JEREMIA 14:14 - PATHIAN LEKHABU IRTHIANG C.L. Bible (BSI)

¹⁴ Khan Rengpa’n a iti chu, “Deipu khan ki’rhmingin minlak a tho a ni, anni chu tîrhai ma unga, thupêkin an laia chongbâi khat lua ki iti loi a ni. Inlârna thu an ihrilhai kha keima ata suak ni maka; an thu inpuanghai chu hlutna nei loi, an lungrîla an ingaitua lik a ni.

JEREMIA 14:14 ပူးပေါင်းရင်းမြစ်များ

ISAIA 56:10

Râl vêngtuhai mit chu an chotira, ite hmu thei loiin. A hrungtua siaa ui inmûk nuam loi ang hi a ni. Irmang nei raka inmurhnik vai nuam, zâl phâmhmohai:

ISAIA 9:15

an luhai chu an ulian songhai an nia, an irmei chu deipu minlak tho ngaihai hi an ni.

JEREMIA 20:6

Nangma khom Pasur, ni ina om murdi leh suak hrangin nangni hruai an ta, Babulon tiang nangni hruai an ti. Kha khan thi nin ta, phûm ni nin ti,’ nin rualhai minlak thu ni lei ihrilpuihai leh khan,” a tia.

JEREMIA 28:11

mipuihai inhriatin a tia, “Rengpa’n hiang tak hin rêng Nebukadnezara’n nam tinhai ringa ringkol a inpêltirhai chu inkhiak ving ni a ti, ti a ni. Hi hi kum hni sûnga a itho hrang chu a ni,” a tia. Khanchu ki rota.

JEREMIA 28:13

Hanania kuanga fea ti pe hrangin a ni hrila, “Thinga sin ringkol chu nin siat khom a ni thei, khan khomin thîr ringkolin thûl nôk a ti, a iti a ni.

JEREMIA 28:15

Khanchu kha thu kha Hanania kin hrila, a kuanga a iti pe nasan, “Hanania inhre ro, Rengpa’n nang a itîr ni maka, hi mipuihai hi thudik loi ni in-iamtirhai a ni.

JEREMIA 29:21

Rengpa Itinrêng thothei, Israelhai Pathianin, Kolaia nâipa Ahaba le Maaseia nâipa Zedekia, a’rhminga milak chong inpuang ngaihai chungthu an sîra. Anni chu Babulon rama rêng Nebukadnezara thuneina inhlan an ta, an mithmu chunga ngêt that an ti, a iti a ni.

JEREMIA 29:31

“Hi hi sal intânghai hrilhai ro: Rengpa’n Nehelam mi Zefania chungchâng hiang hin a hril; Semaia hin nin kuang thu a hrila, ama chu ki itîr ni ma, minlak nangni a in-iamtir a ni.

JEREMIA 37:19

Babulon rama rêngin, nangma mo, ni ram doi no nih tia nang hril ngai, ni deipuhai imo an ichang zoi ta?

JEREMIA 5:31

deipuhai khan thu milak bana chu hril suak mahaia; ochaihai chu deipuhai thupêkin roi an rêla, ki mipuihai khomin an lôm lamtak a ni. Nikhua a hek tika chu itin mo an itho hrang tâk?” a tia.

JEREMIA 8:10

Khasikin an loihai chu a chongpu thar kuang pe ki ta, an dôngmahai chu pasal danghai pehai ki ti. Mi tukhom, a chîn, a lianin dik loi taka sum lâklût an itum a ni. Deipuhai le ochaihai ten luan mipui an ihuanghai a ni.

JEREMIA 8:11

Ki mihai sâbe tuang khom ngaituahai ok loiin, ‘A thathaia,’ an tia, an dam zoi no khomin.

CHAP HLA 2:14

Deipuhaiin chu thil chanlamboi le minlak an hmu suaka. Ni’rlet theina hrangin ni sual irlang ngai mak chea. Inlârna an ihmuhai khom chanlamboi irhuangna a ni.

CHAP HLA 2:9

A mikothai khom a bong a bûiin a siata, a inkhâr thîra siamhai khom artan zita, rênghai le an mi lianhai chu sala an intânga, dân irchutir thei khom ni ta mahai, Deipuhai khomin Rengpa inlârnahai ite dong ta mahai.

EZEKIELA 12:24

Israel insûngkua laia inlârna zuang tung rêng rêng le tasân sa lama hrilinsiatna rêng rêng om ta no ni.

EZEKIELA 13:2

“Mihriam nâipa, Israel deipu, mâni lungrîl suak ata thu hril hmanghai chunga khan thu hrilin lân, Rengpa thu chu irngai roi,

EZEKIELA 13:23

Khasikin, ite ni loia, thu leihrilna dik loi mani chu hmu viat ta no chin ni; khan, ki mihai chu nin kut ata sansuak ki ta, Rengpa chu ki nih ti inhriat an ti, a ti ti’n hril ro,” a tia.

EZEKIELA 21:29

Inlârna dik loi nang an irhmua, tasânna dik loiin nang an inentir a ni, ni ringa khandai irbuntirin om ni ta, ni sualna intirom tak sikin ni zoro a hong tung ta, hremna hnungkhôn tak sûn kha.

MIKA 3:11

Khataka hruaituhai khan fâkinrûkna sabeiin roi an rêla, khataka ochaihai khan hlo sabeiin an irchûtira, khataka deipuhai khan sum sabeiin pânzia an ena: khaang dôr khom khan Rengpa kha ei laia a iom loi ma ni? Thil saloi ei chunga zuang tung no ni tiin Rengpa chunga nin irnghat a ni.

ZAKARIA 10:2

Mihaiin millimhai le tasân theihai an irdonhai ngaia, khannisian a sâmna an ihmuhai chu minlak le chanlamboi korong a ni ngai. Senkhatin irmanghai an sui ngaia, khannisian fena hrang vai kêng nangni an fe insualtir ngaia, an lungngam saknahai khom chu hmanghmunboi ving a ni. Khasikin mipuihai chu belra irhmanghai angin an irvâk indarh ngaia, hruaitu an nei no sikin, an buai ngai.

ZAKARIA 13:3

Khannisian mi’n thu a la hril nôk maia niin chu, ama nu le pa ngeiin ama chu that nih a ti, tiin hril ri se; minlak thoa, Rengpa thu hrila a’rti sikin. Khan thu a hril nôk laiin ama chu a nu le a pa ngeiin sun that ri sehai.

DÂN INHNINA 18:20

Ki thupêk ang chi ni loi, ki’rhminga thu’nsîrtu deipu chu thatpai hrang a ni.

1 TIMOTHEA toc2 1 TIMOTHEA 4:2

Kha thu irchutirna inthek indartuhai kha sia le sa inhriatna cho, thîr irlinga eminchâr nei ang, milakthei an ni.

1 JOHANA 4:1

Inditom takhaio, irtha narân hi iam no roi, irtha chu Pathian ata zuang suak a ni le ni loi fia bak ngai roi; deipu dol tamtak rammuala an hong suak tâk sikin.