lam tak ni ta a ti, a milung inchong thûl ta no nia, thu mongna chu a siam zoi tâka, irlêktir ta no ni.

JEREMIA 46:12

Nam tinhaiin ni mualinphoina an inhriata, mi tinin ni chap irhâi an inhriat a ni. Sipai inkhatin a dang kha ar pal raka, an ruaiin hnuaia an inrîl tâka.

JEREMIA 8:21

Ki mihai lungnatna’n ki khêkpuia, ki chapa, lungzîngin ki om tâka;

CHAP HLA 2:8

Rengpa’n Zion kul lak an siat tum maia, a siat hrang dôr indangin a oma, a kut thâk chu a sân a ina a ni. In irsâng le ar kulna banghai chim zoiin a oma.

CHAP HLA 2:9

A mikothai khom a bong a bûiin a siata, a inkhâr thîra siamhai khom artan zita, rênghai le an mi lianhai chu sala an intânga, dân irchutir thei khom ni ta mahai, Deipuhai khomin Rengpa inlârnahai ite dong ta mahai.

CHAP HLA 5:10

Kin vunhai khom irtap mei angin a luma.

HOSEA 4:3

Khasikin ram khan sûn a ta, a sûnga lêng tinrêng sôl an ti, ramsahai chunglêng vahai le; a ni, tui khangliana ngahai dênin lâkpai ni an ti.

JOELA 1:10

Loi kha insiat a nia, ram khan a charindonga; bu kha insiat a nia, uain thar kha a kanga, hriak kha a châra.

JOELA 1:11

O nangni, loi neituhaio, inzak unglân; o nangni, grep hrui enkoltuhaio, bu le faôi sikin khêk rak rak roi; loia bu ât hrang kha ar hmang tâk sikin.

JOELA 1:14

Bu nghei zoro ser irthiang unglân, inkhômpui ir-up siam unglân, Rengpa nin Pathian ina khan putarhai le hi rama lêng murdihai kha hruaikhôm unglân, Rengpa kha insam roi.

JOELA 2:6

An matona mipuihai kha an kamanga: an hmêlhai kha a hong dông zita.

HAGAIA 1:11

Irnêng chunghaia, tâng chunghaia, bu chunghaia, uain chunghaia, hriak chunghaia, irnêng chunga thil hong suak chunghaia, mihriam chung haia, sa chung haia, kuta tho suak murdihai chunga khua kin kangtir a ni,” a tia.

ZAKARIA 7:13

Thu ki hril lai khan an irngai no sikin, kei khoma an thuhril chu irngai pehai ma ung.

1 SAMUELA 5:12

A thi loihai kha an popa, khanchu kha kho sûnga mihai kha changpuina zongin an pathianhai an zong ta.

1 SAMUELA 9:16

“Nangtûk hi zoro lai taka hin Benjamina nam ata mi inkhat ni kuang hong tîr hrang ki ni, ki mi Israelhai chunga hruaitu ni hrangin sahriak lei pol ro. Ama khan Filistia mihai kut ata ki mihai inzôk a ti. Ki mihai tuangna kha ki hmu tâka, an khêk irhâi ki kuang a hong itung tâk a ni,” a tia.