JEREMIA 14:13 - PATHIAN LEKHABU IRTHIANG C.L. Bible (BSI)

¹³ Khan keima’n, “O itinrêng thothei Rengpa deipuhaiin mipuihai kuang irdoina mo, châmna mo khom om no ni, tia an inpuang khom nin hriata. Ni chonginkung sikin irtharngamna vai hi ei rama om hrang a nih an ti ngai,” a tia.

JEREMIA 14:13 ပူးပေါင်းရင်းမြစ်များ

ISAIA 56:10

Râl vêngtuhai mit chu an chotira, ite hmu thei loiin. A hrungtua siaa ui inmûk nuam loi ang hi a ni. Irmang nei raka inmurhnik vai nuam, zâl phâmhmohai:

JEREMIA 1:6

Keima’n, “O Rengpa Pathian, nâipangte kêng ki la nia, thu hril khom thei ma ung,” ki tia.

JEREMIA 20:6

Nangma khom Pasur, ni ina om murdi leh suak hrangin nangni hruai an ta, Babulon tiang nangni hruai an ti. Kha khan thi nin ta, phûm ni nin ti,’ nin rualhai minlak thu ni lei ihrilpuihai leh khan,” a tia.

JEREMIA 23:17

Ki thu’nsîr irngai nuam loi mihai kuang khan an ta hrangin itinrêng a sat lam chu ni a ti, an ti pehai ngaia. Mi tukullianhai kuang khan, ‘vânduaina hri tin khomin tôn viat no ni,’ tiin an hril ngai a ni,” a tia.

JEREMIA 37:19

Babulon rama rêngin, nangma mo, ni ram doi no nih tia nang hril ngai, ni deipuhai imo an ichang zoi ta?

JEREMIA 4:10

Khanchu keima’n, “Rengpa Pathian, Jerusalem mihai hi ni ihuanghai kêng a ni hi te! Lungirngamna om a ti, ni lei tia. Khannisian khandaiin kêng an ring a isun pehai chian a ni ta,” ki tia.

JEREMIA 5:12

Rengpa mihaiin an ni hnôla, “Ite tho tatak no ni, intak zoro khom tong ual no ia; irdoi mo, châm mo khom tong ual no ih,” an tia.

JEREMIA 5:13

Deipuhai khom Rengpa kuanga irthokin chongbe nei loi, thurchi hlutna boi kêlsua ngai an ni, an tia. Rengpa Pathian itinrêng thothei khan ki kuang, “Jeremia, hi mihai hin hiang hin an ti sikin, nin bâia khan ki thuhai hi mei angin siam ki ti, mipuihai chu thingkung angin om an ta, mei khan kânghai a ti,” a tia.

JEREMIA 5:31

deipuhai khan thu milak bana chu hril suak mahaia; ochaihai chu deipuhai thupêkin roi an rêla, ki mipuihai khomin an lôm lamtak a ni. Nikhua a hek tika chu itin mo an itho hrang tâk?” a tia.

JEREMIA 6:14

Ki mihai sâbe tuang uksakhai loiin, ‘A dam ta,’ an tia, la dam loihai khom kha,

JEREMIA 8:11

Ki mihai sâbe tuang khom ngaituahai ok loiin, ‘A thathaia,’ an tia, an dam zoi no khomin.

EZEKIELA 12:24

Israel insûngkua laia inlârna zuang tung rêng rêng le tasân sa lama hrilinsiatna rêng rêng om ta no ni.

EZEKIELA 13:22

Keima beiindongtir ni maka, mi felhai lungrîl sunin nin innatir sik le mi sualhai chu hring dama la omna hranga an sualna lam ata irlet loina hrangin mi sual kuthai chu nin inhrâta.

MIKA 3:11

Khataka hruaituhai khan fâkinrûkna sabeiin roi an rêla, khataka ochaihai khan hlo sabeiin an irchûtira, khataka deipuhai khan sum sabeiin pânzia an ena: khaang dôr khom khan Rengpa kha ei laia a iom loi ma ni? Thil saloi ei chunga zuang tung no ni tiin Rengpa chunga nin irnghat a ni.

2 PETERA toc2 2 PETERA 2:1

Mipuihai laia deipu dol an iom ngai ang khan nangni laia khom irchutirna dikloi la hong om a ti; mi insiat thei irchutirna dikloi inrûkin la hong lûtpui an ta; Inlaltak anni irtantu kha, hnôlin mâni siatna inrang takin intungtir an ti.